Mark 6:6 - Yak'usda Ooghuni

⁶ ꞋEt ꞌaw be ꞌalha ꞌuhoontꞌoh-i lhahuyítꞌih, ꞌet Jesus ooba hooncha. ꞋInkꞌez whunat keyoh ꞌoh nuya ꞌinkꞌez dune hubodulhꞌeh.

Mark 6:6 Iomraidhean Croise

Matthew 4:23

Galilee yun kꞌut Jesus ndulcho nuya whe Lizwifne bulugliz ꞌet bubulh yálhduk. Yakꞌuz kꞌuneꞌ whulꞌen-un, ꞌen ghun khuni unzoo-i be bubulh yálhduk. Dune toh mbe la ndudane ꞌinkꞌez ooyustꞌe tétsunne, tsꞌiyanne soo naꞌbulhꞌen.

Matthew 8:10

Jesus whúdantsꞌo whe ooba hooncha. Yunidulhne ubúlhni, “Tsꞌihꞌun unꞌa nohdúsni, Israel ndulcho whe dune whuz unꞌa ooba ꞌalha ꞌuhoontꞌoh-un nalhizústi.

Matthew 9:35

ꞋEt Jesus keyoh whuti ꞌinkꞌez keyoh whuyaz cha whunilhchoh nusiya. Lizwifne bulugliz khuni unzoo-i be yakꞌuz kꞌúneꞌ whulꞌen-un ghun whubodulhꞌeh. ꞋEt dunene mbene la ooyustꞌe ndudane ꞌinkꞌez tetsunne, ꞌenne tsꞌiyawh soo naꞌbulhꞌen.

Mark 1:39

Galilee ndulcho nukéhudizde lugliz totsuk bubulh yálhduk ꞌinkꞌez ntsiꞌ-i nudúdeh-i dune ye ha nábunuyukw.

Mark 10:1

ꞋEt Jesus whuchꞌa nasja ꞌinkꞌez Judea ꞌoho nenínya ꞌukoh Jordan whanchꞌaz tsꞌe. ꞋEt lhane dune yugha óozdil. ꞋInkꞌez whutsodaꞌ datni la whuz unꞌa doo cha za hubodulhꞌeh.

Luke 13:22

ꞋEt hukwꞌelhꞌaz Jesus Jerusalem whuz tizya. ꞋInkꞌez keyoh whuti ꞌinkꞌez keyoh whuyaz dune toyalh ꞌinkꞌez hubodulhꞌeh.

Luke 4:31

ꞋEt Galilee yun kꞌut ꞌet keyoh Capernaum whuzꞌai tsꞌe whinya. Natsꞌulyis dzin totsuk whubodulhꞌeh.

Luke 4:44

ꞋEt Galilee Lizwifne bulugliz ꞌoh ho bubulh yalhduk.

John 9:30

ꞋEt ndun dune hoos̱ꞌen inleꞌ-un ubúlhni, “Ndun dune hoosꞌen nasulhtsi ꞌet hoontsꞌi nohni ꞌaw tꞌéoonuzúhzun ntsꞌez de haínya duhni! Tube sba hooncha!

Acts 10:38

Tꞌenahzun Jesus Nazareth whutꞌen-un, ꞌen daja whe Yakꞌusda Ndoni ꞌinkꞌez ye tsꞌílhtus-i cha yuyudánꞌai ꞌet huwa ndulcho nuya hoonzoo teneꞌútꞌen ꞌinkꞌez netsudule kꞌuneꞌ bulꞌen ꞌenne cha soo naꞌbulhꞌen, Yakꞌusda yulh ꞌuntꞌoh ꞌet huwa.