Mark 13:9 - Yak'usda Ooghuni

⁹ Nohnihchꞌoh huwohleꞌ. Keyoh huwunline but nenóhotalelh ꞌinkꞌez lugliz nohoohootalhtꞌoh. ꞋEt si sgha moodihne ꞌinkꞌez lerwene cha bubut nenóhotalelh. ꞋEt Si sghu tꞌewhunoozeh.

Mark 13:9 Iomraidhean Croise

Matthew 5:22

ꞋEt hoontsꞌi sichꞌoh ꞌunohdusni, mbe la ꞌantsꞌet dulh dune bulh hunilchꞌe de, ꞌenne buba nahutideh wheꞌ hoontꞌoh. ꞋEt mbe la dudulh dunene ‘Raca!’ ꞌulhníne de, ꞌet ndi khuni dakelh kꞌunꞌa ‘Ntsiꞌ’, ni whe ꞌutni, ꞌi gha nahiyilh-un but hutiyin. ꞋInkꞌez cha za mbe la dune, ‘Whuzini dune inli!’ yulhni de, mbe la ndutnine, ꞌenne tube whe whúnujut-un kwuncho yo tsꞌe buhutinoh.

Mark 1:44

Dune natisja whe ꞌet Jesus ꞌuyulhni, “Soo zilhtsꞌai, ꞌuyoonne dóniꞌ junih! Inyalh tsꞌe lubret ꞌen ootsꞌínyalh ꞌinkꞌez nyunoolhꞌen. ꞋEt ꞌantsꞌíya soo naꞌínja hukwꞌélha ndet la Moses ooghuni kꞌunꞌa lubret ntsꞌu húkwaꞌ ꞌutni-un, ꞌi oogha íonꞌalh. ꞋEt tsꞌiyanne whúntalhtun soo naꞌínja.”

Mark 13:5

Jesus ubúlhni, “Huwuhli dune nanohnooꞌah junih.

Mark 13:8

Lhelhtsꞌun keyoh whutꞌenne, lhchꞌaz nehúdutadulh, ꞌinkꞌez lhelhtsꞌun lerwe be ꞌustlénne cha lhchꞌaz nehúdutadulh. Lhelhdun yun cha nuhútitnah, dai cha whutáleh ꞌinkꞌez dune dzoh nulhotildeh. ꞋEt nduwhútꞌen suliꞌ te, tꞌewhuntáhzin ꞌon nus hooncha tuneꞌ whutitꞌen. ꞋEt dzoh nutideh-un ꞌawet wheꞌ whutꞌen.

Mark 6:11

ꞋInkꞌez keyoh nenáhꞌaz-un dune nohtsꞌu hódilhꞌoh de kꞌus lhunohodústsꞌo de huwu nátóohtꞌas ꞌinkꞌez whulez chꞌa nohke naóohghat. ꞋEt dahúja-un tꞌehonoozeh. Tsꞌihꞌun nohdúsni Sodom ꞌinkꞌez Gomorrah whutꞌenne buba nus hootatsiꞌ. ꞋUdékꞌez dzin de huyé dzoh nutízut-i ba nús ꞌet lhunohdústsꞌone dzoh nahutideh.”

Luke 9:5

ꞋEt mbe la danáhꞌas lhuhonohdúsnine, ꞌet keyoh howu natihtꞌus whutsꞌo, ꞌet whulez chꞌa nohke naóohghat. ꞋI gha la tꞌehonózin bukꞌehóotaltsꞌulh-un.”

John 15:20

ꞋEt huwa daja nohdásniꞌ la whunalhnih, ꞌaw ꞌustle-un, ꞌen dumoodih ando lheꞌítꞌoh, si dzoh nusúhulhdzut te, nohni cha dzoh nunóhotilhdzut. ꞋEt sghuni hikꞌúneꞌ ꞌustꞌen de, nohni nohghuni cha la hikꞌúneꞌ ootꞌen.

John 16:2

Lugliz whuchꞌa nóhjoot la. ꞋEt ꞌawet ꞌoh de whuz de whudizulh, ꞌet de la mbe la nohzilhghi-un Yakꞌusda ba ꞌuhutꞌen untizilh.

