Mark 15:21 - Yak'usda Ooghuni

²¹ ꞋEt hidulh whe ꞌilhoghun dune, Simon huyúlhni-un, ꞌoh whuya uyalh. ꞋEn hidudizdil ꞌinkꞌez Jesus ootulalhgus yuba idutitelh ha huwa húyalhꞌa. Simon Cyrene whutꞌen-un, ꞌen Alexander ꞌinkꞌez Rufus bubá ꞌuntꞌoh.

Mark 15:21 Iomraidhean Croise

Matthew 27:32

ꞋAwet Jesus tehínilhti whe ꞌilhoghun dune Cyrene whutꞌen-un ꞌuntꞌoh, Simon huyulhni, hidudizdil whe ndi Jesus ootulalhgus ooba idantelh huyúlhni.

Matthew 5:41

Dune dawhuldzoh sulh tányalh nyulhni de, nat ꞌuwhuldzoh tsꞌe bulh ha óonyaꞌ.

Mark 15:20

Jesus highu núwhulhya ꞌetsul ꞌuhayínla hukwꞌelhꞌaz luglok dulkꞌún-i highu nahuyílhchoot, ꞌinkꞌez dichꞌoh hinaih be náhayalhti. ꞋInkꞌez tulalhgus kꞌehuyitalhtelh tsꞌe hítilhti.

Luke 14:27

ꞋInkꞌez mbe la dutulalhgus lhudistel-un suntiyal-un, ꞌaw sgha hodilꞌeꞌ-un ooleꞌ ꞌaitꞌoh.

Luke 23:26

ꞋAwet Jesus hitilhti whe ꞌilhoghun dune Simon huyulhni, Cyren whutꞌen-un, whenghoh keyoh tsꞌe hainya, Jesus ootulalhgus yuba idutootan ha hiwus kꞌehídintan.

John 19:17

ꞋInkꞌez dutulalhgus yuditelh whe ꞋUtsin Tsꞌun huwhútni, whuz oozya. ꞋEt Hebrew kꞌunꞌa Golgotha huwhútni.

Acts 11:20

ꞋEt hoontsꞌi whulohne ooba ꞌalha ꞌuhoontꞌohne dune Cyprus ꞌinkꞌez Cyrene tsꞌe haíndilne, ꞌenne Antioch tsꞌe whe hándil ꞌinkꞌez ꞌet ꞌudun yun kꞌut whutꞌenne bunalh húdaniꞌ khuni unzoo-i Jesus neMoodihti ꞌen ghun ubulh yáhulhduk.

Acts 13:1

ꞋEt keyoh Antioch Jesus gha ꞌilhozdílne whulohne Yakꞌusda be nus hóoꞌenne ꞌinkꞌez Yakꞌusda ooghuni hodulhꞌehne cha hudilhtsꞌi. Ndunne whulohne ꞌuhintꞌoh: Barnabas, ꞌinkꞌez Simeon, ꞌen la dune dulhgus huyúlhni, Lucius cha, Cyrene whutꞌen-un ꞌuntꞌoh, Manaen, ꞌen la yun whumoodih, Herod yulh dúnduninizyai-un, ꞌinkꞌez Saul cha ꞌuntꞌoh.

Acts 2:10

Phrygia whutsꞌun, ꞌinkꞌez Pamphylia whutꞌenne cha tsinli. ꞋEt Egypt whutsꞌun, ꞌinkꞌez Lybia whunat Cyrene whuzih whutꞌenne cha, whulohne cha Rome tsꞌe ha tsꞌándil.

Acts 6:9

ꞋEt hoontsꞌi whulohne dune hichꞌaz nédindil Lizwifne Cyrenia ꞌinkꞌez Alexandria tsꞌu haíndilne, ꞌenne ꞌuhintꞌoh. ꞋEnne, ꞌet ꞌulhna unlíne oola naditníne ꞌilhoghun lugliz ꞌet whehúhoozi ꞌet ꞌilhuhozdil. ꞋUyoonne Cilicia ꞌinkꞌez Asia tsꞌu haíndilne, ꞌenne cha Stephen hidulhyoh ꞌutni.

Romans 16:13

Rufus ꞌen ꞌukꞌenus soo Jesus Christ ba ꞌutꞌén-un, ooloo cha ꞌantsꞌi sloo leꞌ ꞌúntꞌoh, ꞌenne cha sba bózoo budóhniꞌ.