Mark 2:5 - Yak'usda Ooghuni

⁵ ꞋEt Jesus dalcho-i be hitꞌa nínintan tꞌeoonínzun ꞌet huwa dune délhdusni-un ꞌulhni, “Yeꞌ nlubeshi mba hooloh suliꞌ.”

Mark 2:5 Iomraidhean Croise

Genesis 22:12

ꞋInkꞌez ꞌuyulhni, “Nyeꞌ ookꞌedolnih junih kꞌus hoonli ꞌonleꞌ junih! ꞋAndit tꞌeooniszin Yakꞌusda (Elohim) be niljut, nyeꞌ ꞌen hoontsꞌi oochꞌa lhuyoontun ꞌaw ꞌilhoghun nyeꞌ, si schꞌa lhoontun.”

Matthew 9:2

ꞋAho ꞌawet ndun delhdusni-un, lili be whusahúyankai. Jesus tꞌeooninzun buba ꞌalha ꞌuhoontꞌoh. ꞋEt délhdusni-un ꞌuyulhni, “Yeꞌ ndzi hoteꞌ, nlubeshi mba hooloh suliꞌ!”

Matthew 9:22

Jesus yutsꞌu nálhꞌa yunalhꞌen ꞌinkꞌez ꞌuyulhni, “Stseꞌ ndzi hótꞌe! Be ꞌalha ꞌuhoontꞌoh-i mba ꞌalha ꞌuntꞌoh huwa soo naꞌinja.” ꞋEt whutsꞌun tsꞌeke soo naꞌuja.

Matthew 9:5

Ntsꞌenꞌa suba huwa lhúhoolnaꞌ kꞌunꞌa ꞌuzdooniꞌ? ‘Nlubeshi mba hooloh suliꞌ,’ kꞌus, ‘Dudinyaih ꞌinkꞌez ninya’?

Mark 2:6

Whulohne Moses be ꞌudustlꞌus ꞌukꞌu náguzne, ꞌet hudilhtsꞌi ꞌinkꞌez ꞌuhinínzun,

Mark 5:34

Jesus uyúlhni, “Stseꞌ be ꞌalha ꞌuhoontꞌoh-i ꞌintꞌi ꞌet huwa soo náꞌinja. Ndzi hóontꞌiꞌ whe natonjaꞌ ꞌinkꞌez be dzoh ninzut-i soo náꞌontneh.”

Luke 5:20

ꞋUbunilhꞌen ꞌet tꞌeooninzun buba ꞌalha ꞌuhoontꞌoh ꞌinkꞌez delhdusni-un ꞌuyulhni, “Dune nlubeshi mba hooloh suliꞌ.”

Luke 8:48

ꞋInkꞌez ꞌuyulhni. “ꞋUstseꞌ hooníntꞌiꞌ! Mba ꞌalha ꞌuhoontꞌoh ꞌet huwa soo naꞌinja. Ndzi dizghel whe naindalh.”

John 2:25

ꞋInkꞌez ꞌaw ꞌuyoonne dune dahíntꞌoh la ꞌet hidóniꞌ ꞌaítꞌoh, didutchꞌoh dunene dahíntꞌoh la tꞌewhunínzun ꞌet huwa.

John 5:14

Njan ꞌet ndúhooja-un hukwꞌelhꞌaz lugliz whucho ꞌet Jesus ndun nayilhti ꞌinkꞌez ꞌuyulhni, “Hadih, ꞌandit ꞌawet soo náꞌinja. Lubeshi ꞌilhꞌen-un ꞌetsul ꞌoneh, doo ka la ꞌon nus ꞌuwhultsiꞌ-un ꞌet nghá holtsꞌit!”

Acts 11:23

ꞋEt whuz oozya whe whunilhꞌen daja whe Yakꞌusda ndunne dune ye unzoo-i be butsꞌun unzoo. ꞋEt hóostꞌet ꞌinkꞌez buba nus whúnilhtꞌi, “Ntsꞌoh dáhoontꞌoh ꞌet hoontsꞌi neMoodihti soo bulh za oohtꞌeꞌ,” ubúlhni.

Acts 14:9

ꞋEt usda ꞌinkꞌez Paul yalhduk yoozílhtsꞌai. ꞋEt Paul yunilhꞌen, tꞌéoonínzun ndun dune ooba ꞌalha ꞌuhoontꞌoh ꞌet whe soo náꞌtitnelh ninzun ꞌinka soo cho yunin tsꞌe yunilhꞌen whe

Acts 5:31

ꞋEt Yakꞌusda yakꞌuz whenáyalhti dunailhni tsꞌe duzih ꞌet yulhda, ꞌinkꞌez Moodihti ꞌinkꞌez neulhyís-un cha yulhtsi. ꞋEt Israel ootsꞌu haindene dudeni náhondunooleh, ꞌet de la bulubeshi buba ꞌún yutoolhdilh.

1 Corinthians 11:30

ꞋEt huwa lhane nohtoh tehutsun suliꞌ, whulohne hunduda cha suliꞌ, ꞌinkꞌez lhane ꞌilhiz nahunistez.

2 Corinthians 2:10

ꞋInkꞌez mbe hoonli ooba ꞌún whutulhdilh de, si cha ooba ꞌún whutisdulh. Hoonli ooba ꞌún whutusdilh-un, mbe la ooba ꞌún whutusdilh-un, ꞌen Christ oonalh nohni cha nohba ꞌún whutusdilh ꞌet huwa.

Ephesians 2:8

Ye unzoo-i, ꞌi be be neba ꞌalha ꞌuhoontꞌoh-i gha uzdujih ꞌet huwa. ꞋAw whenichꞌoh negha iloh whe uzdujih. Yakꞌusda ꞌen negha óoninꞌai.

Colossians 3:13

Lhulh sooꞌ tsꞌintꞌoh, ꞌinkꞌez tsꞌiyantsuk lhba whunawhudulhneh. Nohtoh ꞌilhoghun ꞌuyoon kꞌehoonꞌai de, ntsꞌenꞌa Christ nohba whunaoodilhnoh, nohni cha whuz unꞌa za buba whunaoodoolhnoh.

James 5:15

ꞋInkꞌez be ꞌalha ꞌuhoontꞌoh-i bulh tenahudoodli. ꞋEt de nduda-un soo naꞌootneh. ꞋEt de la neMoodihti do náꞌyooleh. Lubeshi ꞌutꞌi de, ꞌi yuba whunawhudoolnoh.