Mark 16:6 - Yak'usda Ooghuni

⁶ ꞋEt ubúlhni, “Nulhjut iloh! Tꞌeoonúszun Jesus Nazareth whutꞌen-un, tulalhgus kꞌehíyilhti-un ookunáhta whe ꞌahtꞌen. Hooloh! Dunadija whe ꞌuntꞌoh! Njan whunulhꞌen ilhtéꞌ-un.

Mark 16:6 Iomraidhean Croise

Matthew 12:40

Tat dzin ꞌinkꞌez tat ꞌulhdzis Jonah lho cho chandandaꞌ. Whuz unꞌa za Yinka Dune Yeꞌ ꞌen tat dzin ꞌinkꞌez tat ꞌulhdzis yun yo tsꞌe ꞌutitelh.

Mark 1:24

“Jesus Nazareth whutꞌen-un ndet netsꞌú hukwaꞌ ninzun? Gak netalhtselh ha whusaínya? Mbe inli tꞌenyunúszun, nyun Yakꞌusda ba lubeshi ooghu hooloh-un ꞌintꞌoh.”

Mark 1:27

Tsꞌiyanne buba hooncha kꞌet ꞌet ꞌulhodútni, “Dantꞌóh-i ghuni ꞌuntꞌoh, whutsodaꞌ lhtsꞌodústsꞌo-un ꞌet whuneoodulhꞌeh? Ooghuni be whúnujut kꞌet ntsiꞌ-i nudúdeh-i hoontsꞌi hikꞌúneꞌ ꞌutꞌen.”

Mark 10:34

Highu tidloh, highu dútazoh, huyootálhtsus ꞌinkꞌez hituzilhghelh. ꞋEt tat dzin inleꞌ de, dunadutádalh,” ubúlhni.

Mark 14:33

ꞋEt Peter James ꞌinkꞌez John te ꞌon ꞌun bubulh whe nꞌaz. ꞋEt ꞌawet tsꞌodi be tewhéndunilne

Mark 9:15

ꞋIlhozdílne Jesus hitilhꞌen ibulh buba hooncha whe hidudílhghaz ꞌinkꞌez, “Hadih,” huyúlhni.

Luke 24:46

ꞋInkꞌez ꞌubulhni, “Ndi ꞌi ꞌukꞌu nusguz whe ꞌet ndutni, Christ, ꞌen dzoh nozut, ꞌinkꞌez whulh tat dzin dunadíjaꞌ hubaꞌ hoontꞌoh,

Acts 2:24

ꞋEn Yakꞌusda nahuyílhnaꞌ. Be datsꞌútsaih-i yuchꞌa nilde, ꞌaw ꞌilhiz daootsah huba lheꞌhóotꞌoh ꞌet huwa.

Acts 4:10

ꞋEt huwa nohni ꞌinkꞌez Israel ootsꞌu hainzutne soo cho tꞌeoonahzeh, Jesus Nazareth whutꞌen-un, ꞌen tulalhgus kꞌeílhti, ꞌen Yakꞌusda nahuyílhnaꞌ. ꞋEn booziꞌ ꞌinkꞌez whélhtus-un ꞌi be ndun nulhúsyoh-un, ꞌen soo náꞌtsꞌinla.