Mark 2:20 - Yak'usda Ooghuni

²⁰ ꞋEt hoontsꞌi whusaóotiltsꞌulh dune ꞌat utꞌí-un bughu nayitálchulh. ꞋEt dzin whusahóoltsꞌut de, ꞌoh de soo húhootanih.”

Mark 2:20 Iomraidhean Croise

Matthew 26:31

ꞋEt Jesus ndúbulhni, “ꞋAndit ꞌulhdzis nohni tsꞌiyawh ska yátihleh. Whuz unꞌa ꞌukꞌehooguz whe ndutni, ‘ꞋUsbai ghunli-un, tuzilghelh huba whutlꞌa tístelh. ꞋOh de ꞌusbai tsꞌiyawh yahitalhꞌus.’

Matthew 9:15

ꞋEt Jesus ꞌubulhni, “Mbe la ooꞌat whutaleh-un, ookꞌekene, ꞌawhuz huyulh ꞌuntꞌoh, ꞌenne cha eh soo húhootanih? ꞋAwundooh! ꞋEt hoontsꞌi ꞌoh de de ookꞌekene buchꞌa nahuyitálhtelh, ꞌet de za soo hóohootanih.

Mark 2:19

Jesus ubúlhni, “ꞋAndit ꞌat ꞌutꞌi-un bughu nusdílne soo húhoonih la nahzun eh? Dune ooꞌat whuzdliꞌ-un, butoh usda de, ꞌaw nduhóoneh ꞌaitꞌoh.

Mark 2:21

“ꞋAw ꞌilhoghun naih ꞌandidi-i naih jut be naoolhkut ꞌaitꞌoh. ꞋEt ndúja de, naih ꞌandidi-i be nalhkut-i, naih jut nalhkut-i bulh ha naitichꞌulh ꞌinkꞌez ꞌon nus hoontsiꞌ tileh.

Luke 17:22

ꞋInkꞌez ꞌet yugha hodulꞌehne ꞌubulhni, “ꞋEt ꞌoh dzin whusaóotikulh ꞌinkꞌez Yinka Dune Yeꞌ, ꞌilhoh dzin whutihꞌelh hukwaꞌ ntihzilh, ꞌet hoontsꞌi ꞌaw hoohꞌen ꞌaitꞌoh.

Luke 5:35

ꞋOh de whusaootiltsꞌulh, ꞌoh de de ooꞌat whutaleh-un bughu nayitálchulh. ꞋOh de la soo hoohoonih.”

John 12:8

Telꞌenne ꞌahoolhyiz nohbulh ꞌúhintꞌoh, ꞌet si ꞌahoolhyiz wheni iloh nohbulh ꞌútistꞌelh.”

John 13:33

Suzkehke ꞌaw saꞌ iloh nohbulh ꞌutistꞌelh. Skuntihtalh ꞌet hoontsꞌi Lizwifne ꞌubudásniꞌ, whuz unꞌa nohni cha nohdúsni, ntsꞌe la tisyalh tsꞌe ꞌaw nohni cha sulh tóohdilh ꞌaítꞌoh.

John 16:28

SBá ꞌen ootsꞌu hásya whe ndi yun kꞌut nenúsya. Doo cha ndi yun kꞌut whuchꞌa natisdalh ꞌinkꞌez sBá ꞌen ootsꞌu nátisdalh,” ubúlhni.

John 16:7

ꞌet hoontsꞌi khuni ꞌalhaꞌ ꞌuntꞌoh-i nohdusni, nohghu natisdalh-un, ꞌet nohni nohba hootázooꞌ. ꞋAw whenálhusdal de, nohLaꞌutꞌen-un ꞌaw nohtsꞌun tooyaꞌ ꞌaítꞌoh. Whenásja de, ꞌet de ꞌen nohtsꞌun tísꞌalh.

John 17:11

ꞋAw ꞌon ꞌun ndi yun kꞌut susda íloh ꞌinkꞌez ntsꞌun usyalh, ꞌet hoontsꞌi ndunne, ꞌenne ndi yun kꞌut ꞌuhintꞌoh. ꞋUbá, lubeshi ooghu hooloh ꞌintꞌoh, ꞌinkꞌez ndunne sghá buninlane, nyooziꞌ ꞌi be huboontun, ꞌi be la nyun si bulh ꞌilho ídli, whuz unꞌa la didut cha ꞌilho hooleꞌ.

