Mark 4:8 - Yak'usda Ooghuni

⁸ ꞋEt hoontsꞌi ꞌonghoh-i yun unzoo-i kꞌut nanánkat whe soo ha nanyai ꞌinkꞌez oomaiꞌ whulukhi tat whunizyai (30) oomaiꞌ suliꞌ, whulukhi lhkꞌu tat whunizyai (60) oomaiꞌ suliꞌ, ꞌinkꞌez whulukhi whunizyat whunizyai (100) oomaiꞌ suliꞌ.”

Mark 4:8 Iomraidhean Croise

Genesis 26:12

ꞋEt Isaac nyo yun kꞌut ꞌaꞌ nanla ꞌinkꞌez yus kꞌut haꞌ nanla. Lhai haꞌ nanla, 100 ꞌet ꞌuwhultsuk, ꞌinkꞌez Moodihti (Yahweh) soo hoonzoo-un yuba whulhtsi.

Matthew 13:23

ꞋEt hoontsꞌi yun unzoo-i kꞌéninkat-i leꞌ ꞌuntꞌohne. Yakꞌusda ooghuni hiditsꞌo-i, tꞌehinuzih te daja ni whe ꞌutni. ꞋEt bumaiꞌ lhai lhih leꞌ hintꞌoh. Whulukhun whunizyat whunizyai (100) ꞌulhih. Whulukhun lhkꞌu tat whunizyai (60) ꞌulhih. Whulukhun tat whunizyai (30) ꞌulhih.”

Matthew 13:8

ꞋOnghoh-i yun unzoo-i kꞌut nanánkat whe soo ha nanyai. Oomaiꞌ whulokhi whunizyat whunizyai (100) oomaiꞌ suliꞌ, whulukhi lhkꞌu tat whunizyai (60) oomaiꞌ suliꞌ, whulokhi tat whunizyai (30) oomaiꞌ suliꞌ.

Mark 4:20

ꞋEt whulohne yun unzoo-i kꞌut nanánkat ꞌi unduhúltꞌoh Yakꞌusda ooghuni hiditsꞌo, huyílhchuk, ꞌinkꞌez dudzi yo nehídiꞌaih, ꞌet oomaiꞌ whulih. Whulohne tat whunizyai (30), whulohne lhkꞌu tat whunizyai (60), ꞌinkꞌez whulohne cha whunizyat whunizyai (100).”

Mark 4:7

Ooloh cha whus cho tanínkat. ꞋI cha whus cho whutoh bulh ha inanyai bulh lhéwhulloh ꞌinkꞌez ꞌaw hálhniyil.

Mark 4:9

ꞋEt Jesus ꞌubulhni, “Mbe la oodzeh hoonline, ꞌenne ꞌuhoozólhtsꞌaiꞌ.”

Luke 8:15

ꞋEt hoontsꞌi ndai la yun unzoo-i kꞌut nanánkat-i, ꞌenne huhóontꞌiꞌ whe khuni hidantsꞌo ꞌinkꞌez budzi unzoo whe huyoontun. Ntsꞌoh dahoontꞌoh hoontsꞌi ꞌilhiz huyilhchuk. ꞋEt whuz unꞌa bumaiꞌ whulaih.”

Luke 8:8

ꞋEt ꞌonghoh-i yun unzoo-i kꞌut nanánkat, ꞌinkꞌez há nuski. Oomaiꞌ ꞌi lhanꞌun te lhai suliꞌ whunizyat whunizyai ꞌet ꞌultsuk suliꞌ.” ꞋEt hukwꞌelhꞌaz ꞌet tube cho ꞌubulhni, “Mbe la oodzeh hoonline hidotso!”

John 15:5

Si mai chun ꞌustꞌoh ꞌinkꞌez nohni ꞌuzooschum ꞌahtꞌoh. Mbene la si syudínda ꞌinkꞌez si cha ooyudúsdane, ꞌenne za bumaiꞌ lhai tileh. ꞋEt si schꞌoh, ꞌaw hoonli ꞌuhuhooleh-un hooloh.

John 7:17

Mbene la Yakꞌusda yukꞌúneꞌtitꞌen hukwaꞌ ninzunne, ꞌenne la tꞌehonózin, ndi khuni Yakꞌusda ootsꞌu ha idiltsꞌut-i ꞌuntꞌoh, kꞌus sichꞌoh sghuni be tilah yasduk, ꞌet la tꞌehonózin.

Acts 17:11

Nyoonne ꞌet whutꞌenne, ꞌenne Thessalonica whutꞌenne buba nus hinzoo. Ndi khuni butsꞌo tlꞌa idiltsꞌut-i soo hikaꞌ ninzun whe Paul huyoozílhtsꞌai, ꞌinkꞌez dzin totsuk Yakꞌusda ooghuni ꞌukꞌu nusgúz-i hikꞌu yalhduk hiyodoolꞌeh ha, ndi khuni Paul ye yálhduk-i ꞌalhaꞌ tilah ꞌuntꞌoh tꞌehontizeh hukwaꞌ huninzun ꞌet huwa.

Ephesians 2:21

Jesus Christ ꞌen be yoh tsꞌiyawh whudutsꞌo whe ꞌuhóolya. ꞋEt ꞌi be neMoodihti ooyoh ꞌon nus whudiztiꞌ suliꞌ.

Philippians 1:11

ꞋInkꞌez Jesus Christ ꞌen gha ꞌutꞌen tsꞌihꞌun ꞌuntꞌoh-i, ꞌet ndutihtꞌelh. ꞋEt whuz unꞌa Yakꞌusda ba tsꞌodólhtiꞌ ꞌinkꞌez ꞌon nus uzdólhtiꞌ.

Colossians 1:6

Ndi khuni unzoo-i ndi yun kꞌut ndulcho whe núdilhtsꞌut ꞌinkꞌez ꞌi be ꞌuniztꞌai leꞌ hintꞌoh. Nohni cha whuz unꞌa za nohghu diltsꞌut. Ndet dzin ꞌudechoo whudáhtsꞌo whe khuni ꞌalhaꞌ ꞌuntꞌoh-i, ꞌi gha Yakꞌusda ye unzoo-i tꞌewhunihzin, ꞌinkꞌez ꞌon nus soo náhyeh.