Mark 6:41 - Yak'usda Ooghuni

⁴¹ ꞋEt Jesus liba ꞌinkꞌez lho bulh yílhchoot ndo yakꞌuz tsꞌe yutánꞌen ꞌinkꞌez, “Musi,” ni whe tenadidli. Lhes taidanyuz ꞌinkꞌez yugha hodulꞌehne whutahayólelh ha butlꞌa yánla. Nanki lho cha ꞌet ndúyinla whe butainínla.

Mark 6:41 Iomraidhean Croise

Matthew 14:19

ꞋIlhunaoosdilne, tlꞌoyaz kꞌut natlꞌa hudooltsꞌih ubúlhni. Kwulaiꞌ lhes ꞌinkꞌez nanki lho cha, ꞌi hitlꞌa húyanla whe ndo whúnalhꞌen, musi ni whe tenadidli. Lhes taidanyuz ꞌinkꞌez lho cha ꞌet ndiyinla ꞌinkꞌez yugha hodulꞌehne butlꞌa yánla, ꞌilhozdilne bugha húyoꞌalh ha.

Matthew 15:36

ꞋInkꞌez lhes lhtakꞌantꞌi lho bulh yílhchoot ꞌinkꞌez musi ni whe tenadidli. Taidanyuz ꞌinkꞌez yugha hodulꞌehne butlꞌa yánkai. ꞋI natlꞌa diltsꞌine butahinínla.

Matthew 26:26

ꞋEt ꞌaꞌalh whe Jesus lhes yilhchoot. Musi ni whe tenadidli. Lhtsꞌe danyuz ꞌinkꞌez yugha hodulꞌehne butlꞌa yánla. ꞋInkꞌez ꞌutni, “Ulhchoot ꞌinkꞌez ꞌahꞌalh. Ndi syustꞌe ꞌuntꞌoh.”

Mark 14:22

ꞋEt naꞌhutꞌalh whe Jesus lhes yílhchoot yuba tenadidli ꞌinkꞌez lhtsꞌe danyuz. Yugha hodulꞌehne bugha íninla ꞌinkꞌez ubúlhni, “Ndi ulhchoot, ꞌinkꞌez ꞌahꞌálh. Ndi syustꞌe ꞌuntꞌoh.”

Mark 6:40

ꞋEt dune nétlꞌa hudiltsꞌiꞌ tlꞌoyaz kꞌut whunizyat whunizyai ꞌinkꞌez kwulat whúnizyai whe lhaniwh te lhuhúsguz.

Mark 6:42

Tsꞌiyawh ꞌuhanꞌal ꞌinkꞌez ꞌuhunisdai.

Mark 7:34

Jesus ndo yakꞌuz tsꞌe yutánꞌen, yughudzoh ꞌúja whe tenadudli ꞌinkꞌez dune yulhni, “Ephphatha!” ndi lizwif bughuni ꞌet “Mba dáhaꞌ dooltsꞌit” ni whe ꞌutni.

Mark 8:19

5,000ne dune kwulaiꞌ liba butaidísyuz whe daltsuk chalhyal dizbun ꞌi dune yugháꞌozꞌal-i nalhdzooh ínleꞌ?” “Whunizyai ꞌon ꞌat nanki,” huyúlhni.

Luke 24:30

ꞋEt natlꞌa hudiltsꞌiꞌ ꞌinkꞌez ꞌuhutiꞌulh. Jesus lhes yilhchoot ꞌinkꞌez Yakꞌusda musi yulhni. ꞋInkꞌez lhkídanyuz ꞌinkꞌez bugha íninꞌai.

Luke 9:16

ꞋEt kwulaiꞌ lhes yilhchoot ꞌinkꞌez lho nanki cha ndo whunalhꞌen ꞌinkꞌez musi ni whe yuba tenadidli, taidanyuz ꞌinkꞌez yugha hodulꞌehne butlꞌa yánla, ꞌilhozdilne bugha húyoꞌalh ha.

John 11:41

ꞋEt nyo tsꞌun kꞌut dune ꞌadilhtí-un, tse ꞌudun hidutizꞌai. ꞋEt Jesus ndo yútanꞌen ꞌinkꞌez ꞌutni, “SBá sudántsꞌo ꞌinka musi nyudúsni.

John 17:1

Jesus njan ꞌet ndudániꞌ hukwꞌelhꞌaz, ndo yakꞌuz yutanꞌen ꞌinkꞌez ꞌutni, “ꞋUBá, ꞌawet stsꞌo dizulh-un ꞌawet whusahóoltsꞌut. NYeꞌ ooba whudílhtiꞌ ꞌet whe la NYeꞌ cha mba whudólhtiꞌ.

John 6:11

ꞋEt Jesus lhes yílhchoot, Yakꞌusda tsꞌun musi ni whe tenadidli, ꞌinkꞌez yugha hodulꞌehne butlꞌa yánla, dilhtsꞌíne tsꞌiyawh butahuyólelh wheni. ꞋEt lhoyaz yílhchoot ꞌinkꞌez ꞌi cha ꞌet ndúyinla. Tsꞌiyanne soo ꞌúltsuk whe huyílhchoot ꞌinkꞌez hiyanꞌal.

John 6:23

ꞋEt hoontsꞌi nyo ndet daꞌ neMoodihti Yakꞌusda tsꞌun lhes ba tenadidli ꞌinkꞌez dune tainínla huyooꞌalh-un wheni, ꞌet whuzih, ꞌet hukwꞌelhꞌaz ꞌuyoo tsꞌi cha Tiberias whuz de hainkat.

Acts 27:35

ꞋEt ndudániꞌ hukwꞌelhꞌaz, Paul lhes yílhchoot tsꞌiyawh bubut Yakꞌusda tsꞌun, “Musi,” daniꞌ, taídanyuz ꞌinkꞌez whe ninꞌal.

Romans 14:6

Ndun dune whuloh dzin ꞌon nus whudíztiꞌ ninzún-un, ꞌen ꞌet dzin neMoodihti yudólhtiꞌ ha, ꞌudun neóoninꞌai huwa ꞌútni. Ndun dune dzin ꞌon nus lhodítiꞌ ninzun-un, whuz unꞌa la neMoodihti wheyúdilhtiꞌ. Ndun dune tsꞌiyaitsuk ꞌaꞌálh-un Yakꞌusda musi yúlhni ꞌinkꞌez yunalh ꞌet yuꞌalh. Mbe la ꞌutsung lhúsꞌal-un, ꞌen cha Yakꞌusda musi yudániꞌ.

1 Corinthians 10:31

ꞋEt ꞌinka ndet la ꞌahꞌalh totsuk, ꞌinkꞌez ꞌahtnai de cha, kꞌus ntsꞌoh dahtꞌen ꞌi cha, ꞌet tsꞌiyawh ꞌi be ꞌet Yakꞌusda whé dulhtiꞌ-un hubaꞌ hoontꞌoh.

Colossians 3:17

ꞋInkꞌez dahtꞌen nohghuni ꞌinkꞌez nohꞌeꞌutꞌen whe cha, Jesus neMoodihti booziꞌ, ꞌi be ndahtꞌen. ꞋInkꞌez ꞌen be Yakꞌusda neBá, ꞌen tsꞌun musi dahni.