Mark 3:3 - Yak'usda Ooghuni

³ Jesus dune oola ka únli-un ꞌulhni, “Dunadindaih ꞌinkꞌez nus ínyalh!”

Mark 3:3 Iomraidhean Croise

Matthew 12:10

ꞋIlhoghun dune ꞌen ꞌet usda ꞌinkꞌez ꞌilho oola ye nulhéꞌustꞌen. Jesus huyoodulhkut, “Natsꞌulyis dzin dune soo naꞌuztitlelh hubaꞌ hoontꞌoh eh?” ꞋEt hoonli highu nahootáꞌalh hukwaꞌ hutꞌen.

Mark 3:2

ꞋEt Phariseene tube Jesus highunli nahulyis dzin tilah nyoon dune ka únli-un nayoolhyih, hukwa hikꞌé hoꞌalh-un, ꞌet hukwa highunli.

Mark 3:4

ꞋEt Jesus uboodulhkut, “Neghá whuntꞌai eh nahulyis dzin, ꞌulaꞌ tsꞌutinelh kꞌus ꞌutsꞌuduntálhda, uztilhyih kꞌus gak uztilhtselh?” ꞋAw dája lhodinel.

Luke 6:8

ꞋEt hoontsꞌi daja huninzun tꞌeooninzun. ꞋInkꞌez dune oola yunulheꞌustꞌen-un ꞌuyulhni, “Dudinyaih ꞌinkꞌez njan sinyin.” ꞋInka dudinya ꞌinkꞌez buniz neninya.

John 9:4

ꞋAwhuz dzenis hootꞌen whe, mbe la whuz de sútilhꞌaꞌ-un, ꞌen be ꞌutꞌen oosꞌen huba ꞌuhoontꞌoh. ꞋUlhdzis whusahóoltsꞌut ꞌinkꞌez tsalhgus yo suliꞌ de, ꞌaw dune ootꞌen ꞌaítꞌoh.

1 Corinthians 15:58

ꞋEt huwa sulhutsinke, ulhtusne oohleꞌ. Khun nahóohtnah junih! ꞋAhoolhyiz neMoodihti be ꞌutꞌen kꞌoh soo cho ꞌuwhulhꞌen. Tꞌeóonúhzun neMoodihti ba ꞌahtꞌen, ꞌaw ꞌantsꞌet iloh ꞌahtꞌen wheꞌ hoontꞌoh.

Galatians 6:9

ꞋEt hoonzoo-un ꞌutsꞌuwhulhꞌen ꞌet huwa néznotsilh junih. ꞋEt ꞌaw whula lhtsꞌudustni de, whusahóoltsꞌut de, ꞌet de ha ꞌúznoolelh.

Philippians 1:14

ꞋInkꞌez neMoodihti be lhulhutsinke unline, ꞌenne ndi sluztih tlꞌool ꞌi gha ꞌon nus ꞌulcho-i be whélhoniljut Yakꞌusda ooghuni unzoo-i yahutilhduk ha.

1 Peter 4:1

ꞋInka Christ, duyustꞌe ꞌi be neba dzoh nusuzut. ꞋEt huwa nohni cha noheni ulhtus oolhꞌeꞌ ookꞌunꞌa nuni noohzut. Mbene dichꞌoh duyustꞌe be dzoh nudehne, tsꞌiyawh lubeshi ꞌonidulh-un ꞌetsul ꞌuhuja ꞌet huwa.