John 17:13

ꞋAndit ꞌawet ntsꞌun tisya. ꞋEt hoontsꞌi ꞌawhuz ndi yun kꞌut susda whe njan ꞌet howu yasduk, ꞌet whe la soo tsꞌihꞌun unꞌa ndai la be whúnusni-i, ꞌi be budzi doobun.

John 3:29

ꞋEt ndóohoontꞌoh whe, ꞌilhoghun dune tsꞌeke yughusda-un, ꞌen ꞌat utꞌí-un ꞌuntꞌoh. ꞋEt ooyadan yuzih usyin-un ꞌinkꞌez yughuni yoozílhtsꞌai whe la tube yuba hóontꞌiꞌ. ꞋEt huwa nohdúsni si cha whuz unꞌa tube cho hoonústꞌiꞌ.

Acts 1:9

ꞋEt ndi yughu yatílhduk whe ꞌawet ndo yakꞌuz whenája. ꞋEt hinilhꞌen whuz za kwꞌus yo tsꞌe hooloh suliꞌ.

Acts 14:23

Ndet Jesus Christ gha ꞌilhozdílne hoonli-un dune tso whudilhdzulhne buba ꞌutahahánla. ꞋEt tenadudli ꞌinkꞌez soo húhoonih, ꞌinkꞌez neMoodihti tlꞌábahanla whe Jesus soo hitꞌa nínintan.

Acts 3:21

ꞋEn ndo yakꞌuz ꞌet usda ndet la tsꞌiyantsuk doo cha soo náꞌwhutilelh nasdliꞌ ꞌet whutsꞌun. ꞋUdaꞌ Yakꞌusda be nus hóoꞌenne huwu yuhalhduk ínleꞌ.

1 Corinthians 7:5

ꞋAw lhchꞌoh oohkeꞌ huba lheꞌhootꞌoh. ꞋEt hoontsꞌi ꞌatsulyaz whe soo hootahni ꞌinkꞌez tenadutihdli hukwaꞌ nuhzun de, ꞌet nanulhtꞌo soo lhgha hoonuhtꞌiꞌ de, ꞌet sooꞌ whutatꞌelh. ꞋEt hukwꞌelhꞌaz doo cha za lhkꞌeoohsiꞌ ꞌinkꞌez lhzih nenaoohtꞌas, doo ka la ꞌaw nohyustꞌe ooghu tihle huba soo lheꞌahtꞌoh de, ꞌet Satan nohootalhdzih.

2 Corinthians 11:2

ꞋEt Yakꞌusda be ꞌoonih be si cha nohba ꞌooznih. Nohba nahizúsya ꞌilhoghun dune ooghu tihdalh, Christ ꞌen ꞌuntꞌoh. Nohni ꞌaw dune tꞌenuszun-un nohtsun hoolohne leꞌ ꞌahtꞌoh whe Christ gha nóhnusdla.

2 Corinthians 11:27

ꞋUtꞌen ulhtus-i be ꞌustꞌen. ꞋEt huwa whuloh te tube nenúsi. Lhat ꞌaw lhústoh. Lhat syeꞌúltsꞌilh ꞌinkꞌez taꞌóosda. Lhat-un whe sóo hoosnih, kꞌus lhat hukwꞌuz yo nusúsya dzoh ꞌet dune usdli whe.

2 Corinthians 6:5

ꞌinkꞌez nehoolhtsas-un, ꞌanehudilhꞌai-un, nebulh hódutulhzuk-un cha, ꞌutꞌen howa whúlnaꞌ-i cha. Lhtsꞌitoh-un cha, soo tsꞌúhooni-un, ꞌet cha.

Revelation 19:7

Tsꞌohótꞌeꞌ ꞌinkꞌez tsꞌonólhni ꞌinkꞌez uzdólhtiꞌ. ꞋUsbaiyaz ꞌat titꞌelh-un huba whusahónzut ꞌinkꞌez ooꞌat yutáleh-un ꞌawet dichꞌoh lhadúja.

Revelation 21:9

ꞋEt nyoonne lhtakꞌantꞌine lizas, lhtakꞌantꞌi oosaꞌ naniztsꞌun-i hiye dzoh nutideh-i, lhtakꞌantꞌi didowh-i, ꞌi be dizbun-i, ꞌen bube ꞌilhoghun lizas sghu ninya ꞌinkꞌez sulh yailhduk. Njan ndúsulhni, “ꞋAnih ndun ꞌusbaiyaz ooꞌat tileh-un búnyuntistun.”