Mark 3:14 - Yak'usda Ooghuni

¹⁴ Whunizyáne ꞌon ꞌat nane, ꞌutahábanla. “Sulh óohtꞌeꞌ ha ꞌutahanóhisdla,” ubúlhni, “Dune bulh yátilhduk ha nohtisꞌalh,

Mark 3:14 Iomraidhean Croise

Mark 3:13

Shus kꞌut ndo whenya whe mbene la bukaꞌ ninzun bukaꞌ daniꞌ ꞌinkꞌez hitsꞌo whúsaindil.

Mark 3:15

ꞌinkꞌez ntsiꞌ-i nudúdeh-i dune yáhananoohyoot ꞌinkꞌez dune soo naꞌboolhꞌen-un, nohtlꞌa hóosꞌai.”

Mark 6:30

ꞋEt whelꞌaꞌne whusanáhidil ꞌinkꞌez Jesus te ꞌilhuhozdil ꞌet hidániꞌ ntsꞌoh te néꞌhustꞌen ꞌinkꞌez ndet dune whubuhodalhꞌeꞌ.

Luke 24:47

ꞌinkꞌez booziꞌ gha tsꞌiyanne dulubeshi chꞌa dudeni naháhundunooleh, ꞌinkꞌez bulubeshi buba úntukuk cha, ꞌohwhi ghun booziꞌ gha tsꞌiyanne dóhniꞌ hubaꞌ hoontꞌoh. ꞋEt njan Jerusalem ꞌet cho wheꞌ dohtꞌen. ꞋEt hukwꞌelhꞌaz de ꞋUdun Yun Kꞌut Whutꞌenne whubodoolhꞌeh.

John 15:16

ꞋAw nohni ꞌutahalhúsulhtel. Si ꞌutáhanóhisdla toohdilh ꞌinkꞌez mai ha nóolhyeh ꞌinkꞌez nohmaiꞌ ꞌilhiz wheni ootꞌeꞌ, ꞌet hukwa ꞌet nenóhnusdla. ꞋEt huwa la sBá ndai la si sooziꞌ gha ootsꞌo hukwa dahni-i, ꞌi la nohgha íyoꞌalh.

Acts 1:8

ꞋEt hoontsꞌi Ndoni nohyudíltsꞌut de soo nohdzi ulhtus whe Jerusalem ꞌet si sba dune whunulhtunne tihle, Judea yun kꞌut ndulcho whe cha, Samaria yun kꞌut cha, ꞌinkꞌez ndi yun kꞌut ndulcho whe cha,” ubúlhni.

Galatians 1:1

Si Paul whelꞌaꞌ-un usdli. ꞋAw dunene, ꞌenne bugha iloh ꞌusja, kꞌus ꞌilhoghun dune za iloh gha ꞌusja. ꞋEt hoontsꞌi Jesus Christ ꞌinkꞌez Yakꞌusda neBá, ꞌen ꞌuntꞌoh Jesus yaidlane toh dunaidilhti, ꞌen gha whelꞌaꞌ-un ꞌustꞌoh.