Mark 16:16 - Yak'usda Ooghuni

¹⁶ Mbe ooba ꞌalha ꞌuhoontꞌoh-un, ꞌinkꞌez too be ꞌúlya de, ꞌen dutijih. Mbe la ooba ꞌalhaꞌ lheꞌhootꞌoh-un, ꞌen hoontsiꞌ hukwꞌunꞌa ooba nahutideh.

Mark 16:16 Iomraidhean Croise

Matthew 28:19

ꞋEt huwa lhelhtsꞌun keyoh whutꞌenne, tsꞌiyawh butsꞌóhdulh ꞌinkꞌez si sgha hodulꞌehne ubutilhꞌelh. ꞋUBá ꞌinkꞌez ꞌuYeꞌ ꞌinkꞌez Ndoni, booziꞌ be ꞌi be too beꞌ butilhꞌen.

Mark 1:15

ꞋInkꞌez ꞌet ꞌutni, “ꞋAndit ꞌawet whusahónzut. ꞋAwet nilhdukw Yakꞌusda ookꞌúneꞌ whutitꞌen wheꞌ hoontꞌoh. Lubeshi ꞌulhꞌen-un noheni náhandunoohleh, ꞌinkꞌez khuni unzoo-i nohba ꞌalha ootꞌeꞌ ꞌinkꞌez ulhchoot!”

Luke 8:12

Mbene la ti ꞌuntꞌohne, ꞌenne Yakꞌusda ooghuni hiditsꞌo ꞌinkꞌez netsudule khuni budzi be ha naídanꞌaih. Doo ka si ꞌalha ꞌuhoontꞌoh de hudoojih.

John 20:31

ꞋEt hoontsꞌi nduwhi ꞌukꞌu nusgúz-i nohba ꞌalhaꞌ ꞌuhotꞌeꞌ ha, ꞌalhaꞌ Jesus ꞌen Christ, Yakꞌusda ooYeꞌ, ꞌen ꞌuntꞌoh. ꞋEt njan nohba ꞌalha ꞌuhoontꞌoh whe ꞌilhiz ooleꞌ be tsꞌúkhuna-i, ꞌi Jesus Christ booziꞌ gha tíhtꞌelh.

John 3:36

Mbene la Yakꞌusda ooYeꞌ ooba ꞌalhaꞌ yintꞌohne, ꞌilhiz wheni be tsꞌúkhuna-i, ꞌi huyutꞌi, ꞌinkꞌez mbene la ooba ꞌalhaꞌ lheꞌyitꞌohne, ꞌenne ꞌaw huhooꞌen ꞌaítꞌoh, Yakꞌusda yé bubulh húnilchꞌe-i ꞌahoolhyiz wheni bukꞌut uyitátꞌelh,” ni John.

John 3:5

ꞋEt Jesus uyúlhni, “Soo tsꞌihꞌun unꞌa nyudúsni, dune too ꞌinkꞌez Ndoni be cha whuzdli de, ꞌet de za ntsꞌe la dune Yakꞌusda bulerwe unline ꞌet ꞌaw dahóoya ꞌaitꞌoh.

John 5:24

Soo tsꞌihꞌun unꞌa nohdúsni, mbene la sghuni ílhchoot ꞌinkꞌez ndun whuz de sútilhꞌaꞌ-un, ꞌen ghun buba ꞌalhaꞌ ꞌuntꞌohne, ꞌenne ꞌilhiz huye khúna-i huyutꞌi. “ꞋAw buba nahoodeh ꞌaítꞌoh, ꞌudaꞌ be datsꞌutsaih-i huye nghoozdil ꞌinkꞌez ꞌilhiz huye khúna-i, ꞌi huyutꞌi.

John 6:29

ꞋEt Jesus ꞌubulhni, “Mbe la ndun Yakꞌusda nohtsꞌu whusayálhꞌaꞌ-un, ꞌen nohba ꞌalha ꞌootꞌeꞌ. Ndi ꞌi Yakꞌusda be ꞌutꞌen ꞌuntꞌoh.”

John 6:35

ꞋEt Jesus ubúlhni, “Si ꞌustꞌoh ndi lhes ndai la dune yugha khúna-i usdli. Mbe la sghu yaih-un, ꞌen ꞌaw ꞌilhiz wheni ooyeꞌóoltsꞌilh ꞌaítꞌoh, ꞌinkꞌez mbe la si ooba ꞌalhaꞌ ꞌustꞌoh-un, ꞌaw ꞌilhiz wheni taꞌódaꞌ ꞌaítꞌoh.

John 6:40

Mbene la Yakꞌusda ooYeꞌ tꞌeinínzunne ꞌinkꞌez ꞌen buba ꞌalhaꞌ ꞌuyintꞌohne, ꞌilhiz wheni huye khúna-i hitátꞌelh ꞌinkꞌez ꞌudekꞌez dzin de ꞌenne dunabudutásdlelh. Ndun whuz de sútilhꞌaꞌ-un njan ꞌet hukwaꞌ ninzun ꞌet huwa,” ubúlhni.

John 8:24

ꞋEt huwa ꞌunohdusni nohlubeshi bulh yatáhdlah. ꞋAw nohba ꞌalhaꞌ lheꞌútꞌoh si mbe ꞌustꞌoh ꞌet huwun, ꞌet huwa la nohlubeshi bulh la yatáhdlah,” ubúlhni.

