Mark 13:22 - Yak'usda Ooghuni

²² ꞋEt Christ naꞌdudilꞌíne, ꞌinkꞌez nus hóoꞌenne naꞌdudilꞌíne cha, lhat te huwa ꞌítꞌen ꞌinkꞌez hooncha túneꞌ hutitꞌen Yakