Mark 13:5 - Yak'usda Ooghuni

⁵ Jesus ubúlhni, “Huwuhli dune nanohnooꞌah junih.

Mark 13:5 Iomraidhean Croise

Mark 13:4

“Nedíni nkede ꞌuwhutánelh? ꞋInkꞌez nedíni ndet huwa tꞌetsꞌontázin daóotanelh whe ꞌet neóotaltsꞌulh?”

Mark 13:6

Lhane dune whusahúdulh ꞌinkꞌez sooziꞌ gha ꞌuhudutinelh, ‘Christ ꞌustꞌoh!’ ꞋEt nduhutni whe dune lhane nahuntiꞌah.

Luke 21:8

ꞋInkꞌez ꞌubulhni, “Soo cho howahli. Khun te dune nanohonooꞌah junih. Lhane sooziꞌ gha whusahútidulh ꞌinkꞌez ꞌuhudutinelh, ‘Si ꞌen ꞌustꞌoh,’ ꞌinkꞌez ꞌawet whusawhútikulh, hutni de, khun te ubuntoohyaꞌ junih.

1 Corinthians 15:33

Nanoohtꞌah junih! Ntsiꞌne bubulh ꞌahtꞌen de, ꞌet de nohꞌeꞌutꞌen kꞌoh hoonzoo-un tsꞌiyawh nintaꞌtitꞌelh.

Ephesians 5:6

Khun dune khuni laitꞌóh-i be nohnooꞌah junih. Nduntꞌohne Yakꞌusda yé huske-i, Yakꞌusda yukꞌunulheꞌustꞌenne bukꞌé dutaltsꞌulh wheꞌ hintꞌoh.

Colossians 2:8

Huwahli doo ka la ꞌuyoonne nanohonooꞌah bukꞌúneꞌ oohtꞌen ha. Dune dichꞌoh dukꞌunꞌa nuní hunuzut-un, kꞌus ꞌantsꞌi khuni be yáhalhduk-un, kꞌus dune didutchꞌoh dukꞌoh tsꞌe huhutni, kꞌus ndi yun kꞌut huwu ni hukwꞌunꞌa dune hohodulhꞌeꞌ. ꞋAw njan Christ ookꞌunꞌa iloh.

2 Thessalonians 2:3

Khun te dune nanohnooꞌah junih. Jesus Christ oodzin whusaóotiltsꞌulh ꞌet whutso, ꞌet ꞌudechoo whuchꞌa nahusdilh whutáleh, ꞌinkꞌez ndun lubeshi ꞌulhꞌen-un, ꞌen tsꞌiyanne nalh be hoodutaltsilh. Ndun lubeshi ꞌulhꞌen-un, musai yulhtsi-un, ꞌen ooyeꞌ ꞌuntꞌoh. Hukwꞌelhꞌaz ꞌet de za ꞌet dzin whusaóotiltsꞌulh.

1 John 4:1

Ookꞌesiꞌne, nudúdeh-i tsꞌiyawh iloh nohba ꞌalha ꞌootꞌeꞌ junih. Ndi nududeh-i oozúlhdzih Yakꞌusda ba tsꞌihꞌun ꞌuntꞌoh tilah. Lhane huwhutsꞌit whe nus húhooꞌenne yun kꞌehindil ꞌet huwa.