Mark 4:15 - Yak'usda Ooghuni

¹⁵ Whuloh te Yakꞌusda ooghuni ti nanúkat, ꞌi hiditsꞌo te, ꞌet ꞌahoh Satan khuni budzi yonedinkai bughu yílhchuk.

Mark 4:15 Iomraidhean Croise

Genesis 19:14

ꞋEt Lot teninya ꞌinkꞌez dughu ndankene ootseꞌke ghu dilhtsꞌine, ꞌinkꞌez ꞌubulhni, “Duduhdilh, njan whuchꞌa suhdilh! Moodihti (Yahweh) njan keyoh gak whutilhtselh!” ꞋEt ooghundankene ꞌenne buba ꞌantsꞌi la ꞌutni huninzun.

Matthew 13:19

Mbe la yakꞌuz ꞌuhuhoolhdzun-un whulh ꞌúhuditsꞌo ooghuni daja ni whe ꞌutni ꞌaw tꞌehonuszun te, ntsiꞌ-un whusayaih ꞌinkꞌez budzi be ha naídaꞌaih! ꞋI ꞌuntꞌoh ti whuzih ꞌanilya-i, unli.

Matthew 22:5

ꞋEt hoontsꞌi bugha nusjane buba ꞌantsꞌi ꞌuhoontꞌoh. Tsꞌiyawh lhelhtsꞌun whe hándil. Whulohne cha háꞌ hunulhyeh tsꞌe whenáhidil. Whulohne cha bube ꞌutꞌen kꞌoh whuzꞌai tsꞌe whenáhidil.

Matthew 4:10

ꞋInkꞌez Jesus yulhni, “Satan naindalh! ꞋUkꞌehooguz whe njan ndutni, ‘Moodihti nYakꞌusda, ꞌen za Oobut negwutsi be netsꞌiyaih, ꞌinkꞌez Ootsꞌu téniꞌ uznilhdzun, ꞌinkꞌez ꞌen za Ooba néꞌtsꞌutꞌen.’”

Mark 4:14

ꞋEt Jesus ndúbulhni, “ꞋAꞌ nule-un ꞌaínule, ꞌen khuni ꞌaínule.

Mark 4:16

Ndai tse toh ꞌanilya, ndunne ꞌi kꞌunꞌa za ꞌuhintꞌoh. Yakꞌusda ooghuni hiditsꞌo ꞌinkꞌez ꞌahoh huhóontꞌiꞌ whe huyilhchuk.

Mark 4:4

ꞋEt ꞌaꞌ nule whe ooloh ti whuzih nanánkat. ꞋI dutꞌaiyaz whusaíndil ꞌinkꞌez tsꞌiyawh yinildil.

Luke 8:12

Mbene la ti ꞌuntꞌohne, ꞌenne Yakꞌusda ooghuni hiditsꞌo ꞌinkꞌez netsudule khuni budzi be ha naídanꞌaih. Doo ka si ꞌalha ꞌuhoontꞌoh de hudoojih.

Acts 17:32

ꞋEt Paul hidántsꞌo ndun dune dunadija yughu yalhduk whe whulohne highudloh, ꞌinkꞌez whulohne ꞌuhutni, “Doo cha za njan huwun nebulh yaóolhduk hukwa ꞌuzninzun,” huyúlhni.

Acts 5:3

ꞋEt Peter uyúlhni, “ꞋEt di ha Satan ookꞌúneꞌ tantꞌen hukwaꞌ nizun? ꞋInkꞌez lheꞌdini sooniya ooloh ílhchoot ꞌinkꞌez Ndoni tsꞌun hontsꞌit?

2 Corinthians 2:11

ꞋEt ndutsꞌutꞌen de, ꞌet Satan ꞌaw nechꞌaꞌ oolhdeh ꞌaitꞌoh. Ndet whe nechꞌaꞌ tilhdoh-un, tsꞌiyawh tꞌetsꞌonínzun.

2 Thessalonians 2:9

Ndun yukꞌú nulhéꞌustꞌen-un whusatiyalh-un, ꞌen be ꞌutꞌen kꞌoh, ntsꞌenꞌa Satan ꞌutꞌen, ꞌet whuz unꞌa za ꞌutitꞌelh. Hoolhtus tunéꞌ titꞌen, ꞌinkꞌez hooncha tunéꞌ titꞌen cha ꞌutitꞌelh. ꞋInkꞌez ꞌukꞌenus whutsꞌit-un, ꞌet buba hooncha tíleh.

Hebrews 12:16

Doo ka si nohtoh whulohne, ꞌuyoonne tsꞌekoo kꞌus dune bulh lubeshi olhchoot whutsꞌu noohtꞌi. Kꞌus Esau kꞌunꞌa Yakꞌusda ooghohdloh. ꞋEn ꞌudechoo whuzdli-un ꞌuntꞌoh ꞌinkꞌez di la oobá yutsꞌu yoozi-i, ꞌi oochꞌeꞌ yataleh, bubá nahuyoosdzi-i didut ootsꞌitikulh-i, ꞌi ꞌuyinla, ꞌilhoh yutiꞌulh-i za kꞌelha yutizꞌai.

Hebrews 2:1

ꞋEt huwa Yakꞌusda ooghuni ndet whulh ꞌúzdantsꞌo-un, ꞌet soo tsꞌihꞌun unꞌa tsꞌuhotun ꞌinkꞌez nedzi yo netsꞌú hoꞌalh doo ka la ookwꞌúneꞌ tsꞌutꞌen-un whulazdootni.

1 Peter 5:8

Duba whahtnih ꞌinkꞌez soo cho huwahli! Netsudule, nohchꞌaz ditni-un, ndi khuna-iti, lion tsꞌutni, ꞌi kꞌunꞌa nohtunudúlgho. Nintaꞌ butalhꞌelhne, ꞌenne bukunúta.

Revelation 12:9

ꞋInkꞌez ndi tlꞌughus cho khuna-i kꞌunꞌa núlget-i ncha-un, ꞌen téhinino. Ndi ꞌudaꞌ whutlꞌughus, netsudule ꞌinkꞌez Satan huyulhni. Ndi yun kꞌut ndulcho whe dune nanaꞌah-un, ꞌen ꞌuntꞌoh. Oolizas tubulh ndi yun kꞌébuhuninyoot.

Revelation 20:10

ꞋEt ndi kwun, sulphur be dizkꞌun-un bunghun ndúwhulcho-un, ꞌet khuna-iti ntsiꞌ-i ꞌinkꞌez whutsꞌit-i be nus hooꞌen-un ꞌet huzke, ꞌet netsudule, dune nanaꞌah-un, ꞌen cha ꞌet tsu hídano. ꞋEt dzenis ꞌinkꞌez ꞌulhdzis ibulh ꞌilhiz ꞌinkꞌez ꞌilhiz wheni dzoh nuhutideh.

Revelation 20:7

ꞋEt 1,000 yus kꞌut lhawhúduja de, Satan tsa kꞌet usda-un hila nadutitnih.