Mark 3:27 - Yak'usda Ooghuni

²⁷ “Dune ulhtus-un ooyoh daháꞌ danyuz ꞌinkꞌez teꞌóolelh nehooloh, ꞌudechoo dune ulhtus-un yulhghel de, ꞌet de za yughu téꞌtilelh.

Mark 3:27 Iomraidhean Croise

Genesis 3:15

ꞋInkꞌez nyun ꞌinkꞌez tsꞌeke bulh lhazdatni nohtiselh, ꞌinkꞌez nyuzkeh ꞌinkꞌez buzkeh. Ntsi yayinduntaꞌus ꞌinkꞌez ookentsul duntalhdah.”

Matthew 12:29

Ntsꞌenꞌa ꞌutinelh ꞌilhoghun dune ꞌuyoon dune ulhtus-un ooyoh daninya ꞌinkꞌez yuchꞌeꞌ duntitih? ꞋUdechoo yulhghel de za yugha haꞌ tilyelh.

John 12:31

ꞋAndit ꞌawet yinka whuduneꞌne buba nahutideh ꞌinkꞌez whutsodaꞌ ndi yun kꞌut humoodih, ꞌen ꞌilhiz ꞌun hítinoh.

Romans 16:20

Yakꞌusda ꞌen whudizghel-un negha whuꞌaih-un, ꞌaw lhotuszit whe Satan nohketlꞌah gak yutilhtselh. ꞋEt nohba tenadusli neMoodihti Jesus Christ ye únzoo-i, ꞌi nohbulh ꞌóotꞌeꞌ ha.

Colossians 2:15

Ndunne ntsiꞌ-i nududehne ꞌudetso whudilhdzulhne, ꞌinkꞌez dune ando ꞌuhintꞌoh-un cha, ꞌet whe hilhtus-un tsꞌiyawh bughu nahóolhchoot. Tsꞌiyanne nalh yooya ꞌubulhtsi. ꞋEt whe buchꞌaꞌ nilhde.

Hebrews 2:14

ꞋEt wheni yinka dune tsinli neyustꞌe ꞌi ꞌuskaiꞌ bulh ꞌúlya. ꞋEt huwa Jesus Christ ooyustꞌe wheni nekꞌunꞌa ꞌuntꞌoh. ꞋEt whe tulalhgus kꞌut neba dazsai-un, ꞌi be ndun yé datitsah-i ye ulhtus-i utꞌí-un, ꞌen yuchꞌaꞌ nilhde, ꞌen netsudule ꞌuntꞌoh.

1 John 3:8

ꞋUdechoo whutsꞌun netsudule lubeshi ꞌulhꞌen. Mbe lubeshi ꞌulhꞌen, ꞌen netsudule uniyalh-un ꞌúntꞌoh. Njan ꞌet huwa Yakꞌusda ooYeꞌ ndi yun kꞌut nusúya whe netsudule be ꞌutꞌen musai yoolhtselh ha.

1 John 4:4

Tsꞌoodunneyaz Yakꞌusda oochꞌeꞌ ꞌahli ꞌinkꞌez ndunne Christ chꞌaz ditnine ꞌudaꞌ buchꞌaꞌ nulhde. Nududeh-i nohyudinda-un, ꞌen ndi yun kꞌut ꞌuntꞌoh-un netsudule ꞌen ꞌuntꞌoh, yanus ꞌultus whe ꞌuntꞌoh ꞌet huwa.