Mark 4:26 - Yak'usda Ooghuni

²⁶ ꞋEt Jesus ꞌutni, “Nohbulh naóowhutiznuk Yakꞌusda ookꞌúneꞌ whutꞌen-un, dune lhéꞌutꞌen ꞌanulye-i ꞌanúle whuz unꞌa ꞌuntꞌoh.

Mark 4:26 Iomraidhean Croise

Matthew 13:11

ꞋEt ndúbulhni, “Yakꞌuz be kꞌúneꞌ whulꞌen-un be whe hoontꞌoh hooyoh-i, daja ni-un, nohni nohghá whuntꞌai. ꞋOnghohne ꞌaw bugha lhúhooltsꞌulh.

Matthew 13:24

ꞋUyoo khuni be nawhutnuk-i be whutsꞌodulꞌeh-i, be bubulh yalhduk ꞌet whe njan dúbulhni, “Yakꞌuz lerwe ꞌuhuhoolhdzun-un, ꞌet ndiz unꞌa njan dúhoontꞌoh: Dune duyun kꞌut ookwꞌut ꞌaꞌ nukat. ꞋUzooꞌ-i ꞌananla.

Matthew 13:3

Khuni be whutsꞌodulꞌeh-i ꞌet lhelhdun huwa bubulh yalhduk whe ndúbulhni, “Soo zulhtsꞌai, ꞌilhoghun ꞌaꞌ nule-un ꞌaꞌ ntilelh tsꞌe whinya.

Matthew 13:31

Doo cha ꞌuyoo khuni be nawhutnuk-i be whutsꞌodulꞌeh-i be bubulh yalhduk. Njan dúbulhni, “Yakꞌuz lerwe ꞌuhuhoolhdzun-un, ꞌet ndiz unꞌa njan duhoontꞌoh. Mai, mustard huyulhni, kꞌunꞌa ꞌuntꞌoh. Dune yílhchoot ꞌinkꞌez duhanuyeh kꞌet ꞌainanꞌai.

Matthew 13:33

Doo cha ꞌuyoo khuni be nawhutnuk-i be whutsꞌodulꞌeh-i, ꞌi be bubulh yalhduk whe njan dúbulhni: “Yakꞌuz lerwe ꞌuhuhoolhdzun-un, lhes ntuldoh-i ndultꞌoh. Tsꞌeke yílhchoot ꞌinkꞌez lhes nudzaih-i, ta tsetsꞌai be úndeꞌooldzih-i dizbun. ꞋI ntuldoh-i bulh ꞌilho be yándzai, ꞌinkꞌez yunilhtlus. ꞋEt hukwꞌelhꞌaz ꞌudun neíninkai whe untílhdo.”

Matthew 3:2

ꞋEt ꞌubulhni, “Noheni náhandunoohleh. Yakꞌuz kꞌuneꞌ whulꞌen-un nohtoh ꞌutitꞌelh-un, ꞌawet nilhdukw.”

Matthew 4:17

ꞋEt whutsꞌun Jesus dune bubulh yawhénilhduk whe ndubúlhni, “Noheni náhandunoohleh! Yakꞌuz kꞌuneꞌ whulꞌen-un ꞌawet nilhdukw suliꞌ.”

Mark 4:25

Mbene la sghuni soo cho huyoozílhtsꞌaine, ꞌon ꞌun cha huyootuzálhtsꞌilh ꞌinkꞌez higha hódutilꞌeh. ꞋEt bugha whútatꞌalh ꞌinkꞌez mbene la lhuhuyootuzálhtsꞌilhne, sghuni hidántsꞌo ꞌi hoontsꞌi hinaoodutilnoh.”

Mark 4:27

ꞋEt hukwꞌelhꞌaz ꞌulhdzis ꞌusti ꞌinkꞌez dzenis ꞌet nꞌawh neꞌútꞌen, ꞌainanla-i ookꞌu nónultalh ꞌinkꞌez ha níyeh ꞌet hoontsꞌi ꞌaw tꞌeoonúszun datꞌen whe ha núlhyih.

Luke 13:18

ꞋEt Jesus ꞌubulhni, “Yakꞌusda whe lerwe unli-un, ꞌet ntsꞌenꞌa nohba dahoontꞌoh? ꞋInkꞌez di bulh lhundúwhultꞌoh doosniꞌ?

Luke 8:11

“Ndi be nawhutnuk-i be whutsꞌodulꞌeh-i ꞌet ndutni. Ndi ꞌanukat-i, ꞌi Yakꞌusda ooghuni ꞌuntꞌoh.

Luke 8:5

“ꞋIlhoghun ꞌaꞌ nule-un ꞌaꞌ untilelh ha. ꞋEt ꞌaꞌ nule whe ninutsut whe ꞌet ooloh tinchꞌoh nanánkat. ꞋInkꞌez hikꞌut nusúdil ꞌinkꞌez dutꞌaiyaz cha tsꞌiyawh yunildil.

John 12:24

Soo tsꞌihꞌun unꞌa nohdúsni, ha nuyeh-i oomaiꞌ ꞌaw yun kꞌut nálhniltsꞌulh de, dantꞌoh la ꞌet za ndutitꞌelh. ꞋEt hoontsꞌi yun kꞌut ánisꞌai de, soo lhai oomaiꞌ-i, ꞌi ooghu ha náyuntijeh.

James 3:18

Mbene la ꞌuyoonne gha tsꞌihꞌun ꞌuhootꞌeꞌ ꞌet buba hukwaꞌ huninzun, ꞌi bube ꞌutꞌen gha tsꞌihꞌun unꞌa buba neꞌhootꞌen. ꞋEt de lhane tsꞌihꞌun unꞌa lhtsꞌun ꞌuhútitꞌelh.