Mark 13:23 - Yak'usda Ooghuni

²³ ꞋAhoolhyiz hóohli! Tsꞌiyantsuk whutsodaꞌ nohdásniꞌ.”

Mark 13:23 Iomraidhean Croise

Matthew 24:25

ꞋEt soo zulhtsꞌai, whutsodaꞌ nohdásniꞌ.

Matthew 7:15

“Mbene la whutsꞌit be nus hooꞌenne naꞌdudilꞌi, ꞌenne buka huwahli! ꞋUsbai zuz be soo dintꞌohne, ꞌenne buyo tsꞌe yus ꞌukꞌenus ntsiꞌ-i, ꞌenne léꞌhintꞌoh.

Mark 13:22

ꞋEt Christ naꞌdudilꞌíne, ꞌinkꞌez nus hóoꞌenne naꞌdudilꞌíne cha, lhat te huwa ꞌítꞌen ꞌinkꞌez hooncha túneꞌ hutitꞌen Yakꞌusda ꞌutáhabanlane, ꞌenne hoontsꞌi nahunooꞌa hukwaꞌ hutitꞌelh.

Mark 13:24

“ꞋEt ꞌoh de dune dzoh nuhuzde, hukwꞌelhꞌaz sa dulhgus tileh, ꞌinkꞌez ꞌulhdzis oozaꞌ cha ꞌaw be lhoohoostꞌen tileh.

Mark 13:33

ꞋAhoolhyiz huwahli ꞌinkꞌez tenadahdli. ꞋAw tꞌeoonuzúhzun ntsꞌoh de whusaóotiltsꞌulh.

Mark 13:5

Jesus ubúlhni, “Huwuhli dune nanohnooꞌah junih.

Mark 13:9

Nohnihchꞌoh huwohleꞌ. Keyoh huwunline but nenóhotalelh ꞌinkꞌez lugliz nohoohootalhtꞌoh. ꞋEt si sgha moodihne ꞌinkꞌez lerwene cha bubut nenóhotalelh. ꞋEt Si sghu tꞌewhunoozeh.

Luke 21:34

“ꞋEt hoontsꞌi soo cho khahdli. Khun te nzoodulhꞌi, ꞌinkꞌez tanahtnai, ꞌinkꞌez ndi yun kꞌut hooni ꞌet za huwu nuní nahzut, ndowhi be nohdzi dobun junih. Doo ka sih ꞌet dzin hukwa tse lhúwhulhlih whe whusahóoltsꞌit.

Luke 21:8

ꞋInkꞌez ꞌubulhni, “Soo cho howahli. Khun te dune nanohonooꞌah junih. Lhane sooziꞌ gha whusahútidulh ꞌinkꞌez ꞌuhudutinelh, ‘Si ꞌen ꞌustꞌoh,’ ꞌinkꞌez ꞌawet whusawhútikulh, hutni de, khun te ubuntoohyaꞌ junih.

John 14:29

ꞋInkꞌez ꞌoh te neꞌwhutitꞌen-un, ꞌandit nohdásniꞌ. ꞋEt de la whusahóoltsꞌut de, si sghun nohba ꞌalhaꞌ ꞌuhotꞌeꞌ.

2 Peter 3:17

ꞋEt huwa nohni mbene la ookꞌesiꞌne, njan ꞌet nduwhútanelh whutso, ꞌudaꞌ tꞌeoonáhzun. ꞋEt huwa howahli! Ntsꞌenꞌa la ꞌahtꞌoh, whuz unꞌa za ꞌoohtꞌeꞌ. Doo ka ndunne ntsiꞌne, ꞌenne nintaꞌhutꞌih-un, ꞌenne bukꞌunꞌa ꞌoohneh. Bukꞌunꞌa ꞌahja de, ꞌet tehtsun tihleh.