Mark 7:24 - Yak'usda Ooghuni

²⁴ ꞋEt Jesus whenája whe Tyre ꞌinkꞌez Sidon huwhútni-un keyoh ꞌoh whunat tsꞌe naoosja. ꞋEt ꞌilhoghun yoh danínya ꞌinkꞌez usda, ꞌuyoonne tꞌehonózin hukwa lheꞌnízun. ꞋEt hoontsꞌi ꞌaw buchꞌa ntoolꞌih ꞌaítꞌoh.

Mark 7:24 Iomraidhean Croise

Genesis 10:15

Canaan ꞌen Sidon, ꞌudechoo ooyeꞌ yuzdliꞌ, ꞌinkꞌez Heth;

Genesis 10:19

Canaan whutꞌenne whukeyoh whuban ꞌet Sidam, Girard tsꞌu wheti-un Gaza ꞌuwhuldzoh, Sodom tsꞌu wheti-un Gomorrah, Admah, Zeboim, Lasha tsꞌe ꞌuwhuldzoh.

Genesis 49:13

Zebulun ꞌen yatoo ba hoonzoo-un ꞌet whutitꞌelh. Ndai la tsꞌi yanakuk-i, ꞌi ba, ꞌinkꞌez keyoh Sidon ꞌet whuzih whutitꞌelh.

Matthew 11:21

ꞋEt ꞌubulhni, “Nohni Chorazin whutꞌenne, ꞌinkꞌez Bethsaida whutꞌenne, nohni, dawhultsiꞌ-un ꞌet nohtsꞌu hóoltsꞌulh! ꞋUdaꞌ whunilhchoh hoolhtus neꞌwhustꞌen-un, Tyre ꞌinkꞌez Sidon whutꞌenne, bunalh ndúhooja de, ꞌudaꞌ daꞌ dudeni naháhundunooleh ooleꞌ daꞌ. Doso naih be hudólhdzꞌi de ꞌinkꞌez lhez kꞌehodzih daꞌ.

Matthew 9:28

Jesus yoh daninya whe hoos̱ꞌenne huyudáninꞌaz. ꞋEt Jesus ubúlhni, “Nohba ꞌalha ꞌuhoontꞌoh eh ꞌet dutísnelh?” ꞋEt ꞌuhuyulhni, “A, neMoodihti!”

Mark 2:1

ꞋEt hukwꞌelhꞌaz whutizútyaz whe Jesus keyoh Capernaum tsꞌe naoosja. Tsꞌiyanne whulh ꞌúhuduztsꞌai ndet yoh usda.

Mark 7:23

ꞋI tsꞌiyawh dune budzi yo tsꞌe ha dúltsꞌit-i, ꞌi gha lubeshi hilhchuk.”

Mark 7:25

ꞋIlhoghun tsꞌeke ooyatsꞌe ntsiꞌ-i nudúdeh-i ooyudínda Jesus yulh ꞌúditsꞌo whe yughu ninya ꞌinkꞌez yubut nachánitno.

Mark 7:31

ꞋEt doo cha Jesus keyoh Tyre huwhútni whunat ꞌutꞌen inleꞌ ꞌinkꞌez Sidon huwhútni ꞌoh whuya lhuséya whe whunizyat-un bukeyoh whutulh lhuséya ꞌinkꞌez Galilee Bun whuz oozya.

1 Timothy 5:25

ꞋInkꞌez whuz ꞌunꞌa za mbene ꞌutꞌen unzoo-i ꞌulhꞌenne tsꞌiyanne tꞌewhuntizeh ꞌinkꞌez ꞌutꞌen unzoo-i nahinuꞌiꞌ de, ꞌi hoontsꞌi tsꞌiyanne tꞌewhuntizeh.