Mark 7:15 - Yak'usda Ooghuni

¹⁵ “Ndai la dune hiyilhchúk-i ꞌaw oogha lubeshi ólhchoot ꞌaítꞌoh, ꞌet hoontsꞌi ndai dune butsꞌu haídultsꞌit-i, ꞌi gha lubeshi hilhchuk.

Mark 7:15 Iomraidhean Croise

Matthew 12:34

Lubezo tlꞌughus buzkeh leꞌ ꞌahtꞌoh! Ntsꞌenꞌa ꞌahtsiꞌ ꞌinkꞌez khuni unzoo-i be yatahduk? Nohdzi ndai be dizbun ꞌi be yalhduk.

Matthew 15:16

ꞋEt ꞌuyulhni, “ꞋAw eh noheni talhodulhtsꞌit whe eh dahni?

Mark 7:14

ꞋEt ꞌilhozdílne Jesus doo cha za, “ꞋAnih! Soo zúlhtsꞌai tsꞌiyanne ꞌinkꞌez noheni taóodoltsꞌit,” ubúlhni.

Mark 7:16

Mbene la oodzeh hoonline, ꞌenne huyoozólhtsꞌaiꞌ.”

Acts 10:28

ꞋEt ubúlhni, “Nohnichꞌoh soo cho tꞌéoonáhzun, Lizwifne whuchꞌaz nijoot ꞌudun yun kꞌut whutꞌenne buyoh datsꞌóoyaꞌ ꞌinkꞌez bubulh néꞌtsꞌootꞌen huba lheꞌhóotꞌoh. ꞋEt hoontsꞌi, Yakꞌusda whusúnilhtan ꞌaw ꞌuyoonne dune me sba hinli doosniꞌ ꞌaítꞌoh.

Romans 14:17

Yakꞌusda dune kꞌúneꞌ bulꞌen-un huwun, ꞌaw tsꞌaꞌálh-i kꞌus tsꞌutnai-i, ꞌi ghun íloh ꞌuhoontꞌoh. Ndoni neyudíltsꞌut ꞌet huwa Yakꞌusda nalh tsꞌihꞌun ꞌútsꞌutꞌen, ꞌen gha nedzi dóghel, ꞌinkꞌez tsꞌohótꞌeꞌ.

1 Corinthians 10:25

ꞋEt ndai la ꞌilhunaoodulhne huye ꞌóoket-i, ꞌi tsꞌiyawh ꞌahꞌalh. ꞋInkꞌez nohyo tsꞌe oogha tꞌetsꞌoninzun-i, ookaꞌ oodolhkut junih.

Titus 1:15

ꞋEt mbene la buyo tsꞌe lhoditsunne, ꞌenne hoonli buba me lhiloh. ꞋEt hoontsꞌi mbene la budzi dutsun suliꞌne, ꞌinkꞌez buba ꞌalhaꞌ lheꞌhóotꞌohne, tsꞌiyai buba me yinli. ꞋInkꞌez bubeni ꞌinkꞌez buyo tsꞌe ꞌi gha tꞌetsꞌoninzun-i, ꞌi tsꞌiyai dutsun whe ꞌuntꞌoh.

Hebrews 13:9

Lhelhtsꞌun unꞌa ꞌinkꞌez hoontsiꞌ hukwꞌunꞌa dune hohodulhꞌeh, ꞌenne buboozólhtsꞌaiꞌ ꞌinkꞌez bukꞌuneꞌ oohtꞌen junih. Ndai lizwifne huyaꞌalh-i, ꞌi ꞌantsꞌi unli whe ꞌuntꞌoh. Mbene bukꞌunꞌa ꞌutꞌenne, ꞌaw bula ꞌeꞌwhudóneꞌ ꞌaitꞌoh. ꞋEt huwa ye unzoo-i, ꞌi be whuz unꞌa nedzi dizꞌai de, ꞌet de za tsꞌihꞌun ꞌuhoontꞌoh.

Hebrews 9:10

ꞋAntsꞌi hitiꞌulh-i, hititnelh-i, lhelhtsꞌun unꞌa la tunáhududugus, ꞌinkꞌez ndai la buyustꞌe ba tsꞌihꞌun ꞌuntꞌoh-i, ndi ꞌi tsꞌiyawh nus de ꞌandit-un Yakꞌusda ba neꞌhutitꞌen, ꞌoh de buba whusawhútiltsꞌulh-un, ꞌet whutsꞌun, whuz unꞌa ꞌuhootꞌen hubaꞌ hoontꞌoh inleꞌ.