Mark 5:13 - Yak'usda Ooghuni

¹³ ꞋInkꞌez ꞌahoh Jesus butlꞌa hónꞌai ntsiꞌ-i nudúdeh-i dune yutsꞌa ha nádide ꞌinkꞌez gugoos ꞌi yudande. Gugoos ꞌankwꞌus 2,000 ꞌuntꞌoh, ꞌi tsꞌiyawh whenghólghaz ꞌinkꞌez too yanghan.

Mark 5:13 Iomraidhean Croise

Matthew 7:6

Yakꞌusda ooghuni lubeshi ooghu hooloh-un, khun te lhike ndultꞌohne gha óohꞌalh junih. Kꞌus Yakꞌusda ye whúneodulhꞌeh-i, ꞌi kwꞌusul diztiꞌ-i, pearl huyulhni, khun gugoos butso naóolhdilh junih. Hikꞌu nutílhꞌus ꞌinkꞌez ꞌaho nohtsꞌu nálhya ꞌinkꞌez yanohodutálhchꞌulh.”

Matthew 8:32

“ꞋAhdulh!” ꞌubulhni. ꞋEt ntsiꞌ-i nududeh-i dune butsꞌu haídande ꞌi gugoos dande. ꞋAho gugoos bubulh whengho lhghaz ꞌinkꞌez too yanghan.

Mark 5:12

“ꞋEt ntsíꞌ-i Jesus tsꞌun tehududlih gugoos butsꞌu néilhꞌalh ꞌet la buyúzdoodeh.”

Mark 5:14

ꞋEt gugoos ghunline whehílghaz ꞌinkꞌez keyoh whutakhuni huninꞌai. Lhane whusaíndil dáhooja hontilhꞌelh ha.

John 8:44

Netsudule ꞌen nohbá ꞌuntꞌoh. Ndet la ꞌen hukwaꞌ ninzun, ꞌoh te za neꞌóohtꞌen hukwaꞌ nahzun. Soo ꞌudechoo daꞌ whutsꞌun dune ughan-un unli. ꞋAw tsꞌihꞌun ꞌuhoontꞌoh-un hukwa lheꞌnizun, ꞌet huwa ꞌaw ndi khuni ꞌalhaꞌ ꞌuntꞌoh-i ooghu whéyooloh. Ntsꞌoh tula neꞌduniꞌ-un tankꞌus unꞌa za yalhduk, dichꞌoh dukꞌunꞌa ꞌutni ꞌet huwa. Whutsꞌit-un unli, ꞌinkꞌez whutsꞌit-i, ꞌen za ootsꞌu haídukat.

1 Peter 3:22

Yakꞌuz whe naja ꞌinkꞌez ꞌandit Yakꞌusda yughu nailhni tsꞌe usda. ꞋInkꞌez ndunne lizasne, ꞌudedone, ꞌenne ꞌonghohne hiye óolhtus ha, ꞌenne cha, ꞌinkꞌez ndunne hiye ulhtus-i ꞌutꞌine, ꞌenne tsꞌiyawh Jesus Christ hikꞌuneꞌ ootꞌen hubaꞌ ꞌubínla.

Revelation 20:7

ꞋEt 1,000 yus kꞌut lhawhúduja de, Satan tsa kꞌet usda-un hila nadutitnih.

Revelation 9:11

ꞋInkꞌez tsa kꞌet whucho whutlꞌah hooloh-un whulizas ꞌen bulerwe unli. ꞋEn Hebrew bukꞌunꞌa Abaddon huyulhni, ꞌinkꞌez Greek bukꞌunꞌa Apollyon be húyoozi.