Mark 14:1 - Yak'usda Ooghuni

¹ Nat dzin whuzꞌai Lizwifne butus lhuseya-un whewhúnahulni ꞌinkꞌez lhes lhuntíldoh-i ꞌutꞌalh-un, whe whúnahulnih cha, ꞌet lubret moodihne ꞌinkꞌez Moses be ꞌudustlꞌus ꞌukꞌu nunáguzne, Jesus yoo yoh whútsul hikunúta hituzilhghelh ha.

Mark 14:1 Iomraidhean Croise

Genesis 37:18

ꞋEt ꞌaz de uyalh hitilhꞌen whe lhahodinla hituzilhghelh-un.

Matthew 12:14

ꞋEt Phariseene ꞌaz whehandil ꞌinkꞌez huwu yahalhduk ntsꞌenꞌa hituzilhghelh hukwa.

Matthew 6:2

ꞋEt huwa telꞌenne ghaꞌ tihꞌalh de, khun tsꞌiyanne nalh ꞌududolhtiꞌ junih. Duba naꞌudzooꞌne, ꞌenne whuz unꞌa ꞌet nduhútꞌen. Lizwif bulugliz kꞌus ti whulheguz-un ꞌet tsꞌiyanne ubunoolhꞌen ha, ꞌet nduhutꞌen. ꞋAlhaꞌ dusni, ooba kꞌelha whutalehne, ꞌudaꞌ buba nkꞌelha whuzdliꞌ whe ꞌuhintꞌoh.

Mark 14:12

ꞋEt ꞌudechoo dzin lhes lhuntíldoh-i nahutꞌúlh-un, ꞌet dzin ꞌusbaiyaz naꞌhititꞌulh-i naihizulghih, Lizwifne butus lhuséya-un huba ꞌuntꞌoh. ꞋEt Jesus yugha hodulꞌehne ꞌuhuyúlhni, “Ntsꞌe netalhꞌalh natantꞌulh-i, ꞌi mba lházdutileh?”

Mark 14:2

ꞋEt ꞌuhutni, “Butus lhuséya-un, ꞌet whutoh iloh ꞌutsꞌooleh doo ka la dunene lhtahohótꞌalh.”

John 11:47

ꞋEt hukwa lubret bumoodihne ꞌinkꞌez Phariseene yahútilhduk wheni ꞌilhúnahosdil ꞌinkꞌez ꞌuhutni, “Ntsꞌenꞌa dáztinelh? Ndun dune stabe lhat-un hooncha teneꞌútꞌen!

John 13:1

Dzenis whuti ndet daꞌ Butus Lhuséya huwhútni-un, ꞌet whutsodaꞌ Jesus ꞌawet ootsꞌo whúdiltsꞌulh-un ba ꞌet newhúninzut tꞌéwhunínzun ndi yun kꞌut howu tiyalh ꞌinkꞌez duBá tsꞌun natidalh. Ndi yun kꞌut mbene la oochꞌeꞌne tsꞌiyawh bukꞌensiꞌ. Soo ooba ꞌudekꞌez tileh whutsꞌun bukꞌensiꞌ.

Acts 12:4

ꞋEt Peter huyílhchoot hukwꞌélhꞌaz, ꞌuhayanꞌai whe huwunline dine whe lhuganne lhkꞌenáhudidulh, ꞌenne higholeꞌ ha butlꞌa háyalhti. Njan Butus Lhusuya-un hukwꞌelhꞌaz tsꞌiyanne nalh huyootálhzih ꞌet wheni.