Mark 3:5 - Yak'usda Ooghuni

⁵ Jesus tube hunílchꞌe whe butunuyúꞌen budzi dadiltsꞌun la ꞌet huwun unli. ꞋEt dune ka únli-un yulhni, “Lhtsꞌedílnih!” Nyoon dune lhtsꞌedilhni ibulh ꞌilhoghi oola kꞌunꞌa soo náꞌuja.

Mark 3:5 Iomraidhean Croise

Genesis 6:6

ꞋEt Moodihti (Yahweh) tube huwu dzi unduda ndi yun kꞌut dune ꞌinla-un, oodzi yo tube whunduda suliꞌ.

Matthew 12:13

ꞋEt ndun dune ꞌúyulhni, “Nla lhtsꞌe díntsih!” ꞋEt ꞌawet lhtsꞌe naidizsi whe ookwꞌuz tsꞌe kꞌunꞌa sóo naꞌuja.

Mark 3:4

ꞋEt Jesus uboodulhkut, “Neghá whuntꞌai eh nahulyis dzin, ꞌulaꞌ tsꞌutinelh kꞌus ꞌutsꞌuduntálhda, uztilhyih kꞌus gak uztilhtselh?” ꞋAw dája lhodinel.

Luke 13:15

ꞋEt neMoodihti ꞌuyulhni, “Dune nalh duba naꞌudzooꞌ-un ꞌintꞌoh! ꞌalhaꞌ lawk ilohghun ꞌahli whe natsꞌulyis dzin nohmusdoos dune kꞌus nohmuyool te musdoos bayoh ꞌadultsiꞌ-un, kꞌunawhꞌuk ꞌinkꞌez too kꞌez toolhdlooh ꞌaitꞌoh?

Luke 17:14

ꞋEt Jesus ꞌubunilhꞌen ꞌinkꞌez ꞌubulhni, “Lubret tsꞌohdulh. ꞋEn nohnoolhꞌen hoonliyaz tilah nohghu nahóꞌalh.” ꞋEt ꞌawhuz whuz hidulh whe soo naꞌhuja.

Luke 6:10

ꞋInkꞌez tsꞌiyawh ꞌubunilhꞌen. ꞋEt dune ꞌuyulhni, “Nla lhtsꞌeh díntsih!” ꞋEt ndúja ꞌinkꞌez oola kwꞌuz tsꞌe dalhitꞌoh, whuz unꞌa ndunája.

John 9:7

ꞌinkꞌez ꞌuyulhni, “Nghuz too dizꞌai Siloam tsꞌe inyalh ꞌinkꞌez néꞌnildeh.” ꞋEt ndi khuni Siloam ni, ꞌet whélꞌaꞌ, ni whe ꞌutni. ꞋInka whuz whinya, neꞌnilde, ꞌinkꞌez hooꞌen whe whusanája.

Romans 11:25

Sulhutsinke njan wheꞌ hoontꞌoh ooyoh-un, ꞌet tꞌewhuntihzeh nohba hukwaꞌ nuszun, doo ka la tsꞌiyantsuk tꞌetsꞌonínzun naꞌdudólhꞌeꞌ. Njan ꞌet dúhoontꞌoh, ꞌet whulohne Lizwifne budzi dutsꞌun hutileh, ndet la ꞌudun yun kꞌut whutꞌenne whudizulh-un, ꞌenne buba ꞌetsul ꞌuwhutánelh ꞌet whutsꞌun.

2 Corinthians 3:14

ꞋEt hoontsꞌi bubeni dutsꞌo suliꞌ. ꞋEt ꞌandit dzin whutsꞌun ndi ndai la ꞌudaꞌ butsꞌu hoozi-un hikꞌu yalhduk-i, ꞌi ootsꞌoh yuzbal-i, ꞌahoolhyiz ꞌet nduntꞌoh. ꞋAw whusanálhuhuyulhchooz. Christ ꞌen za whusanaítilhchus.

Ephesians 4:18

Bubeni tsalhgus yo ꞌuntꞌoh, ꞌet huwa Yakꞌusda ye khuna-i chꞌoh ꞌuhintꞌoh. ꞋAw hoonli tꞌehonuszun, budzi dutsꞌun suliꞌ ꞌet huwa.

Ephesians 4:26

Nohuhuske be lubeshi olhchoot junih. Khun te hunúlhchꞌe whe te sa yo tóoꞌalh junih.

Ephesians 4:30

Yakꞌusda ooyughi khun oodachꞌe oohneh junih. ꞋEn nohbe hóodatꞌen nohulhtsi ndet dzin nanohootakulh-un ꞌet wheni.

Hebrews 3:10

ꞋEt huwa ndunne, ꞌenne bubulh húnuzchꞌe, ꞌinkꞌez butsꞌu nahizusya njan dudúsni, ꞌahoolhyiz dudzi yo nintaꞌhuwhulhꞌih ꞌinkꞌez seꞌ ꞌutꞌen kꞌoh ꞌaw tꞌehonúszun.

Hebrews 3:17

Ndunne ndutꞌenne, ꞌenne dit whunizyat (40) yus kꞌut ndúwhulyiz whe Yakꞌusda bubúlh huske. Ndunne ꞌenne dune lhuhóotꞌih tsꞌe lubeshi ílhchootne, ꞌet huwa whuz yahadla.

Hebrews 5:9

ꞋInkꞌez tsꞌihꞌun ꞌulya-un suliꞌ. ꞋInka mbene yukꞌúneꞌ ꞌutꞌenne, ꞌenne ꞌilhiz wheni hudujis-un, ꞌet bugha óoninꞌai.

Revelation 6:16

ꞋInkꞌez ꞌuhutni, “Tse ꞌinkꞌez dzulh tubulh nekꞌelhúhotꞌalh. ꞋEt de mbe kwꞌutsꞌuzda cho diztiꞌ-i kusda-un, ꞌen oonin ꞌinkꞌez ꞌusbaiyaz ye húnilchꞌe-i, chꞌa neúntoolhꞌi.