Mark 2:25 - Yak'usda Ooghuni

²⁵ Jesus ubúlhni, “ꞋAw lakw hukwꞌu yalhúlhdih David dája ꞌoh daꞌ, yooꞌalh-i hooloh whe yulh ꞌútꞌenne te buye ꞌíltsꞌul whe nduja:

Mark 2:25 Iomraidhean Croise

Matthew 19:4

ꞋEt Jesus ꞌubulhni, “ꞋEt ndi ꞌudustlꞌus kꞌut ꞌukꞌeguz-i, ꞌi ꞌaw lakw ookꞌu yalhuzulhduk? Mbe dune ꞌinla-un, ꞌen dune ꞌinkꞌez tsꞌeke bulh ꞌubínla daꞌ.

Matthew 21:16

ꞋInkꞌez Jesus nduhúyulhni, “Daja hutni la uboozílhtsꞌai eh?” ꞋEt ꞌubulhni, “A, ꞌinkꞌez dahúja-un ꞌaw hukwꞌu yalhuzusduk whe eh dahni? ꞋUkꞌehonguz whe njan nduwhutni, ‘Tsꞌoodunne ꞌinkꞌez tsꞌoodunne nulhyehne cha, bughuni ꞌi beꞌ hutni, tsꞌihꞌun unꞌa sba hodilhtiꞌ ꞌubulhtsi.’”

Matthew 21:42

ꞋEt Jesus ndúbulhni, “ꞋAw eh hukwꞌu yalhuzulhduk Yakꞌusda ooghuni daja ni inleꞌ daꞌ? ꞋUkꞌehooguz: ‘Ndi tse yoh ꞌuwhulhꞌenne ꞌún hidutilhꞌuz-i, ꞌi yoh ookꞌu whuzꞌai-un huba soo ꞌukꞌenus tse ꞌuntꞌoh-i suliꞌ. Moodihti whuz unꞌa ꞌuhoonla. ꞋInkꞌez wheni tube neba hooncha wheꞌ hoontꞌoh,’ ni.

Matthew 22:31

ꞋEt hoontsꞌi yaidlane dunadutádulh-un huwun, Yakꞌusda daja ni, ꞌaw eh hukwꞌu yalhuzulhduk? Njan ndutni,

Matthew 4:2

Dit whunizyat dzin sóo honih, ꞌet hukwꞌelhꞌaz ooyeꞌíltsꞌul.

Mark 12:20

ꞋEt lhtakꞌantꞌine lhulhutsinke hónleꞌ, ꞌudetso whudilhdzulh-un, ꞌat ꞌutꞌi ꞌawhuz buzkeh hooloh whe dazsai.

Mark 12:26

ꞋEt hoontsꞌi yaidláne dunáhudutádulh huwun, Moses ꞌukꞌu néyuzguz-i ꞌaw eh ookꞌu yalhúlhdih whus dilhtán-i toh whudizkꞌun whe Yakꞌusda yulh yalhduk inleꞌ? Moses Yakꞌusda ndéyulhni, ‘Si ꞌustꞌoh Abraham ooMoodihti ꞌustꞌoh, Isaac cha ooMoodihti ꞌustꞌoh, ꞌinkꞌez Jacob cha ooMoodihti ꞌustꞌoh.’

Mark 2:24

ꞋEt Phariseene Jesus ꞌuhuyúlhni, “Nilhꞌen dáhoontꞌoh huwa ngha hodulꞌehne natsꞌulyis dzin ꞌet ꞌuhutꞌen? ꞋAw nduhóotꞌen huba lheꞌhootꞌoh.”

Mark 2:26

Yakꞌusda ooyoh ꞌet danínya ꞌinkꞌez lhes Yakꞌusda gha tꞌaih-i, ꞌi yuꞌalh ꞌinkꞌez yulh ꞌutꞌenne cha huyanꞌal. Lubretne ꞌaw ꞌenne za huyooꞌalh hubaꞌ hoontꞌoh, ꞌet hoontsꞌi David ꞌinkꞌez yulh ꞌutꞌenne cha nduhuja. ꞋOh daꞌ Abiathar ꞌen lubretne bumoodih unli wheꞌ hooja.”

Luke 10:26

ꞋEt Jesus ꞌutni, “Ndet ꞌukꞌu whusguz Moses be ꞌudustlꞌus kꞌut? Ookwꞌuyailhduk whe ntsꞌenꞌa mba daja ni?”