Mark 4:17 - Yak'usda Ooghuni

¹⁷ ꞋEt hoontsꞌi ꞌaw bughih hooloh leꞌ hintꞌoh. ꞋEt huwa ꞌatsulyaz za buba ꞌalha ꞌuhoontꞌoh. ꞋInkꞌez ndi khuni ꞌi gha dzoh nuhudeh ꞌinkꞌez ꞌonghohne buchꞌaz huditni. ꞋEt huwa ꞌaho ndi khuni hila dutnih.

Mark 4:17 Iomraidhean Croise

Matthew 11:6

ꞋInkꞌez mbene la si sgha ꞌaw buba dzoh lhilel de, ꞌukꞌenus hoonzoo-un bughá whaltsꞌulh.”

Matthew 12:31

“ꞋEt huwa ꞌunohdusni, lubeshi tsꞌiyawh ꞌinkꞌez Yakꞌusda chꞌaz yalhdukne, tsꞌiyawh nohba whunaoowhudutilnoh. ꞋEt hoontsꞌi Ndoni chꞌaz ditni be yalhdukne, ꞌaw buba whunaoodootnoh ꞌaitꞌoh.

Matthew 13:21

ꞋEt hoontsꞌi didutchꞌoh ꞌaw bughih hooloh leꞌ hintꞌoh. ꞋEt huwa ꞌatsulyaz za buba ꞌalha ꞌuhoontꞌoh ꞌinkꞌez ndi khuni ꞌi gha dzoh nuhudeh ꞌinkꞌez ꞌonghohne buchꞌaz huditni. ꞋAho whula hudutnih.

Mark 4:16

Ndai tse toh ꞌanilya, ndunne ꞌi kꞌunꞌa za ꞌuhintꞌoh. Yakꞌusda ooghuni hiditsꞌo ꞌinkꞌez ꞌahoh huhóontꞌiꞌ whe huyilhchuk.

Mark 4:18

Ndai la whus toh ꞌanankat-i leꞌ ꞌuntꞌohne, ꞌenne khuni hiditsꞌo.

Luke 12:10

ꞋInkꞌez mbe la Yinka Dune Yeꞌ chꞌaz ditni be yalhdukne, buba ꞌun whutilhdulh. ꞋEt hoontsꞌi mbe la Ndoni chꞌaz ditni be yalhduk-un, ꞌaw ooba ꞌun whutookat ꞌaitꞌoh.

John 8:31

ꞋEt ndunne Lizwifne, mbene la Jesus yuba ꞌalha ꞌuntꞌohne, ꞌenne ubúlhni, “Sghuni oohtun ꞌinkꞌez ookꞌúneꞌ ꞌuhtꞌen de, ꞌalha ꞌuhoontꞌoh whe sgha hodulꞌehne ꞌahli.

Galatians 6:12

ꞋEt mbene la ooyustꞌe ꞌet huba soo ꞌuldzooꞌne, ꞌenne ꞌet hukwaꞌ hutꞌen, ꞌenne ꞌuhintꞌoh, nohni ooka dune ꞌahli-i kꞌut nohotitꞌus whutsꞌu nohonilhtꞌi. ꞋEt njan huwa hutꞌen, Christ tulalhgus kꞌut neba dazsai-un huwa yatsꞌulhduk-un, ꞌet huwa dzoh nunéhulhdzut, ꞌet whuchꞌa neꞌhootꞌen-un hukwaꞌ hutꞌen.

2 Timothy 1:15

Njan tꞌeooninzun tsꞌiyanne Asia whutꞌenne schꞌaz nahulhya. Phygellus ꞌinkꞌez Hermogenes cha.

2 Timothy 4:10

Demas ꞌen sla ditni. Ndi yun kꞌut núkat-i ꞌon nus yukaꞌ ninzun. ꞋEt huwa keyoh Thessalonica whuz whinya. Crescens ꞌen Galatia tsꞌe whinya ꞌinkꞌez Titus ꞌen cha yun kꞌut Dalmatia tsꞌe whinya.

2 Timothy 4:16

ꞋEt ꞌudechoo ooduzkut daꞌ, ꞌaw ꞌilhoghun hoontsꞌi stꞌa nélhiyal. Kꞌus tsꞌiyanne sla huditni, ꞌet hoontsꞌi ꞌaw bukꞌeholtsꞌit hukwa lheꞌnúszun.

Hebrews 10:29

ꞋEt hoontsꞌi ꞌon nus hootátsiꞌ. Mbene Yakꞌusda ooYeꞌ ꞌantsꞌi yuba unli whe yukꞌunuya de, ꞌinkꞌez Jesus buzkaiꞌ be ꞌandit khuni buba lhaídinla-i huwhutꞌi, ꞌinkꞌez Yakꞌusda ꞌudun nebuninla, ꞌet hoontsꞌi buzkaiꞌ ꞌaw hoonliyaz buba lhíloh de, ꞌinkꞌez Ndoni ꞌen cha ꞌen unzoo-i ootsꞌu haídultsꞌuk-un, hichꞌaz yalhduk de, tsꞌiyawh mbene whuz unꞌa ndutꞌenne, ꞌon nus whéoonujut whe buba nahutideh.

1 John 2:19

Netsꞌu ha hándil wheꞌ hintꞌoh ꞌet hoontsꞌi ꞌaw nebulh didowhne iloh ꞌuhintꞌoh. Nebulh didowhne ꞌuhintꞌoh de, nebulh za da ꞌuhootꞌeꞌ ooleꞌ. ꞋEt hoontsꞌi whehandil ꞌet huwa la tsꞌiyanne tꞌebunózin ꞌaw nebulh didowhne lhuhíloh.

Revelation 2:10

Ndet la whe dzoh nutihzut-un, ꞌawet nilhdukw nohghu whutáltsꞌulh. Whénoolhjut junih! Soo zúlhtsꞌai! ꞋAwet nilhdukw whulohne netsudule ꞌanohtilelh. ꞋEt whe ootálhdzih. ꞋEt whunizyat dzin ꞌet dzoh nutihdeh. ꞋEt yaitahdlah whutsꞌun ꞌet nohba ꞌalha ꞌuhoontꞌoh zaꞌ hótꞌeꞌ. ꞋEt hukwꞌelha ꞌilhiz khutihnalh-un nohghá whuntasꞌalh. ꞋOn ꞌun whuchꞌa oonúlhde, ꞌet cha nohgha whútasꞌalh.

Revelation 2:13

Nohꞌeꞌutꞌen kꞌoh ꞌinkꞌez ntsꞌe whahtꞌi-un tꞌeoonuszun. Ndet Satan ookwꞌutsꞌuzda cho diztiꞌ-i ꞌusꞌai-un, ꞌet whahtꞌi. Sooziꞌ, ꞌi dutsoo cho oohtun. Ntsꞌe Satan whutꞌi-un ꞌinkꞌez ꞌoh daꞌ ndun Antipas huyúlhni-un, ꞌen sooziꞌ gha nohtoh hizilhghi. ꞋEt hoontsꞌi nohba ꞌalhaꞌ ꞌustꞌoh-un ꞌaw whutsꞌulhoodáhdlai.