Mark 7:2 - Yak'usda Ooghuni

² ꞋEt hubonilhꞌen whulohne Jesus yugha hodulꞌehne dula tsun bulh ꞌuhaꞌalh. ꞋUdaꞌ Phariseene ꞌet, “Me” huwhútni inleꞌ ꞌinka butsꞌú ha huhonꞌai.

Mark 7:2 Iomraidhean Croise

Matthew 15:2

“Di ha ngha hodulꞌehne, netsodaꞌne neꞌhustꞌen hukwꞌunꞌa hukwꞌu nulheꞌhustꞌen? Ngha hodulꞌehne, ꞌaw lanalheꞌhulhde ꞌuhutiꞌulh whutso!”

Mark 7:5

ꞋEt huwa Phariseene ꞌinkꞌez Moses be ꞌudustlꞌus ꞌukꞌu nunáguzne Jesus huyoodulhkut, “ꞋEt dáhoontꞌoh huwa ngha hodulꞌehne netsodáꞌne whuneodalhꞌeꞌ kꞌunꞌa lheꞌhustꞌen ꞌinkꞌez dula tunálhuhusgus whe ꞌuhaꞌalh?”

Luke 11:38

ꞋUtiꞌulh whutso lanalheꞌildoh. ꞋEt Pharisee yunilhꞌen ꞌinkꞌez ooba hooncha.

Acts 10:28

ꞋEt ubúlhni, “Nohnichꞌoh soo cho tꞌéoonáhzun, Lizwifne whuchꞌaz nijoot ꞌudun yun kꞌut whutꞌenne buyoh datsꞌóoyaꞌ ꞌinkꞌez bubulh néꞌtsꞌootꞌen huba lheꞌhóotꞌoh. ꞋEt hoontsꞌi, Yakꞌusda whusúnilhtan ꞌaw ꞌuyoonne dune me sba hinli doosniꞌ ꞌaítꞌoh.

Acts 11:8

ꞋEt hoontsꞌi, ‘SMoodihti ꞌawundooh, ndi khuna-i me tsꞌútni, oochꞌaz nijoot wheꞌ hoontꞌoh, ꞌet huwa ꞌaw oosꞌalh ꞌaítꞌoh,’ dusni.

Romans 14:14

Jesus Christ ꞌen gha tꞌewhunúszun ꞌalha ꞌuhoontꞌoh ꞌaw ꞌutꞌalh-i me tsꞌutni-i hooloh. ꞋEt hoontsꞌi whulohne ꞌuhuninzun ꞌi ꞌutꞌalh-i me ꞌúntꞌoh ꞌuninzun de, ꞌet de ꞌen dune ooba me yinli whe ꞌuntꞌoh.

Hebrews 10:29

ꞋEt hoontsꞌi ꞌon nus hootátsiꞌ. Mbene Yakꞌusda ooYeꞌ ꞌantsꞌi yuba unli whe yukꞌunuya de, ꞌinkꞌez Jesus buzkaiꞌ be ꞌandit khuni buba lhaídinla-i huwhutꞌi, ꞌinkꞌez Yakꞌusda ꞌudun nebuninla, ꞌet hoontsꞌi buzkaiꞌ ꞌaw hoonliyaz buba lhíloh de, ꞌinkꞌez Ndoni ꞌen cha ꞌen unzoo-i ootsꞌu haídultsꞌuk-un, hichꞌaz yalhduk de, tsꞌiyawh mbene whuz unꞌa ndutꞌenne, ꞌon nus whéoonujut whe buba nahutideh.

Revelation 21:27

ꞋEt hoontsꞌi hoonliyaz dutsun-i ꞌet daóoltsꞌit ꞌaitꞌoh. Kꞌus mbe la hubaꞌ whuninzun tuneꞌ ꞌutꞌenne, ꞌinkꞌez whutsꞌitne cha, ꞌaw dahóodilh ꞌaitꞌoh. Mbene la ꞌusbaiyaz tsꞌukhuna be ꞌudustlꞌus kꞌut ꞌukꞌusguzne, ꞌenne za bubaꞌ hoontꞌoh ꞌet huwa.