Mark 5:7 - Yak'usda Ooghuni

⁷ ꞌinkꞌez soo ꞌultus-un ꞌaldzul whe ꞌutni, “Jesus, Yakꞌusda ꞌukꞌenus diztiꞌ-un ooYeꞌ, ndet stsꞌu húkwaꞌ ninzun. Yakꞌusda ꞌintꞌoh ꞌinka ntsꞌu tédusdlih dzoh nusílhdzut iloh.”

Mark 5:7 Iomraidhean Croise

Genesis 3:15

ꞋInkꞌez nyun ꞌinkꞌez tsꞌeke bulh lhazdatni nohtiselh, ꞌinkꞌez nyuzkeh ꞌinkꞌez buzkeh. Ntsi yayinduntaꞌus ꞌinkꞌez ookentsul duntalhdah.”

Matthew 16:16

ꞋEt Simon Peter yatilhduk, “Nyun Christ, Yakꞌusda khuna-un, ꞌen ooYeꞌ ꞌintꞌoh,” yúlhni.

Matthew 26:63

Jesus ꞌaw tꞌedusnih. ꞋEt lubret ꞌukꞌenus diztiꞌ-un, yulhni, “Mbe la Yakꞌusda khuna-un, ꞌen be nyudusni yatolhdih hubaꞌ hoontꞌoh. ꞋI be mba nahutideh. Nedini Christ Yakꞌusda ooYeꞌ, ꞌen eh ꞌintꞌoh?”

Matthew 4:3

ꞋEt yóolhdzih-un, yughu ninya ꞌinkꞌez uyúlhni, “ꞋAlhaꞌ Yakꞌusda ooYeꞌ inli de, ndi tse lhes ooleꞌ dini.”

Matthew 8:29

Khuntsul tube cho ꞌuhutni, “Jesus nyun Yakꞌusda ooYeꞌ inli! Ndet netsꞌu hukwaꞌ ninzun? Neba whusaóotiltsꞌulh-un whutso, dzoh nunetalhdzut ha ꞌinja whusainya?”

Mark 1:24

“Jesus Nazareth whutꞌen-un ndet netsꞌú hukwaꞌ ninzun? Gak netalhtselh ha whusaínya? Mbe inli tꞌenyunúszun, nyun Yakꞌusda ba lubeshi ooghu hooloh-un ꞌintꞌoh.”

Mark 14:61

ꞋEt hoontsꞌi Jesus tꞌedusni ꞌinkꞌez ꞌaw yalhtílhdih. ꞋEt doo cha za lubret yoodulhkut, “Nyun eh Christ ꞌintꞌoh? Yakꞌusda díztiꞌ-un ooYeꞌ inli?”

Mark 3:11

ꞌinkꞌez ntsiꞌ-i nudúdeh-i buyudíndane, Jesus hitulhꞌih te, hibut nachánuldulh, ꞌinkꞌez ha húzulh whe ꞌuhutni, “Nyun Yakꞌusda ooYeꞌ inli whe ꞌintꞌoh.”

Mark 5:6

Nilhdzaꞌ-un yughusyin whe Jesus yutilhꞌen. ꞋAhoh yutsꞌu tílhgai ꞌinkꞌez dugwutsi be yubut nachánitno,

Mark 5:8

Ndutni whe Jesus ndúyulhni, “Ntsiꞌ-i nudúdeh-i ndun dune ooyáhanaindaih.”

Luke 1:32

ꞋEn ncha-un tileh. ꞋEn ꞌuhidutanelh soo ꞌudedo-un ooYeꞌ tileh. ꞋInkꞌez Yakꞌusda neMoodihti David ootsodaꞌ-un, yukꞌedinda-i ꞌindaꞌ-un, ꞌet yutlꞌa óotiꞌalh.

Luke 4:34

ꞌinkꞌez ꞌutni, “Ah! Nyun Jesus Nazareth whutꞌen-un ꞌintꞌoh. Ndet netsꞌu hukwaꞌ ninzun? Gak netalhtselh ha eh whusainya? Mbe inli tꞌenyunúszun! Yakꞌusda ba lubeshi ooghu hooloh-un ꞌintꞌoh!”

Luke 6:35

ꞋEt hoontsꞌi nohchꞌaz ditnine bukꞌeoohsiꞌ, ꞌinkꞌez soo neꞌboolhꞌen. Bughe ꞌoolhlaꞌ ꞌinkꞌez hoonli nohtlꞌunátiltsꞌulh hukwa tse hólhleꞌ junih. ꞋInkꞌez hooncha whe nohba kꞌelha whutaleh. ꞋEt mbe la yakꞌuz soo ꞌudedo ꞌuntꞌoh-un, ꞌen ooyeꞌke tihleh. ꞋAlhaꞌ mbene la musi lhdusnine ꞌinkꞌez ntsiꞌne cha, tsꞌiyawh butsꞌun unzoo.

Luke 8:28

ꞋEt Jesus yutilhꞌen whe yutsꞌu huyih ꞌinkꞌez yubut nachániti. ꞋInkꞌez tube cho yutsꞌu tédudli, “Jesus nyun soo ꞌudedo Yakꞌusda ooYeꞌ ꞌintꞌoh! Ndet stsꞌu hukwaꞌ ninzun? Ntsꞌu tedusdlih, dzoh nusilhdzut iloh!”

