Mark 15:16 - Yak'usda Ooghuni

¹⁶ ꞋEt lhugánne moodih ooyoh whunanistlꞌoo-i bez tsꞌe Jesus dáhinilhti ꞌinkꞌez ꞌonghunne lhugánne tsꞌiyawh bukaꞌ hudániꞌ.

Mark 15:16 Iomraidhean Croise

Matthew 26:3

ꞋEt ꞌoh whuya hoozulh whe za, lubret ꞌudedone, Moses be ꞌudustlꞌus ꞌukꞌu nunáguzne, ꞌinkꞌez dune ꞌutso whudilhdzulhne cha, tsꞌiyawh lubret ꞌukꞌenus díztiꞌ-un, Caiaphas huyulhni, ooyoh sooꞌ whulcho ꞌinka ꞌet ꞌilhunahosdil.

Mark 15:17

Luglok dulkꞌún-i, Jesus hitꞌahúyalhbal. Whus nꞌawh nahínilhjaz, ꞌi hitsi nehídanꞌai.

John 18:28

ꞋEt Jesus Caiaphas ooyoh tenáhinilhti, yun kꞌut humoodih, Pilate huyulhni ꞌen ooyoh tsꞌe whe húyalhti. Bundada tube ꞌudaꞌ ꞌuhoontꞌoh ꞌinkꞌez Lizwifne ꞌaw hiyoh dálhidulh. ꞋEt yoh dahúnindil de, ꞌenne buba me hoonli. ꞋEt ndahúja de, ꞌaw njan Butus Lhuseya naꞌhutꞌulh-un, ꞌaw ꞌuhooꞌalh ꞌaítꞌoh ꞌet huwa.

John 18:33

ꞋEt Pilate yoh tsꞌe whenája. Jesus yukahizya ꞌinkꞌez uyúlhni, “Nyun eh Lizwifne bulerwe inli?”

John 19:2

ꞌinkꞌez lhuganne whus cho ꞌawh nahinilhjaz-i, ꞌi hitsi nehídanꞌai, ꞌinkꞌez luglok dulkꞌun-i, ꞌi hitꞌuhúyulhbal,

John 19:9

ꞋInkꞌez doo cha za duyoh tsꞌe danánja ꞌinkꞌez Jesus yoodulhkut, “Ntsꞌez de haínya whe ꞌintꞌoh?” yúlhni. ꞋEt Jesus ꞌaw yulh yálhtilhdih.

Acts 10:1

Caesarea ꞌet ꞌilhoghun dune Cornelius huyúlhni-un ꞌet usda. Roman lhuganne, ꞌenne, “Italy bohne” hubuhútni ꞌenne ndun bumoodih unli.