Mark 2:16 - Yak'usda Ooghuni

¹⁶ ꞋEt Moses beꞌ ꞌudustlꞌus ꞌukꞌu nunáguzne ꞌinkꞌez Pharisee didowhne, Jesus hinilhꞌen lubeshi ꞌulhꞌenne, ꞌinkꞌez sooniya nalhdzóohne bula naꞌutꞌalh. Phariseene Jesus yugha hodulꞌehne hubuhoodulhkut, “Dáhoontꞌoh huwa nduntꞌóhne bula ꞌaꞌalh?”

Mark 2:16 Iomraidhean Croise

Matthew 18:17

ꞋInkꞌez ꞌaw lhunoh oozílhtsꞌai de, ꞌet de Yakꞌusda ba ꞌilhunaoodulhne cha budóhni. ꞋEnne cha ꞌaw lhuboozílhtsꞌai de, ꞌet de mbe la ꞌaw ooba ꞌalha lheꞌhootꞌoh-un kꞌus mbe la sooniya ꞌilhunaoosꞌaih-un, ꞌet ndun lubeshi be ndulhyo ꞌuja-un, ꞌen ꞌenne bukꞌunꞌa noolhꞌen.

Matthew 5:46

Mbene nohkꞌensiꞌne, ꞌenne za bukꞌehtsiꞌ de, di suba nohgha óokat? Ndunne sooniya nalhdzoohne, ꞌenne cha whuz unꞌa za nduhutꞌen.

Matthew 9:11

ꞋInkꞌez Phariseene hinilhꞌen yugha hodulꞌehne bubuhoodulhkut, “Nohodulhꞌeh-un, di ha sooniya ꞌilhunaoosꞌaihne ꞌinkꞌez lubeshi ꞌulhꞌenne cha bubulh naꞌutꞌalh?”

Mark 2:15

Hukwꞌelhꞌaz Levi ooyoh lhanne sooniya nalhdzóohne ꞌinkꞌez lubeshi ꞌulhꞌenne, Jesus yugha hodulꞌehne cha ꞌet bula naꞌutꞌalh.

Mark 2:7

“Di ha ndun dune Yakꞌusda chꞌaz yalhduk? Mbe ꞌutinelh lubeshi untilhdulh? Yakꞌusda za lubeshi nꞌun tulhdilh whe ꞌuntꞌoh.”

Luke 18:11

Ndun Pharisee ꞌen dichꞌoh usyin ꞌinkꞌez tenadudli whe njan ndutni, ‘Yakꞌusda musi nyudusni. ꞋAw ꞌuyoonne dune dúlhuztꞌoh. ꞋUyoonne eꞌwhuhalhtsꞌit sooniya be, ꞌenne ꞌaw tsꞌihꞌun lheꞌitꞌohne ꞌuhintꞌoh, ꞌinkꞌez tsꞌekoo kꞌus dunene bulh níntaꞌ ꞌutꞌihne. ꞋInkꞌez ndun sooniya ꞌilhunaoosꞌaih-un, ꞌen cha bundúlh uztꞌoh.

Luke 19:10

Ninta ninkatne, Yinka Dune Yeꞌ, ꞌen bukúniztai ꞌinkꞌez ꞌubutilhyih ha, ꞌet huba whusainya.”

Luke 19:7

ꞋEt tsꞌiyanne hinalhꞌen whe whutsꞌo disnih, ꞌinkꞌez howu yahalhduk, “Lubeshi ꞌulhꞌen-un, ꞌen zih tidalh.”

Luke 5:30

ꞋEt Moses be ꞌudustlꞌus ꞌukꞌu nunáguzne ꞌinkꞌez Phariseene, didutchꞌoh highu yalhduk ꞌinkꞌez Jesus yugha hodulꞌehne, ꞌubuhútni, “ꞋEt nyoonne sooniya ꞌilhunaoosꞌaihne ꞌinkꞌez lubeshi ꞌulhꞌenne, di ha bubulh áhꞌalh ꞌinkꞌez bubulh ꞌáhtnai?”

Acts 23:9

ꞋEt ꞌon nus ꞌulcho-i be ꞌa whe húnildzul ꞌinkꞌez Moses ooghuni ꞌukꞌu néyuzguz-i hodulhꞌehne, Pharisee didowhne, ꞌenne dodindil ꞌinkꞌez tube cho whuchꞌa ꞌuhutni, “Ndun dune ꞌaw hoontsiꞌ-un ooghú nalhtsꞌuhóoꞌal. Lizas tilah kꞌus nududeh-i tilah yulh yálhduk whutilah ꞌutni! ꞋEt huwa Yakꞌusda bulh dulhyoh ꞌuzdooniꞌ ꞌaitꞌoh.”

1 Corinthians 2:15

ꞋInkꞌez Ndoni yukꞌuneꞌ ꞌutꞌen unli-un, ꞌen tsꞌiyawh tꞌeooninzun. ꞋAw ꞌuyoonne dune yuba nahooyehne hooloh.

Hebrews 12:3

ꞋEt Jesus daja la, soo cho huwun nuní noohzut. Lubeshi ꞌulhꞌenne, ꞌenne hichꞌaz ditni, ꞌet hoontsꞌi soo whulh ínyin. Nohni cha tsꞌiyawh ꞌen za ooghu nuní nahdeh de, ꞌet huwa ꞌaw nénohtsilh junih ꞌinkꞌez ꞌaw tehtsun oohleꞌ junih.