Mark 2:2 - Yak'usda Ooghuni

² ꞋAhoh dune ꞌilhuhozdil. Whuz dune lhane ꞌalhgoh daníndil kꞌet ꞌaw whuzꞌái-un hooloh, dati ꞌi bulh whudizbun. ꞋEt Jesus Yakꞌusda ooghuni ghun ubulh yálhduk.

Mark 2:2 Iomraidhean Croise

Matthew 5:2

ꞋEt whe whubondunilhꞌeꞌ, ꞌet njan ndúbulhni,

Mark 1:14

ꞋEt John dune too be ꞌulhꞌen-un, ꞌahúyanꞌai hukwꞌelhꞌaz, Jesus Galilee tsꞌe oozya ꞌinkꞌez bubulh yálhduk Yakꞌusda ookꞌúneꞌ whutꞌen-un, ooghuni ghun.

Mark 1:33

ꞋInkꞌez tsꞌiyanne keyoh whutꞌenne dati ꞌílhuhózdil.

Mark 1:37

Nahayilhti whe ꞌet ꞌuhuyúlhni, “Tsꞌiyanne nkunúta.”

Mark 1:45

ꞋEt hoontsꞌi dune whenája ꞌinkꞌez tsꞌiyanne dániꞌ ꞌon nus huweꞌ yalhduk kꞌet Jesus ꞌaw keyoh dune tunóyaꞌ ꞌaitꞌoh. ꞋInka nꞌawh dune lhuhóotꞌi ꞌoh dune unli. Lhelhtsꞌiz de whutꞌenne whuz highu lhkꞌesúdil.

Mark 2:1

ꞋEt hukwꞌelhꞌaz whutizútyaz whe Jesus keyoh Capernaum tsꞌe naoosja. Tsꞌiyanne whulh ꞌúhuduztsꞌai ndet yoh usda.

Mark 2:13

Jesus doo cha za taba tsꞌe naóosja. ꞋIlhozdílne highu nindil whe ꞌet whubodulhꞌeh.

Mark 6:34

ꞋEt Jesus tsꞌi be hainya whe lhane ꞌilhozdil ꞌet ꞌubunilhꞌen tube bugha téꞌninzun ꞌantsꞌi ꞌusbaiyaz ooghulhídloh-i léꞌhintꞌoh ꞌinka lhat-un ꞌet whubuwhéoodunilhꞌeꞌ.

Luke 12:1

ꞋOh daꞌ whe lhane dune ꞌilhuhozdil. Huldlai kꞌet lhkꞌunuhúdilh chaꞌ hutꞌen. Mbene la yugha hodulꞌehne, ꞌenne cho ndubulhni, “Phariseene bules be untuldoh-i, ꞌi chꞌa soo cho howahli. ꞋI dune nalh ye dúba naꞌudzooꞌ-i, ꞌi ꞌuntꞌoh.

Luke 5:17

ꞋEt ꞌilhoh dzin dune hodulhꞌeh whe ꞌinkꞌez Phariseene cha ꞌinkꞌez Moses be ꞌudustlꞌus hodulhꞌehne cha, yun kꞌut Galilee, Judea cha, ꞌinkꞌez Jerusalem cha tsꞌiyawh Jesus hiyenghoh dilhtsꞌi. ꞋInkꞌez neMoodihti ye ulhtus-i ndudane soo náꞌtilhꞌelh ha yulh ꞌuntꞌoh.

Luke 8:1

ꞋEt hukwꞌelhꞌaz Jesus kedutizut keyoh whucho ꞌinkꞌez keyoh whuyaz totsuk, Yakꞌusda lerwe unli, ꞌet huwun khuni unzoo-i be yalhduk. ꞋEt whunizyat ꞌon ꞌat nane cha huyulh ꞌutꞌen.

Luke 8:11

“Ndi be nawhutnuk-i be whutsꞌodulꞌeh-i ꞌet ndutni. Ndi ꞌanukat-i, ꞌi Yakꞌusda ooghuni ꞌuntꞌoh.

Acts 11:19

Stephen hizilhghi hukwꞌelhꞌaz ndunne Yakꞌusda kꞌuneꞌ ꞌutꞌenne bube húzula, ꞌet ꞌoh daꞌ Yakꞌusda kꞌuneꞌ ꞌutꞌenne tsꞌiyawh yahándil. ꞋInka whulohne nilhzaꞌ Phonecia tsꞌe, Cyprus ꞌinkꞌez Antioch tsꞌe cha whe hándil. Khuni Unzoo-i Lizwifne za be bubulh yáhulhduk.

Acts 14:25

ꞋEt Perga whutꞌenne cha Yakꞌusda ooghuni be bubulh yáhulhduk ꞌinkꞌez nyo Attalia tsꞌe hoozꞌaz.

Acts 16:6

ꞋEt Phrygia ꞌinkꞌez Galatia yun kꞌut ꞌoh whuya lhuhúzdil whe Asia yun kꞌut ꞌet Yakꞌusda ooghuni be yáhutilhduk Ndoni whuchꞌa bunízyoot ꞌet huwa.

Acts 8:25

ꞋEt whe bughuni ulhtus whe neMoodihti ooghuni ghu yáhálhduk hukwꞌelhꞌaz John ꞌinkꞌez Peter bulh Jerusalem tsꞌe nahoostꞌas. Hiꞌus whe Samaria whutoh keyoh whuyaz totsuk khuni unzoo-i be dune bubulh yáhulhduk.

Romans 10:8

ꞋEt Yakꞌusda ooghuni daja ni whe ꞌutni? Njan ꞌet ꞌukꞌehóoguz, “Ndi khuni oogha tsꞌihꞌun unꞌa ꞌuztitꞌelh, ꞌi ne-enghoh dizꞌai whe ꞌuntꞌoh, neze cha ꞌinkꞌez nedzi yo cha dizꞌai.” ꞋI khuni be ꞌalha ꞌuhoontꞌoh-i be nohbulh yátsꞌulhduk, ꞌi ꞌuntꞌoh.

2 Timothy 4:2

ꞋAhoolhyiz lhadíntꞌoh Yakꞌusda ooghuni bé bubulh yaílhduk. Whúbunilhtun ndet whe nintaꞌhutꞌih-un, ꞌinkꞌez tankꞌus ꞌuhutꞌen-un hukwa budíni, ꞌinkꞌez budzi do náꞌinleh. Howa whúlnaꞌ-un whulh sinyin, ꞌinkꞌez dune hodilhꞌeh.