Mark 2:8 - Yak'usda Ooghuni

⁸ ꞋEt hoontsꞌi Jesus duyughi be daja huninzun tꞌewhunínzun ꞌet ꞌahoh ꞌubulhni, “Dáhoontꞌoh huwa ꞌoh te nuní nahzut?

Mark 2:8 Iomraidhean Croise

Matthew 12:15

Jesus hituzilhghelh huwu yahalhduk, tꞌewhunanzin ꞌet bugho whe naja. Lhane ndudáne hiyuntizdil, ꞌenne tsꞌiyawh soo náꞌbalhꞌen.

Matthew 16:7

Lhulh yawhehunilhduk, “ꞋAw lhes lhtsꞌíꞌal ꞌet huwa ꞌutni.”

Matthew 9:4

Daja huninzun Jesus tsꞌiyawh tꞌeooninzun. ꞋInka ꞌubulhni, “Di ha nohdzi yo ntsiꞌ-i ghu nuni nahdeh?

Mark 2:7

“Di ha ndun dune Yakꞌusda chꞌaz yalhduk? Mbe ꞌutinelh lubeshi untilhdulh? Yakꞌusda za lubeshi nꞌun tulhdilh whe ꞌuntꞌoh.”

Mark 2:9

Ndet ꞌukꞌenus huwa lhúhoolnaꞌ ndun dune délhdusni-un ꞌudutásnelh, ‘Nlubeshi mba nꞌun tisdil,’ kꞌus ‘Dudinyaih ꞌinkꞌez ninya?’

Mark 7:21

ꞋEt dune budzi yo whuz de ꞌaw beni lheꞌízooꞌ, ꞌuyoon dune ꞌat bulh lubeshi hilhchuk, tsꞌeke bulh nintaꞌhutꞌih, nehughan cha ꞌutꞌen,

Luke 24:38

ꞋInkꞌez ꞌubulhni, “Dahoontꞌoh huwa whénulhjut? ꞋInkꞌez dahoontꞌoh huwa nohdzi yo whe nohba nawh ꞌuhoontꞌoh?

Luke 5:22

ꞋEt Jesus tꞌewhunínzun daja huninzun, ꞌinkꞌez ndúbulhni, “ꞋEt di ha nohdzi yo whe ꞌet ndunahzun?

Luke 6:8

ꞋEt hoontsꞌi daja huninzun tꞌeooninzun. ꞋInkꞌez dune oola yunulheꞌustꞌen-un ꞌuyulhni, “Dudinyaih ꞌinkꞌez njan sinyin.” ꞋInka dudinya ꞌinkꞌez buniz neninya.

John 21:17

Whulh tat yoodulhkut, “Simon Jonas ooyeꞌ ꞌalhaꞌ eh syadan inli?” ꞋEt Peter tube ooba dzoh suliꞌ, Jesus whulh tat-un yoodulhkut whe uyúlhni, “Syadan inli eh?” uyúlhni. ꞋEt Peter uyúlhni, “SMoodihti, nyunchꞌoh tsꞌiyantsuk tꞌéwhúnínzun. ꞋInkꞌez nyunchꞌoh tꞌéwhunínzun nyadan usdli.” ꞋEt doo cha Jesus uyúlhni, “Se ꞌusbaine bube ꞌilhꞌalh!

John 6:64

ꞋEt hoontsꞌi nohtoh whulohne ꞌaw nohba ꞌalhaꞌ lheꞌhootꞌoh.” Jesus ꞌudaꞌ tꞌeooninzun mbene buba ꞌalhaꞌ lheꞌhootꞌoh, ꞌinkꞌez mbe yeꞌ óotakulh-un, ꞌet cha tꞌeoonínzun ꞌet huwa.

Acts 5:3

ꞋEt Peter uyúlhni, “ꞋEt di ha Satan ookꞌúneꞌ tantꞌen hukwaꞌ nizun? ꞋInkꞌez lheꞌdini sooniya ooloh ílhchoot ꞌinkꞌez Ndoni tsꞌun hontsꞌit?

Acts 8:22

Njan tankꞌus unꞌa nuní ninzut-un whuchꞌaz nailꞌah ꞌinkꞌez neMoodihti ootsꞌun ténadinli njan dunínzun-un, khun tilah mba ꞌún whutoolhdilh.

Hebrews 4:13

ꞋInkꞌez ndai la ndi yun kꞌut ꞌutsꞌulhꞌen-i ꞌaw ꞌilhoghi Yakꞌusda oochꞌa ntistꞌi-i hooloh. Tsꞌiyantsuk whunilhꞌen, ꞌinkꞌez ꞌantsꞌi ꞌi kwꞌunꞌaꞌtizbal leꞌ ꞌuntꞌoh. Yakꞌusda ꞌen datsꞌitꞌen-un, ꞌet tsꞌiyawh uzdutánelh wheꞌ hoontꞌoh.

Revelation 2:23

ꞋInkꞌez ndun tsꞌeke buzkeh cha ubutisghan. ꞋInkꞌez Yakꞌusda ba ꞌilhunaoodulhne, tsꞌiyawh tꞌehontázin, si ꞌustꞌoh dune bubeni toh ꞌinkꞌez budzi bet cha hoonli hukwꞌu nústa. ꞋInkꞌez ꞌilhughun ꞌahli whe nohꞌeꞌutꞌen kꞌoh huwa nohba ꞌukꞌelha whutiselh.