Mark 2:18 - Yak'usda Ooghuni

¹⁸ John dune too be ꞌulhꞌen-un yugha hodulꞌehne ꞌinkꞌez Phariseene bugha hodulꞌehne cha soo húhoonih whe Jesus highu nindil ꞌinkꞌez ꞌuhuyúlhni, “ꞋEt dáhoontꞌoh huwa John dune too be ꞌulhꞌen-un yugha hodulꞌehne ꞌinkꞌez Pharisee bugha hodulꞌehne soo húhoonih ꞌet hoontsꞌi nyun ngha hodulꞌehne, ꞌenne gak?”

Mark 2:18 Iomraidhean Croise

Matthew 23:5

ꞋUtꞌen ꞌuhuyulhꞌen-i, ꞌi hiyoonne yunoolhꞌen huba za ꞌuhuyulhꞌen. ꞋInkꞌez Yakꞌusda ooghuni zus, Phylacteries huyulhni, ꞌon nus ncha huyilhꞌi tsꞌiyanne hinoolhꞌen ha. ꞋInkꞌez luglok tenahududli te nahuyitsꞌuz-i, ꞌi cha ootso ꞌon nus ꞌudilyiz nahuyulhtsih.

Matthew 6:16

“ꞋEt ndet soo hóotahnih de, duba naꞌudzooꞌne bukꞌunꞌa oohtꞌeꞌ junih. Ndutꞌenne dudzi yo ꞌuhilhdzun naꞌhududilꞌi wheꞌ hintꞌoh. ꞋInkꞌez dunin be teꞌhududilꞌen ꞌinkꞌez dzoh nuhuzut naꞌhududilꞌi. ꞋEt whuz unꞌa ꞌuyoonne whúbonulhtun ntsꞌenꞌa la soo huhooni hukwꞌunꞌa. ꞋAlhaꞌ whe nohdusni, mbe la ndutꞌenne buba ꞌukꞌelha yutaleh-i, ꞌudaꞌ buba kꞌelha whuzdliꞌ wheꞌ hintꞌoh.

Matthew 6:18

ꞋEt whuz unꞌa soo hóotahni de, ꞌonghohne buchꞌa nonahꞌiꞌ. ꞋEt hoontsꞌi nohBá lhuhoostꞌen tsꞌe hoontsꞌi whunilhꞌen, ꞌen tsꞌiyanne nalh nohba ꞌukꞌelha whutilhtselh wheꞌ hoontꞌoh.”

Mark 2:19

Jesus ubúlhni, “ꞋAndit ꞌat ꞌutꞌi-un bughu nusdílne soo húhoonih la nahzun eh? Dune ooꞌat whuzdliꞌ-un, butoh usda de, ꞌaw nduhóoneh ꞌaitꞌoh.

Luke 18:12

Lisman totsuk nat sóo hoosnih. ꞋInkꞌez ndai la sba ꞌukꞌelha unli-i, ꞌi cha ooloh, 10%, lugliz huwasꞌaih,’ ni Pharisee.

Romans 10:3

Tsꞌihꞌun unꞌa Yakꞌusda kꞌúneꞌ hutitꞌen-un ꞌet ꞌaw tꞌéhonúszun. ꞋEt ntsꞌenꞌa la dichꞌoh ꞌuhuhóonla whuz unꞌa tsꞌihꞌun unꞌa ꞌuhintꞌoh naꞌhududilꞌi. ꞋInkꞌez ndet la Yakꞌusda butsꞌu húkwaꞌ ninzun-un ꞌaw hukwꞌunꞌa lheꞌhínel.