Mark 7:17 - Yak'usda Ooghuni

¹⁷ ꞋIlhozdílne butá ha nája ꞌinkꞌez yoh daninya, yugha hodulꞌehne hígha hódulꞌeh yé yaílhduk-i hukwa huyoodulhkut.

Mark 7:17 Iomraidhean Croise

Matthew 13:10

ꞋEt yugha hodulꞌehne highu nindil, ꞌinkꞌez ꞌuhuyúlhni, “Di ha ndi khuni be whutsꞌodulꞌeh-i be za bubulh yaílhduk?”

Matthew 13:36

ꞋEt Jesus ꞌilhozdilne whe nábalhꞌaꞌ ꞌinkꞌez yoh danínya. ꞋEt yugha hodulꞌehne highu nindil ꞌinkꞌez huyúlhni, “Ndi khuni be nawhutnuk-i be whutsꞌodulꞌeh-i, nedini ndi ha niyeh toh ꞌutꞌantsiꞌ ha nányai-i?”

Matthew 15:15

Peter uyúlhni, “Ndi be nawhutnuk ꞌi be whutsꞌodulꞌeh-i be whunénilhtun.”

Mark 2:1

ꞋEt hukwꞌelhꞌaz whutizútyaz whe Jesus keyoh Capernaum tsꞌe naoosja. Tsꞌiyanne whulh ꞌúhuduztsꞌai ndet yoh usda.

Mark 3:20

ꞋEt doo cha za ꞌilhozdilne huldlai kꞌet Jesus ꞌinkꞌez yugha hodulꞌehne bulh ꞌuhutiꞌulh, ꞌet hoontsꞌi ꞌaw ꞌuhooneh ꞌaítꞌoh.

Mark 4:10

Jesus dichꞌoh ꞌúntꞌoh whe whulohne yoozálhtsꞌaꞌne huyulh ꞌuntꞌohne whelꞌaꞌne bulh Jesus higha óozdil ꞌinkꞌez ꞌuhuyúlhni, “Dája daniꞌ-un, ꞌet neba hukwꞌu nuhílhyeꞌ.”

Mark 4:34

Higha hódoolꞌeh-i, ꞌi be bubulh yálhduk ꞌinkꞌez dichꞌoh ꞌúhintꞌoh te yugha hodulꞌehne, soo cho buba hukwꞌú nuhúlhyeꞌ.

Mark 7:16

Mbene la oodzeh hoonline, ꞌenne huyoozólhtsꞌaiꞌ.”

Mark 7:18

ꞋEt ꞌubulhni, “Nohni cha eh ꞌuyoonne kꞌunꞌa, ꞌaw noheni taóodoltsꞌit ꞌaítꞌoh? Di la dune yuꞌalh-i, ꞌi gha lubeshi olhchoot ꞌaítꞌoh.

Mark 9:28

ꞋEt hukwꞌelhꞌaz Jesus yoh danínya whe yugha hodulꞌehne whuꞌiz huyoodulhkut, “ꞋEt dáhoontꞌoh huwa wheni ntsiꞌ-i nudúdeh-i ꞌaw ootsꞌu ha nátsꞌinooyoot ꞌaitꞌoh?”