Mark 5:2 - Yak'usda Ooghuni

² Jesus tsꞌi bé hainya ibulh ꞌilhoghun dune tse bet dune ꞌadinla-un whuz de haínya.

Mark 5:2 Iomraidhean Croise

Mark 1:23

ꞋEt ꞌilhoghun dune butoh usda-un, ntsiꞌ-i nududeh-i kꞌúneꞌ ꞌutꞌen-un, ꞌaldzul whe ꞌutni,

Mark 1:26

ꞋEt ntsiꞌ-i nudúdeh-i ndun dune yuka ootilhdzut, ꞌalhdzul, ꞌinkꞌez yuyáhanaja.

Mark 3:30

Jesus ubudaniꞌ-un, ꞌet huwa Moses be ꞌudustlꞌus ꞌukꞌu nunáguzne ꞌuhútni, “Ntsiꞌ-i nudúdeh-i ooyudínda!”

Mark 3:9

ꞋIlhozdílne huldlai ꞌinkꞌez Jesus huyulh lhedudadulh ꞌet whuchꞌa yugha hodulꞌehne, “Tsꞌi sba lhadáhleh,” ubúlhni.

Mark 4:1

Bunghun Galilee huwhútni-un, ꞌet doo cha za ꞌilhozdilne Jesus higha óozdil ꞌinkꞌez hubodulhꞌeh. ꞋIlhozdilne huldlai kꞌet tsꞌi bet tlꞌa didaꞌ. Nusle dodikelh whe ꞌet whutsꞌun ꞌilhozdilne taba nódilhyane hubodulhꞌeh.

Mark 4:36

ꞋInka ꞌilhozdilne buchꞌa nahusdil yugha hodulꞌehne tsꞌi be hándil, Jesus ꞌudaꞌ ye usda-i be nyan hutizki ꞌuyoo tsꞌiyaz cha bubulh tizkat.

Mark 5:21

ꞋEt Jesus nyan tadatus tsꞌe whenáhiki ꞌinkꞌez bunghun whuzih lhane dune higha óozdil.

Mark 5:3

Ndun dune ntsiꞌ-i nudúdeh-i, ꞌi ooyudínda ꞌinkꞌez tsꞌun kꞌut whutꞌi. ꞋAw dune lhuztih tlꞌool be hoontsꞌi whehídolhtꞌi ꞌaitꞌoh.

Mark 5:8

Ndutni whe Jesus ndúyulhni, “Ntsiꞌ-i nudúdeh-i ndun dune ooyáhanaindaih.”

Mark 7:25

ꞋIlhoghun tsꞌeke ooyatsꞌe ntsiꞌ-i nudúdeh-i ooyudínda Jesus yulh ꞌúditsꞌo whe yughu ninya ꞌinkꞌez yubut nachánitno.

Luke 8:27

ꞋEt de hainya ꞌaho dune ꞌet keyoh whutꞌen-un yududizya. ꞋEn saꞌ whutsꞌun ntsiꞌ-i nududeh-i lhai ooyudúltsꞌi. ꞋEn tsan yit nuya, ꞌinkꞌez ꞌaw yoh lhidoh, ꞌinkꞌez tsꞌun kꞌut whutꞌi.

Luke 9:42

ꞋEt ꞌawhuz Jesus tsꞌu yilhtelh whe ntsiꞌ-i nududeh-i nayáno ꞌinkꞌez yukaootilhzut. ꞋEt Jesus ntsiꞌ-i nududeh-i khuniti be hukwaꞌ yudániꞌ, ꞌinkꞌez tsꞌoodun soo naꞌninla ꞌinkꞌez oobá tlꞌa náyalhti.