Mark 3:18 - Yak'usda Ooghuni

¹⁸ Andrew, Philip, Bartholomew, Matthew, Thomas, James Alphaeus ooyeꞌ, Thaddaeus, Simon huwu daóoditꞌowh-un,

Mark 3:18 Iomraidhean Croise

Matthew 13:55

ꞋAlhaꞌ iloh lakw yoh ꞌuwhulhꞌen-un, ooyeꞌ ꞌuntꞌoh? ꞋInkꞌez ooloo Mary? Bulhutsinke iloh lakw James, Joses, Simon, ꞌinkꞌez Judas?

Matthew 9:9

ꞋEt hukwꞌelhꞌaz Jesus ꞌoh whuya uyalh whe sooniya naldzooh-un, ꞌilhoghun dune Matthew huyulhni, ꞌet usda yunilhꞌen. “Sunanyalh,” yulhni. Dudinya ꞌinkꞌez yikꞌoh tsꞌe ꞌutitꞌelh ha yuntizya.

Mark 2:14

Jesus ꞌoh whuya uyalh whe Alphaeus ooyeꞌ Levi, Capernaum whenkuti huwunli ha sooniya nálhdzooh-un, ꞌen Jesus yutilhꞌen ꞌet uyúlhni, “Sunanyalh.” Levi dudinya ꞌinkꞌez yukꞌoh tsꞌe ootꞌen ha yuntizya.

Mark 3:17

James ꞌinkꞌez bulhutsin John Zebedee ooyeꞌke ꞌenne Jesus Boanerges nabudátni, ndi oozíꞌ-i “Ditni Yeꞌke” ni whe ꞌutni;

Mark 3:19

ꞌinkꞌez Judas cha ꞌen Jesus be náꞌoodutakulh-un. ꞋInkꞌez yoh tsꞌe whehandil.

Mark 6:3

Yoh ꞌuwhulhꞌen-un, ꞌen iloh lakw ꞌuntꞌoh? Mary ooyeꞌ bulhutsinke James, Joses, Judas, Simon, ꞌinkꞌez bulhtuske cha iloh njan huwhutꞌi?” ꞋInkꞌez buba dzoh suliꞌ.

John 1:40

ꞋEt ndunne nane dune John hidántsꞌo huwa Jesus huyuntizꞌazne, ꞌen ꞌilhoghun, Andrew huyulhni, ꞌen Simon Peter bulhutsin ꞌuntꞌoh.

John 11:16

ꞋEt Thomas, ꞌen ꞌutꞌudándaꞌ-un huyúlhni, dudulh yugha hodulꞌehne ubúlhni, “Dugweꞌ! Bulh ꞌúztoodilh! Wheni cha si bulh yatsꞌodlah!”

John 14:22

ꞋEt Judas, ꞌaw Judas Iscariot ꞌen iloh, ꞌen Jesus ꞌuyulhni, “Moodihti, ntsꞌenꞌa ꞌuhoontꞌoh whe nyun nghun tꞌetsꞌonózin-un neba ꞌuwhutánlelh, ꞌet hoontsꞌi yinka whuduneꞌne, ꞌenne nyun nghun ꞌaw tꞌéhontászin dini?”

John 21:2

Simon Peter, Thomas ꞌutꞌudándaꞌ-un, Nathanael, ꞌen keyoh Cana Galilee yun kꞌut whuzꞌai, ꞌet whutꞌen-un, Zebedee ooyeꞌke cha, ꞌinkꞌez ꞌuyoonne nane Jesus yugha hodulꞌehne cha, ꞌenne tsꞌiyawh ꞌalhgoh hudilhtsꞌi whe

Acts 1:13

Jerusalem tsꞌe náhoosdil whe, ꞌaho ndo yoh huwhutꞌi-un danáhundil. Peter, John, James ꞌinkꞌez Andrew, Philip ꞌinkꞌez Thomas, Bartholomew ꞌinkꞌez Matthew, James Alphaeus ooyeꞌ, Simon Lizwifne ba huwu daóoditꞌowh-un, ꞌinkꞌez Judas James ooyeꞌ, ꞌenne ꞌet yoh hudilhtsꞌi.

Acts 15:13

ꞋEt yahulhduk ꞌetsul ꞌuhudija whe James dudinya ꞌinkꞌez ꞌutni, “Sulhutsinke soo zúlhtsꞌai!

Acts 21:18

ꞋEt ꞌom bun dzin Paul nebúlhtizꞌaz James uztiꞌelh wheni, ꞌinkꞌez la tsꞌiyawh butso whudilhdzulhne, ꞌenne cha ꞌet hudilhtsꞌi.

1 Corinthians 15:7

ꞋEt James ꞌen cha yunalhtsꞌet hainya, ꞌinkꞌez whélꞌaꞌne, ꞌenne tsꞌiyawh bunalhtsꞌet hainya.

1 Corinthians 9:5

ꞋInkꞌez wheni cha eh nebaꞌ hoonla whe neulhtuske butsꞌutni hukwaꞌ ꞌuzninzun de, ꞌenne hoontsꞌi bughu tsꞌoodaꞌ hubaꞌ hoontꞌoh? ꞋEt ꞌonghunne whelꞌaꞌne cha, neMoodihti bulhutsinke, ꞌinkꞌez Cephas cha, ꞌenne cha buꞌat hoonli. ꞋEt ꞌenne bukꞌunꞌa ꞌutsꞌootꞌeꞌ ha eh ꞌuneinla?

Galatians 1:19

ꞋEt ꞌonghohne whelꞌaꞌne, ꞌenne ꞌaw lhubusꞌel. NeMoodihti bulhutsin James, ꞌen za ꞌusꞌen.

Galatians 2:9

ꞋInka James, Cephas, ꞌinkꞌez John, ꞌenne butsꞌutni keyoh whuduchun unline, ꞌenne ndi ye unzoo-un ꞌet stlꞌa hónꞌai, ꞌet tsꞌihꞌun unꞌa tꞌehonanzin, ꞌet de Barnabas ꞌinkꞌez si cha ꞌet huwa nela nahúzꞌai. ꞋEt whuz unꞌa tsꞌiyanne whúbuznilhtan, wheni ꞌinkꞌez James, Cephas ꞌinkꞌez John te lhulh ꞌutsꞌintꞌoh za búznidulh. Wheni ꞌudun yun kꞌut whutꞌenne butsꞌúztidulh, ꞌinkꞌez ꞌenne Lizwifne butsꞌu hutidulh.

James 1:1

Si James, Yakꞌusda ꞌinkꞌez neMoodihti Jesus Christ ba ꞌulhna-un usdli. Nohni Lizwifne, mbene la Jesus Christ ooba ꞌalhaꞌ yintꞌohne, nohkeyoh whuchꞌa nohonízyootne ꞌahli, ndi ꞌudustlꞌus nohtsꞌó kꞌesges-i, ndi yun kꞌut whutꞌenne tsꞌiyawh be hadih nohdúsni.

Jude 1:1

Si Jude Jesus Christ be ꞌulhna-un ꞌinkꞌez James bulhutsin ꞌustꞌoh. Nohni Yakꞌusda neBá, ꞌen ba ꞌudun nelyane ꞌinkꞌez Jesus Christ ꞌen be uboontun. ꞋEt nduntꞌohne, ꞌenne ꞌutꞌahályane ꞌuhintꞌoh. Nohni ndi ꞌudustlꞌus nohtsꞌó kꞌesguz.