Mark 14:6 - Yak'usda Ooghuni

⁶ ꞋEt Jesus ubúlhni, “Ootsꞌá ha lhozahꞌai! Di ha teduhle? ꞋUtꞌen unzóo-i sba ꞌinla whe ꞌuntꞌoh.

Mark 14:6 Iomraidhean Croise

Matthew 26:10

ꞋEt Jesus tꞌeoonanzin whe ꞌet ndúbulhni, “Ndun tsꞌeke ootsꞌá ha lhozahꞌai. ꞋUtꞌen unzoo-i sba ꞌinla whe ꞌuntꞌoh.

Mark 14:5

Diztiꞌ whe daꞌ be ꞌóket ꞌinkꞌez sooniya telꞌenne gha húyodzaih,” ꞌinkꞌez tsꞌeke tube cho hichꞌaz yálhduk.

Mark 14:7

ꞋAhoolhyiz telꞌenne nohnat whutáleh. Hukwáꞌ nahzun totsuk bula tihtelh. ꞋEt si ꞌahoolhyiz nohbulh lhéꞌtuzistꞌel.

Acts 9:36

ꞋEt keyoh Joppa huwhútni-un ꞌilhoghun tsꞌeke ꞌet whutꞌen-un Tabitha huyulhni. ꞋEn ooba ꞌalha ꞌuhoontꞌoh-un. Booziꞌ Greek kꞌunꞌa “Dorcas” huyúlhni ꞌet “Yestsꞌe” ni whe ꞌutni. ꞋEn ꞌahoolhyiz hoonzoo túneꞌ ꞌutꞌen, ꞌinkꞌez telꞌenne cha laꞌ ꞌutꞌen.

2 Corinthians 10:18

Mbe dichꞌoh duba naꞌhoodudzi, ꞌet nduntꞌohne, ꞌenne ꞌaw soo huyulh nelhuhooꞌal inleꞌne. Mbe neMoodihti yoozi-un, ꞌen za ꞌódzilh hubaꞌ hoontꞌoh ꞌet huwa.

2 Corinthians 9:8

Yakꞌusda soo ꞌúltus whe ye unzoo-i, ꞌi ꞌon nus ꞌultsuk-i negha nántikulh. ꞋEt whe be ndunahdzit-i, ꞌi ꞌon ꞌun lhai tihtꞌelh. ꞋEt ꞌutꞌen unzoo-i ꞌulhꞌen-i, tsꞌiyaitsuk nohanus ꞌuniltsuk-i, ꞌi nohtlꞌa nátikulh.

Ephesians 2:10

Wheni Yakꞌusda ꞌuyinlane ꞌutsꞌintꞌoh ꞌet huwa. Christ Jesus ꞌen ooyúzdultsꞌi whe ꞌen be ꞌandidi natsꞌusdliꞌ, ꞌutꞌen unzoo-i ꞌuztilhꞌelh ha. ꞋEt whe whutso Yakꞌusda neba lhaóodinla. ꞋEt ookꞌoh nutsꞌóodilh ha.

Colossians 1:10

ꞋEt neMoodihti ꞌen ba tsꞌihꞌun unꞌa ndi yun kꞌut dúlhtsꞌi. Ndai ꞌulhꞌen-i tsꞌiyawh yé hotꞌeꞌ. ꞋUtꞌen unzoo-i ꞌi ootsꞌu ha yóokat, ꞌinkꞌez Yakꞌusda ꞌon nus tꞌentihzeh.

2 Thessalonians 2:17

Nohdzi óozooꞌ, ꞌinkꞌez khuni unzoo-i, ꞌinkꞌez ꞌutꞌen unzoo-i toh nenóholelh.

1 Timothy 5:10

Unzoo-i ꞌutꞌen ꞌulhꞌen ooghu tꞌeoohunoodzun. Tsꞌoodunne nilhyai de, dune tꞌebunuszunne, ꞌenne hoontsꞌi yoh dabulih, Yakꞌusda oochꞌeꞌne buke tunagus, dzoh nuzutne la ꞌutꞌen de, ꞌet ndi ꞌutꞌen unzoo-i soo cho tsꞌiyawh ꞌuyalhꞌen de.

