Mark 16:1 - Yak'usda Ooghuni

¹ Lizwif nahulyis dzin hukwꞌelhꞌaz hulhgha tsꞌe Mary Magdalene, ꞌinkꞌez Salome cha, ꞌinkꞌez Mary James ooloo te, yoo sooltsun-i honket, Jesus ooyustꞌe hiye hítilho huba.

Mark 16:1 Iomraidhean Croise

Genesis 50:2

ꞋInkꞌez Joseph yuba ꞌutꞌenne, yoo be duyunne, ꞌenne dubá oozi lhahidooleh hubulhni. ꞋEt yoo be duyunne, ꞌenne Israel oozi yesaꞌ sooꞌ titꞌelh-i, ꞌi be highaizna.

Mark 14:3

ꞋIlhoghun keyoh wheyaz Bethany, ꞌet Simon ooka whulhjut ínleꞌ-un, leprosy huyúlhni, ooyoh Jesus yuzih usda. Naꞌutꞌalh whe tsꞌeke kꞌunútsútjul díztiꞌ-i tse bé ha hoogaz-i be súlhdzo ꞌinkꞌez oodéꞌ duldze yiꞌalh whe danínya. Yayányuz ꞌinkꞌez kꞌunutsꞌútjul ꞌi Jesus yutsi kꞌeyilhdzo.

Mark 14:8

Kꞌunutsꞌútjul-i syustꞌe yukꞌé yilhdzo ꞌadutistelh wheni lhasúdinla. Ndun tsꞌeke ꞌaw ꞌon ꞌun ooneh ꞌaitꞌoh-un, ꞌet ꞌuhóonla whe ꞌuntꞌoh.

Mark 15:40

Tsꞌekoo cha ꞌet núdilhya yoo ꞌaz de whutsꞌun huwhunilhꞌen. Butoh Mary Magdalene, ꞌinkꞌez Mary Jamesyaz, ꞌinkꞌez Joses bulh buloo, ꞌinkꞌez Salome cha.

Mark 15:42

ꞋEt ꞌawet hulhgha suliꞌ whe Joseph Arimathea whutꞌen-un whusaínya. ꞋEn nahíyilhne toh booziꞌ unzoo-un ꞌuntꞌoh. ꞋOh de Yakꞌusda ookꞌúneꞌ whutꞌen-un, ꞌet hukwa itísꞌen. ꞋEt dzin natsꞌulyis dzin huba lhahúdutneh-un ꞌóohoontꞌoh. Joseph oodzi hooni whe Pilate yubut nenínya, ꞌinkꞌez Jesus oozi yutsꞌu yúkaꞌ daniꞌ.

Mark 15:47

Mary Magdalene ꞌinkꞌez Mary Joses ooloo bulh bunalh, Jesus ꞌet nehínilhti.

Mark 16:2

ꞋOm bun bundadaꞌ ꞌudaꞌ lisman ꞌudechoo dzin, sa haínꞌai whe tsꞌun kꞌuz hutizdil.

Mark 16:8

ꞋEt ꞌawet tseꞌan tenáhalghaz ꞌinkꞌez nahutílhghaz tube bughá neꞌusjaz ꞌinkꞌez ꞌaw dune lhodínel hunuljut ꞌet huwa.

Luke 23:54

ꞋEt dzin wheni lhahúdutneh-un ꞌuhoontꞌoh. Lizwifne natsꞌulyis dzin yutilhkai.

Luke 23:56

ꞋEt whenáhidil. Yoo sooltsun-i, khe sooltsun-i cha lhahídinla. ꞋEt natsꞌulyis dzin, Yakꞌusda dughuni be bubaꞌ hóonla, ꞌet nahilyiz.

Luke 24:1

ꞋEt ꞌawet ndi lisman ꞌudechoo dzin ꞌuhoontꞌoh. Bundada ꞌudaꞌ, tsꞌekoo ꞌinkꞌez ꞌuyoonne cha bulh tsꞌun kꞌuz tsꞌe hutizdil. Yoo sooltsun-i lhahídinla-i cha hitizdla.

John 19:25

ꞋEt Jesus ootulalhgus soo be nghoh ꞌet ooloo usyin. Ooloo bulhtus cha, ꞌinkꞌez Mary Clopas ooꞌat cha, ꞌinkꞌez Mary Magdala whutꞌen cha.

John 19:31

ꞋEt dzin ꞌet la nahulyís-un dzin huba lhahúdutneh, ꞌinkꞌez nyo natsꞌulyís-un dzin whudíztiꞌ whe ꞌuhoontꞌoh. Lizwifne ꞌet dzin nezi ꞌaw tulalhgus kꞌut oolaꞌ hukwa lheꞌhunízun, ꞌinka Pilate huyoodulhkut bukechun kꞌunuhúyooyuz ꞌinkꞌez buzi nanáhuyoolelh ꞌet hukwa.