Mark 6:5 - Yak'usda Ooghuni

⁵ ꞋEt huwa nyo ꞌet Jesus ꞌaw huwa ꞌítꞌen te neꞌóotꞌen ꞌaítꞌoh, whulohne ndudáne, ꞌenne za bukꞌudílhni whe soo náꞌbalhꞌen.

Mark 6:5 Iomraidhean Croise

Genesis 19:22

Soo ꞌa ꞌududilyih! ꞋAw hoonli oosneh ꞌaitꞌoh ndet la keyoh ninya whutsꞌun.” ꞋEt huwa nyo keyoh Zoar huwhutni.

Genesis 32:25

ꞋEt nyoon Dune tꞌeooninzun ꞌaw Jacob chꞌa lheꞌilhdoh, ꞌet nyoon Dune Jacob bulh nulhuhulte whe Jacob ookꞌi lhghu nawhudulhghuz-un, ꞌet yutꞌaiznai ꞌinkꞌez ꞌet nyoo Jacob ookꞌi ꞌi kꞌulkut.

Matthew 13:58

ꞋEt Jesus ꞌaw buba ꞌalha lheꞌyitꞌoh. ꞋEt huwa dukeyoh ꞌaw lhat-un hooncha tunulhéꞌitꞌel.

Mark 5:23

ꞋInkꞌez soo cho yutsꞌu tédudlih, “Ustseꞌyaz ꞌawet datítsah, sulh naíntꞌus ꞌinkꞌez ookꞌu dólni sih soo náꞌootne ꞌinkꞌez khoonaꞌ sih.”

Mark 9:23

“A,” yúlhni, “Soo ꞌúlcho ꞌi be be ꞌalha ꞌuhoontꞌoh ꞌintꞌi de, mbene la ooba ꞌalha ꞌuhoontꞌoh utꞌíne tsꞌiyantsuk neꞌhutitꞌen-un buba huwa lhótilhnaꞌ.”

Acts 28:8

Publius oobá lili kꞌut sulhti dada be cha ꞌinkꞌez dubut kꞌedzoh nuzut. Paul sulhtí-un, ꞌet yughu danínya ꞌinkꞌez tenadidli, yukꞌudálni, ꞌinkꞌez soo náꞌyinla.

Hebrews 4:2

ꞋAlhaꞌ ꞌenne bukꞌunꞌa wheni cha ndi khuni unzoo-i be nebulh yaínduk. ꞋEt hoontsꞌi ndi khuni be bubulh yaínduk-i, ꞌaw lhuhiditsꞌil, ꞌaw buba ꞌalhaꞌ lheꞌhóonel ꞌet huwa. ꞋEt huwa ꞌaw bubeni tálheidikulh. ꞋEt huwa ꞌaw bula lhewhudínel.