John 20:31

ꞋEt hoontsꞌi nduwhi ꞌukꞌu nusgúz-i nohba ꞌalhaꞌ ꞌuhotꞌeꞌ ha, ꞌalhaꞌ Jesus ꞌen Christ, Yakꞌusda ooYeꞌ, ꞌen ꞌuntꞌoh. ꞋEt njan nohba ꞌalha ꞌuhoontꞌoh whe ꞌilhiz ooleꞌ be tsꞌúkhuna-i, ꞌi Jesus Christ booziꞌ gha tíhtꞌelh.

Acts 16:17

ꞋEt ꞌutꞌen Paul ꞌinkꞌez wheni te neununúya ꞌinkꞌez ꞌaldzul whe ꞌutni, “Ndunne dune ꞌukꞌenus ndo Yakꞌusda ooduneꞌ hinli. Ntsꞌenꞌa la dutihjih ꞌoh te nohba nuhúhuyeꞌ!”

Acts 19:13

Whulohne Lizwifne ꞌahoolhyiz nukéhududeh, ꞌinkꞌez ntsiꞌ-i nudúdeh ꞌutꞌine bughu whenáhonuyukw. ꞋInkꞌez neMoodihti booziꞌ gha cha ꞌuhootꞌen hukwaꞌ hutꞌen. ꞋEt ntsiꞌ-i nudúdeh ꞌuhuyúlhni, “Wheni ntsꞌuyútni, Paul yughu yalhduk-un Jesus Christ booziꞌ gha ooyáhanaindaih!” hutni.

Acts 8:36

Higooh whe too hoonli-un hugho ningoo. ꞋEt nyoon moodih ꞌutni, “Njan too hooni. Dáhoontꞌoh huwa ꞌaw too beꞌ ꞌóoznih ꞌaítꞌoh?”

Romans 16:20

Yakꞌusda ꞌen whudizghel-un negha whuꞌaih-un, ꞌaw lhotuszit whe Satan nohketlꞌah gak yutilhtselh. ꞋEt nohba tenadusli neMoodihti Jesus Christ ye únzoo-i, ꞌi nohbulh ꞌóotꞌeꞌ ha.

Hebrews 2:14

ꞋEt wheni yinka dune tsinli neyustꞌe ꞌi ꞌuskaiꞌ bulh ꞌúlya. ꞋEt huwa Jesus Christ ooyustꞌe wheni nekꞌunꞌa ꞌuntꞌoh. ꞋEt whe tulalhgus kꞌut neba dazsai-un, ꞌi be ndun yé datitsah-i ye ulhtus-i utꞌí-un, ꞌen yuchꞌaꞌ nilhde, ꞌen netsudule ꞌuntꞌoh.

Hebrews 7:1

ꞋEt ndun Melchizedek ꞌilhoghun keyoh Salem huwhútni-un whulerwe unli. Yakꞌusda tsꞌiyantsuk whando ꞌuntꞌoh-un, ꞌen oolubret unli. ꞋOh daꞌ Abraham ꞌen lhane lerwene bulh lhígan ꞌinkꞌez lhane hánghan. ꞋEt hukwꞌelhꞌaz dukeyoh tsꞌu náhutisdil whe Melchizedek Abraham yududizya whe Yakꞌusda tsꞌun yuba tenadidli, ꞌukꞌenus hoonzoo-un yughá hoꞌalh ha.

James 2:19

ꞋInkꞌez cha sudóniꞌ, “Yakꞌusda ꞌilhoghun za ꞌuntꞌoh.” ꞋEt mba ꞌalha ꞌuhoontꞌoh, ꞌet huwa ꞌutꞌen unzoo-i ꞌilhꞌen. Ntsiꞌ-i nududeh-i ꞌenne hoontsꞌi, buba ꞌalha ꞌuhoontꞌoh whe nujut bulh hudutlut.

2 Peter 2:4

ꞋOh daꞌ whuz unꞌa za njan dúhooja, nyoonne lizasne lubeshi inlane, ꞌenne Yakꞌusda ꞌaw buba whula lhdítnel. ꞋEt huwa tsa kꞌet whutlꞌah hooloh-un, Tartarus tsꞌutni, whuz tsꞌe whébalhdil. ꞋInkꞌez whuz tsꞌe tsalhgus yo buba nahutiyeh whutsꞌun lhuztih tlꞌool be whénubudizguz.

1 John 3:8

ꞋUdechoo whutsꞌun netsudule lubeshi ꞌulhꞌen. Mbe lubeshi ꞌulhꞌen, ꞌen netsudule uniyalh-un ꞌúntꞌoh. Njan ꞌet huwa Yakꞌusda ooYeꞌ ndi yun kꞌut nusúya whe netsudule be ꞌutꞌen musai yoolhtselh ha.

Jude 1:6

ꞋEt ndunne lizas, ꞌenne cha Yakꞌusda buba ꞌuhoonla-un, ꞌet whula huditni. ꞋInkꞌez ndunne neMoodihti tsálhgus yo tsꞌe ꞌenne buboontun. Tlꞌoolh ꞌilhiz ꞌuntꞌoh-i, ꞌi be whénubudizguz, dzin hooncha-un whuz de hóoltsꞌulh ꞌoh de buba nahutiyeh.

Revelation 12:12

ꞋEt huwa yakꞌuz whutꞌine ꞌinkꞌez Yakꞌusda oonimbali whucho tꞌah dilhtsꞌine, nohni tsꞌiyawh whunúlhni! ꞋEt mbene ndi yun kꞌut dilhtsꞌine yatoo kꞌut cha nohni tsꞌiyawh ꞌukꞌenus hoontsiꞌ-un nohgha whutaltsꞌulh. Netsudule ndus de nohghu ninya tube hunilchꞌe. Tꞌeooninzun ooba nilhdukw suliꞌ ꞌet huwa.”