Mark 4:19 - Yak'usda Ooghuni

¹⁹ ꞋEt hoontsꞌi ndi yun kꞌut huwu ni udli-un, ndi yun kꞌut hoonzooꞌ hoontꞌoh-un, ꞌinkꞌez yun kꞌut huhóontꞌiꞌ tuneꞌ hutꞌen-un, ꞌet ꞌi tsꞌiyawh whus cho ꞌi be bulh lheꞌullhuk. ꞋEt huwa ꞌaw lhadúlyane hooleꞌ ꞌaitꞌoh.

Mark 4:19 Iomraidhean Croise

Matthew 13:22

Whus toh ꞌanankat-i, khuni hiditsꞌo, yun kꞌut huwu ni nuzut, hoonzooꞌ hoontꞌoh be naznutaꞌ-i, whus cho be bulh lheyúllhuk ndultꞌoh. ꞋEt huwa ꞌaw lhadúlyane hooleꞌ ꞌaitꞌoh.

Matthew 19:23

ꞋEt Jesus yugha hodulꞌehne ubúlhni, “Soo tsꞌihꞌun unꞌa nohdusni, yakꞌuz ntsꞌe lerwe unli-un, tube howa whulnaꞌ whe hoonzooꞌ ꞌuntꞌoh-un whuz tiyalh.

Matthew 3:10

Nohni duchun léꞌahtꞌoh. ꞋAwet tsetselh lhadíntꞌoh. Duchun oomaiꞌ hooloh-i, ooghih tubulh tsuhídantsel ꞌinkꞌez hidutálhkꞌun.

Mark 4:18

Ndai la whus toh ꞌanankat-i leꞌ ꞌuntꞌohne, ꞌenne khuni hiditsꞌo.

Luke 10:41

ꞋInkꞌez Jesus ꞌuyulhni, “Martha Martha lhat-un howu nuni ninzut ꞌinkꞌez huwu ni inli!

Luke 21:34

“ꞋEt hoontsꞌi soo cho khahdli. Khun te nzoodulhꞌi, ꞌinkꞌez tanahtnai, ꞌinkꞌez ndi yun kꞌut hooni ꞌet za huwu nuní nahzut, ndowhi be nohdzi dobun junih. Doo ka sih ꞌet dzin hukwa tse lhúwhulhlih whe whusahóoltsꞌit.

John 15:2

Mbene la si sgha ꞌuzuschum unline, bumaiꞌ hooloh de, ꞌi ꞌuzooschum butsꞌu haídule. ꞋInkꞌez mbene la bumaiꞌ lhai de, ndai la ꞌutsiꞌ-i bughu wheyoonli-i, ꞌi ꞌet de la ꞌon nus bumaiꞌ lhai ooleꞌ.

Romans 12:2

ꞋInkꞌez dune ꞌandit dzin dahíntꞌoh bubun dóhtꞌeꞌ hukwa oohtꞌen junih. ꞋEt kꞌus ꞌandit noheni ꞌutsꞌun unꞌa naꞌahleh. ꞋEt nduhtꞌen de, ꞌet la tꞌéwhunóhzin ndet la Yakꞌusda nohtsꞌu húkwaꞌ ninzun-un. Yakꞌusda be ꞌutꞌen kꞌoh tsꞌiyawh hoonzoo, tsꞌiyanne ba hoonzoo, ꞌinkꞌez tsꞌihꞌun unꞌa ꞌuhoontꞌoh.

Ephesians 2:2

ꞋEt ꞌoh daꞌ ndi yun kꞌut whe ꞌutꞌen kꞌunꞌa yinka dúlhtsꞌi inleꞌ. Mbe tazai kꞌuz ye ulhtus-i whe moodih tileh-un, ꞌet yutlꞌa hónꞌai, ꞌen netsudule ꞌen kꞌuneꞌ nohulꞌen-un inleꞌ. Mbene ꞌawhuz Yakꞌusda yukꞌunulheꞌustꞌenne, ꞌenne buyudinda.

Ephesians 6:12

ꞋEt ndi yun kꞌut yinka duneꞌne iloh bubulh Lheꞌtsꞌúdulh. ꞋEt hoontsꞌi ntsiꞌ-i nududehne, ndus de haíndilne cha, ꞌinkꞌez ꞌudetso whudilhdzulhne cha, ntsiꞌne yat whumoodihne cha, ꞌinkꞌez ndi yun kꞌut tsálhgus yo whumoodihne, ꞌenne tsꞌiyawh ꞌet bubulh Lheꞌtsꞌúdulh wheꞌ tsꞌutꞌen.

Philippians 4:6

Hoonli huwu ni oohleꞌ junih! ꞋEt kꞌus tsꞌiyaitsuk ooba tenadahdli. ꞋInkꞌez tedahdlih, ꞌinkꞌez musi dóhniꞌ. Be ndunihzut-i, ꞌi tsꞌiyawh Yakꞌusda tsꞌun ookaꞌ dahni.

1 Timothy 6:17

Ndi yun kꞌut hoonzooꞌ ꞌuntꞌohne, ꞌenne khuni ulhtus-i be budoniꞌ, ꞌaw ndi yun kꞌut beꞌ hoonzooꞌ tsꞌintꞌoh-i hoonli lhiloh. ꞋAw sooniya ootꞌa ninintan-i iloh ꞌuntꞌoh. ꞋEt kꞌus Yakꞌusda mbe la khuna-un, ꞌaw ꞌen za ootꞌa ninoohtan. Yakꞌusda ꞌen oola hoonli whe tsꞌiyaitsuk be tsꞌohotꞌeꞌ ha negha yunleh.

2 Timothy 4:10

Demas ꞌen sla ditni. Ndi yun kꞌut núkat-i ꞌon nus yukaꞌ ninzun. ꞋEt huwa keyoh Thessalonica whuz whinya. Crescens ꞌen Galatia tsꞌe whinya ꞌinkꞌez Titus ꞌen cha yun kꞌut Dalmatia tsꞌe whinya.

2 Peter 1:8

Ndowhi tsꞌiyawh be ndahtꞌen de, ꞌinkꞌez ꞌi be ꞌon nus ulhtus lheh de, ꞌet sih ndi neMoodihti Jesus Christ ꞌen ooghun tꞌeoonihzin-un, ꞌi be ꞌon nus soo nóohyeh, ꞌinkꞌez nohꞌeꞌutꞌen soo tsꞌihꞌun unꞌa ootꞌeꞌ.

Jude 1:12

Lhkꞌehsiꞌ whe lhla naꞌahtꞌalh, ꞌet hoontsꞌi ndunne ooghu yasdukne ꞌaw whelhoniljut whe nohlaꞌ ha ꞌalh. ꞋEnne ꞌantsꞌi howa ꞌóodli-i teh noo duhúltꞌoh. Dichꞌoh za soo neꞌhududulꞌen. ꞋAntsꞌi kwꞌus too ooghu hooloh-i leꞌ hintꞌoh. ꞋEt kwꞌus kꞌunꞌa ndulcho bubúlh nutsꞌi. ꞋAntsꞌi dakꞌet mai chun mai ooghu hooloh leꞌ hintꞌoh. ꞋInkꞌez ooghih bulh ꞌantsꞌi há nahuyulhchꞌulh leꞌ ꞌúntꞌoh. Nat daházsai leꞌ hintꞌoh.