Acts 21:11

Neghu ninya whe Paul se yetsꞌú dilhꞌoo, ꞌi yutsꞌu ha yánla ꞌinkꞌez ꞌi be duke ꞌinkꞌez dula cha lhuyulhtlꞌoo ꞌinkꞌez ꞌutni, “ꞋEt Ndoni ndutni, ‘Jerusalem tsꞌe ndunne Lizwifne ndi se oochꞌeꞌ yinli-un whuz unꞌa huye hítilhghel, ꞌinkꞌez ꞌudun yun kꞌut whutꞌenne butlꞌa hítilhtelh.’”

Acts 7:54

ꞋEt dune nahíyilhne Stephen hidántsꞌo whe buba dzoh ꞌudija ꞌinkꞌez hituzilhghelh hukwaꞌ huninzun.

Acts 9:16

ꞋEt ꞌinkꞌez sichꞌoh whúntistun datꞌen whe si sgha dzoh nutizut-un huwun.”

Philippians 1:29

ꞋEt Christ ꞌen ba nohtlꞌa hóoltsꞌut, ꞌaw nohba ꞌalhaꞌ ꞌuntꞌoh za iloh, ooba dzoh nahdeh-un cha.

2 Thessalonians 1:5

ꞋInka tsꞌiyanne tꞌehininzun Yakꞌusda tsꞌihꞌun nahiyilh-un ꞌuntꞌoh. ꞋEt huwa ndet Yakꞌusda lerwe unli, ꞌet soo ꞌúlhdzooꞌ ooleꞌ ookꞌélhꞌotihꞌalh. ꞋEt huba ꞌandit dzoh nahdeh.

2 John 1:8

Nohnichꞌoh khahdli! Ndai ꞌutꞌen beni ꞌutsꞌitꞌen-i ninta tsꞌoolelh whuchꞌa. ꞋEt de la soo cho neba ꞌukꞌelha hóleꞌ.

Revelation 1:9

Si John nohulhutsin ꞌustꞌoh. Dzoh nahdeh te si cha nohbulh dzoh nuszut. Yakꞌusda lerwe unli-un ꞌinkꞌez Jesus Christ ooba howa whúlnaꞌ ꞌet hoontsꞌi neba whulh ínyin-un, si cha whuz unꞌa za nohbulh susyin. Yakꞌusda ooghuni be yásduk ꞌinkꞌez Jesus Christ tꞌehinoozeh huwa cha, ꞌet huwa ndi noo Patmos huyulhni-i, ꞌi kꞌut ꞌustꞌoh inleꞌ whe,

Revelation 2:10

Ndet la whe dzoh nutihzut-un, ꞌawet nilhdukw nohghu whutáltsꞌulh. Whénoolhjut junih! Soo zúlhtsꞌai! ꞋAwet nilhdukw whulohne netsudule ꞌanohtilelh. ꞋEt whe ootálhdzih. ꞋEt whunizyat dzin ꞌet dzoh nutihdeh. ꞋEt yaitahdlah whutsꞌun ꞌet nohba ꞌalha ꞌuhoontꞌoh zaꞌ hótꞌeꞌ. ꞋEt hukwꞌelha ꞌilhiz khutihnalh-un nohghá whuntasꞌalh. ꞋOn ꞌun whuchꞌa oonúlhde, ꞌet cha nohgha whútasꞌalh.

Revelation 2:13

Nohꞌeꞌutꞌen kꞌoh ꞌinkꞌez ntsꞌe whahtꞌi-un tꞌeoonuszun. Ndet Satan ookwꞌutsꞌuzda cho diztiꞌ-i ꞌusꞌai-un, ꞌet whahtꞌi. Sooziꞌ, ꞌi dutsoo cho oohtun. Ntsꞌe Satan whutꞌi-un ꞌinkꞌez ꞌoh daꞌ ndun Antipas huyúlhni-un, ꞌen sooziꞌ gha nohtoh hizilhghi. ꞋEt hoontsꞌi nohba ꞌalhaꞌ ꞌustꞌoh-un ꞌaw whutsꞌulhoodáhdlai.