1 Timothy 6:18

Tsꞌihꞌun unꞌa ꞌuhootꞌen budoniꞌ. Bula hoonli whe ꞌutꞌen unzoo-i ꞌuhoolhꞌen. ꞋAhoolhyiz ꞌuyoonne hiye ndunidzit-i, ꞌi be bulaꞌ hutitꞌelh-un huba lhahúdootꞌeꞌ. Soo hoontꞌiꞌ whe lhtaꞌtsꞌoolyelh.

2 Timothy 2:21

ꞋEt huwa mbe dichꞌoh lubeshi ꞌuchꞌaz nálhꞌa de, ꞌet de duMoodihti ba ꞌuduneꞌududulti ꞌinkꞌez ooMoodihti yeꞌ titꞌelh, ꞌutꞌen unzoo-i tsꞌiyawh yeni lhadíntꞌoh whe ꞌuntꞌoh.

2 Timothy 3:17

ꞋI be Yakꞌusda oodune lhadúlya-un tileh, ꞌutꞌen unzoo-i tsꞌiyawh wheni lhadintꞌoh.

Titus 2:14

Jesus Christ neba huwaꞌ dudulti nelubeshi chꞌa nenaootakulh ha. ꞋInkꞌez wheni dichꞌoh ooduneꞌne dune ꞌutꞌen unzoo-i za ꞌutsꞌoolhꞌen.

Titus 2:7

ꞋInkꞌez Titus nyun cha tsꞌiyantsuk whe ngha ꞌutꞌen unzoo-i ꞌuhoolhꞌen, whuz unꞌa ꞌontꞌeꞌ. ꞋEt ndi be whutsꞌodulꞌeh-i, ꞌi tsꞌiyawh ꞌaw lhdoosun, dólhtiꞌ, ꞌinkꞌez ꞌaw hoonliyaz whe ꞌatsꞌun unꞌa ootꞌeꞌ junih.

Titus 3:14

ꞋInkꞌez netsꞌu ditnine, tꞌehonoozeh ꞌutꞌen unzoo-i za ꞌuhoolhꞌen. ꞋUyoonne hiye ndunidzit-i huye búlaꞌ hootꞌen. ꞋEt sih ndi yun kꞌut ꞌantsꞌi ꞌet lhodólhtsꞌi.

Titus 3:8

Ndi khuni ꞌalhaꞌ ꞌuntꞌoh-i ꞌuntꞌoh. ꞋInkꞌez ꞌahoolhyiz ꞌet za ndudóniꞌ ntsꞌu hukwaꞌ nuszun. Mbene Yakꞌusda ooba ꞌalhaꞌ yintꞌohne, huwu hinli whe ꞌutꞌen unzoo-i za ꞌahoolhyiz higha oonaꞌ. Ndi khuni tsꞌiyanne ba unzoo ꞌinkꞌez dune whe sooꞌ hutitꞌelh.

Hebrews 10:24

ꞋInkꞌez tsꞌiyawh lhghu nuní uznoozut ꞌet de nus lhtsꞌun nooltꞌi, ꞌet de la tsꞌiyanne bukꞌetsꞌoosiꞌ ꞌinkꞌez ꞌutꞌen unzoo-i be bula tsꞌootꞌen.

Hebrews 13:21

Yakꞌusda ookꞌuneꞌ ootꞌen nohoolhtselh whe nohba tenadutisdli. ꞋEt whe Yakꞌusda ntsꞌenꞌa nohtsꞌu hukwaꞌ ninzun-un, ꞌet tsꞌiyawh ooba ꞌoohooleh. ꞋInkꞌez ndai Yakꞌusda Jesus Christ be ꞌet nohba ꞌuwhulhꞌen-un, ꞌet ꞌuhóonla de, ꞌet whunílhcho whe hootátꞌeꞌ. ꞋEn za ꞌilhiz wheni ooba tsꞌodólhtiꞌ. ꞋEt ndo honeh.

1 Peter 2:12

ꞋUdun yun kꞌut whutꞌenne toh tsꞌihꞌun unꞌa yinka dólhtsꞌiꞌ. ꞋEt sih nohchꞌaz ditnine, ꞌenne hoontsiꞌ tuneꞌ ꞌahtꞌen nohohútni, ꞌinkꞌez ꞌutꞌen unzoo-i ꞌahla ꞌet honilhꞌen de, ꞌet de nkede Yakꞌusda whusanaja de, ꞌet huwa ꞌon nus hoonzoo kꞌunꞌa hidutálhtiꞌ.