Mark 3:10 - Yak'usda Ooghuni

¹⁰ Lhane ndudáne soo naꞌbinla ꞌinkꞌez ꞌuyoonne cha hitꞌa óonalh hukwaꞌ hutꞌen,

Mark 3:10 Iomraidhean Croise

Genesis 12:17

ꞋEt hoontsꞌi Pharaoh tube dada untsiꞌ-i Pharaoh ooyoh cha ꞌet dinzut whulhtsi Sarai, Abram ooꞌat, ꞌen gha.

Matthew 12:15

Jesus hituzilhghelh huwu yahalhduk, tꞌewhunanzin ꞌet bugho whe naja. Lhane ndudáne hiyuntizdil, ꞌenne tsꞌiyawh soo náꞌbalhꞌen.

Matthew 14:14

Jesus tsꞌi bé hainya whe dune huldlai kꞌet ꞌaw ꞌuzdooniꞌ ꞌaitꞌoh, ꞌenne butilhꞌen. Bugha téꞌninzin ꞌinkꞌez ndudane cha tsꞌiyawh soo naꞌbinla.

Matthew 14:36

“Nyunaih naintsꞌuz-i ꞌantsꞌi yus tsꞌe ootꞌá tsꞌonalh,” huyulhni. Mbene yutꞌaiznaine, tsꞌiyawh soo náꞌhuja.

Matthew 4:23

Galilee yun kꞌut Jesus ndulcho nuya whe Lizwifne bulugliz ꞌet bubulh yálhduk. Yakꞌuz kꞌuneꞌ whulꞌen-un, ꞌen ghun khuni unzoo-i be bubulh yálhduk. Dune toh mbe la ndudane ꞌinkꞌez ooyustꞌe tétsunne, tsꞌiyanne soo naꞌbulhꞌen.

Mark 5:34

Jesus uyúlhni, “Stseꞌ be ꞌalha ꞌuhoontꞌoh-i ꞌintꞌi ꞌet huwa soo náꞌinja. Ndzi hóontꞌiꞌ whe natonjaꞌ ꞌinkꞌez be dzoh ninzut-i soo náꞌontneh.”

Mark 6:56

ꞋInkꞌez ntsꞌoh la Jesus nuya keyoh whuyaz kꞌus keyoh whuti kꞌus nꞌaho keyoh ꞌeꞌóoket-un whutoh dune ꞌilhodúlh-un whuz ndudáne nébuhunle ꞌinkꞌez Jesus híghu tédudlih, “Nyunaih ꞌantsꞌi ooban ꞌet ndudáne hitꞌa óonalh,” huyúlhni. ꞋEt mbene yutꞌaíznaine tsꞌiyawh soo náꞌhuja.

Mark 8:22

ꞋEt Jesus yugha hodulꞌehne bulh keyoh Bethsaida huwhútni-un whuz hoozdil whe ꞌilhoghun dune hoos̱ꞌén-un, ꞌen Jesus highu hinílhya ꞌinkꞌez highu tedudlih yutꞌaoonalh ha.

Luke 5:3

ꞋInkꞌez ꞌilhoghi tsꞌi bénya. ꞋI Simon ootsꞌi ꞌuntꞌoh. ꞋInkꞌez ꞌuyulhni, “Nusyaz le ꞌinleh.” ꞋInkꞌez ꞌet tsꞌi bet natlꞌa didaꞌ ꞌinkꞌez dunene whubodulhꞌeh.

Luke 6:19

Tsꞌiyanne hitꞌa oonalh hukwaꞌ hutꞌen. Ye ulhtus-i ootsꞌu ha idiltsꞌut, ꞌi be tsꞌiyawh budadaꞌ soo naꞌbinla.

Luke 7:2

ꞋInkꞌez ꞌet keyoh whutꞌen-un ꞌet ꞌilhoghun lhuganne whumoodih yuba neꞌútꞌen-un. Tube yúkꞌentsiꞌ-un, ꞌen tube unduda ꞌinkꞌez ꞌawet datitsah.

Luke 7:21

ꞋEt ꞌaho mbene la ndudane ꞌinkꞌez ooka hooline cha, ꞌinkꞌez ntsiꞌ-i nududeh-i ooyudindane cha lhane soo naꞌbalhꞌen. Hoos̱ꞌenne cha huhooꞌen-un ꞌubulhtsi.

Acts 5:15

Whelꞌaꞌne huwa ꞌítꞌen tenéꞌ hutꞌen ꞌet huwa ti whuzih ndudáne hikꞌustez ꞌi bulh tébuhulih khun si Peter ꞌoh whuya uyalh de ootsin ꞌi hoontsꞌi bukꞌut lhúyoltsꞌit.

Hebrews 12:6

Mbene la neMoodihti bukꞌensiꞌne, ꞌenne tsꞌiyawh khuniti be bubulh yalhduk. Mbene buzke unline, ꞌenne tsꞌiyawh uboolhtsas.”