Acts 10:43

Yakꞌusda be nus hóoꞌenne tsꞌiyawh highu yailhduk mbene la buba ꞌalhaꞌ yintꞌohne Jesus Christ ꞌen gha bulubeshi buba ꞌún yutilhdulh.”

Acts 13:46

ꞋEt hoontsꞌi Paul Barnabas bulh ꞌon nus hoolhtus whe yahulhduk, “Ndi Yakꞌusda ooghuni ꞌi nohni cho be nohbulh yaóoduk hubaꞌ hoontꞌoh. ꞋEt hoontsꞌi ookalheꞌnáhzun de, ꞌinkꞌez ꞌilhiz khutihnalh-un huba soo lheꞌulhdzooꞌ naꞌdunáhzun de, ꞌantsꞌi nohbaꞌ dítni, ꞌet huwa ꞌudun yun kꞌut whutꞌenne, ꞌenne butsꞌun tatꞌus!

Acts 2:38

ꞋEt Peter ꞌubulhni, “ꞋIlhone ꞌahli whe lhtꞌananahdilh ꞌinkꞌez Jesus Christ booziꞌ gha too be ꞌúlhneh. ꞋEt nohlubeshi nohunaoodeh ꞌinkꞌez la Ndoni nohyudóoltsꞌit.

Acts 2:41

Lhane huhóontꞌiꞌ whe highuni huyílhchoot ꞌinkꞌez too beꞌ hulya. 3,000ne atꞌenne, ꞌenne butsꞌúnne hudindil.

Acts 22:16

ꞋInkꞌez di ha ꞌon ꞌun huba silhꞌi? Dudinyaih ꞌinkꞌez too beꞌ ilneh ꞌinkꞌez ꞌen yé ulhtus-i gha nlubeshi nyunaoodeh neMoodihti booziꞌ gha!’”

Romans 3:6

Yakꞌusda wheni Lizwifne tsꞌihꞌun unꞌa neba nalhúhusye de, ntsꞌenꞌa suba ndi yun kꞌut dune tsꞌihꞌun unꞌa buba nahooyeh? ꞋAw ꞌuhótꞌeꞌ ꞌaítꞌoh wheꞌ hoontꞌoh!

Romans 4:24

wheni cha neba ꞌuntꞌoh. Yakꞌusda Jesus Christ neMoodihti dazsai whe dunaidilhti ꞌet neba ꞌalha ꞌuhoontꞌoh de, ꞌet de Yakꞌusda nedutánelh, “Tsꞌihꞌun dune tsꞌinli.”

2 Thessalonians 1:8

ꞋEt ꞌoh de ndunne Yakꞌusda tꞌenuszunne ꞌinkꞌez neMoodihti Jesus Christ ooghuni unzoo-i kꞌúnulheꞌustꞌenne, ꞌenne kwun tluk be buba ꞌukꞌelha whutaleh. ꞋEt whuz unꞌa ꞌenne butsꞌun kꞌutitnelh.

2 Thessalonians 2:12

ꞋEt ndunne khuni ꞌalhaꞌ ꞌuntꞌoh-i, ooba ꞌalhaꞌ lheꞌyitꞌohne, ꞌet nduntꞌohne, ꞌenne ndet tsꞌihꞌun lheꞌhóotꞌoh-un, ꞌoh ho za ꞌet huhoontꞌiꞌ whe ꞌoh te neꞌhutꞌen, ꞌenne tsꞌiyawh Yakꞌusda buba nahutiyeh.

1 Peter 1:21

ꞋEn gha Yakꞌusda ootꞌa ninahtan. ꞋEn ꞌuja yaidlane butoh dunaidilhti ꞌinkꞌez ye diztiꞌ-i, ꞌi cha yugha nínꞌai. ꞋEt Yakꞌusda ootꞌa ninahtan, ꞌinkꞌez ndet la hukwa tse hoohli-un, ꞌet Yakꞌusda ꞌen gha tsꞌiyawh whusaóotiltsꞌulh.

1 Peter 3:21

ꞋEt ndiz whuz unꞌa huwaꞌ tꞌetsꞌonanzin. ꞋEt njan too beꞌ tsꞌulya-un whézdujih dultꞌoh. ꞋAw neyustꞌe tsun bunaꞌtsꞌulhde, whuz unꞌa iloh. ꞋEt kꞌus Yakꞌusda tsꞌoodulhkut hoonzoo-un neyo tsꞌe oogha tꞌetsꞌoninzun-i whudoꞌaꞌ, ꞌet whuz unꞌa uzdujih. Jesus Christ dunadija-un, ꞌet huwa.

Revelation 20:15

ꞋInkꞌez mbene la tsꞌukhuna-i ꞌudustlꞌus kꞌut bubooziꞌ ꞌukꞌu lhíguzne, ꞌenne tsꞌiyawh ndi kwun bunghun dulcho-i ꞌet tsú buhudalhdil.

Revelation 21:8

ꞋEt hoontsꞌi mbene la whénuljutne, ooba ꞌalhaꞌ lheꞌhóotꞌohne, hubaꞌ whuninzun tuneꞌ ꞌutꞌenne, neghanne cha, hoontsiꞌ túneꞌ ꞌutꞌenne, duyunne, ꞌukꞌeltsi tsꞌun tenadudline, ꞌinkꞌez whutsꞌitne cha, ꞌenne tsꞌiyawh nyo bunghun dúwhulcho-un kwun sulphur be dizkꞌun-un, ꞌet ꞌuwhutitꞌelh. ꞋEt whúlh nat yatsꞌitádlah-un ꞌuhoontꞌoh.”