Mark 4:23 - Yak'usda Ooghuni

²³ ꞋEt Jesus ubúlhni, “Mbe la oodzeh hoonline, huyoozólhtsꞌaiꞌ hubaꞌ hoontꞌoh.”

Mark 4:23 Iomraidhean Croise

Matthew 11:15

Mbe la oodzo hooni-un, ꞌen hoozólhtsꞌaiꞌ ꞌinkꞌez whudotsꞌo.

Matthew 13:43

ꞋEt de la mbene la tsꞌihꞌun ꞌuntꞌohne, buBá lerwe unli-un, sa kꞌunꞌa butsꞌu haítiduz wheꞌ hoontꞌoh. Mbene la oodzo hoonline huyoozólhtsꞌai.”

Matthew 13:9

Mbe la oodzo hoonli-un, ꞌen whudotsꞌo.”

Mark 4:9

ꞋEt Jesus ꞌubulhni, “Mbe la oodzeh hoonline, ꞌenne ꞌuhoozólhtsꞌaiꞌ.”

Mark 7:16

Mbene la oodzeh hoonline, ꞌenne huyoozólhtsꞌaiꞌ.”

Luke 14:35

Lisel oonalhuhóolni de, ꞌaw hoonli huba lheꞌízooꞌ whe ꞌuntꞌoh. ꞋAw yun ꞌinkꞌez musdoos dáltsꞌiꞌ-un ꞌet hoontsꞌi huba lheꞌízooꞌ whe ꞌuntꞌoh. ꞋI Dune tehúyulhkuk, huba ꞌuntꞌoh. Mbe la oodzeh hoonline hohoozólhtsꞌaiꞌ!”

Luke 8:8

ꞋEt ꞌonghoh-i yun unzoo-i kꞌut nanánkat, ꞌinkꞌez há nuski. Oomaiꞌ ꞌi lhanꞌun te lhai suliꞌ whunizyat whunizyai ꞌet ꞌultsuk suliꞌ.” ꞋEt hukwꞌelhꞌaz ꞌet tube cho ꞌubulhni, “Mbe la oodzeh hoonline hidotso!”

Revelation 13:9

Mbe la ꞌuditsꞌone hoohoozólhtsꞌaiꞌ.

Revelation 2:11

Mbene ꞌuditsꞌone, Ndoni Yakꞌusda ba ꞌilhunaoodulhne, dája ꞌubulhni, ꞌenne huyoozólhtsꞌaiꞌ. Mbene la ꞌutꞌen ntsiꞌ-i chꞌaꞌ nilhdene, ꞌet dune whúlh nat dahútitsah-un, ꞌi be ꞌaw hundódah ꞌaitꞌoh.”

Revelation 2:17

Mbe la ꞌuditsꞌone, Ndoni Yakꞌusda ba ꞌilhunaoodulhne, daja ꞌubulhni, huyoozólhtsꞌaiꞌ hubaꞌ hoontꞌoh. Mbene ꞌutꞌen ntsiꞌ-i yuchꞌaꞌ ꞌulhdene, ꞌenne ndi ꞌutꞌalh-i manna huyúlhni-i, ꞌi dune buchꞌa ntistꞌi-i, ꞌi whuloh bugha ítasꞌalh. ꞋInkꞌez tse dulyul-i cha bughá ntasꞌalh. ꞋInkꞌez ndi tse ookꞌut ꞌandidi ooziꞌ ꞌi ookꞌeitáguz. ꞋAw dune booziꞌ tꞌehinuszun. Ndun oogha ídiltsꞌut-un, ꞌen za tꞌeyuntázin.”

Revelation 2:29

Mbe ꞌuditsꞌone, Ndoni Yakꞌusda ba ꞌilhunaoodulhne, dája ꞌubulhni, ꞌen huyoozólhtsꞌaiꞌ.”

Revelation 2:7

Mbe ꞌuditsꞌone, Ndoni Yakꞌusda ba ꞌilhunaoodulhne, daja ubúlhni-un, ꞌen huyoozólhtsꞌaiꞌ hubaꞌ hoontꞌoh. Mbene la ꞌutꞌen ntsiꞌ-i yuchꞌaꞌ ꞌulhdehne, ndi duchun oogha khutna-i oomaiꞌ huyooꞌalh-un bugha óotasꞌalh. Ndi duchun ꞌi Yakꞌusda ookeyoh ꞌukꞌenus hoonzoo-un, ꞌet whuniz tsꞌe nadánꞌa.”

Revelation 3:13

Mbe ꞌuditsꞌone, Ndoni Yakꞌusda ba ꞌilhunaoodulhne, dája ꞌubulhni, ꞌen huyoozólhtsꞌai.”

Revelation 3:6

Mbe ꞌuditsꞌone, Ndoni Yakꞌusda ba ꞌilhunaoodulhne, dája ꞌubulhni, ꞌen huyoozólhtsꞌai.”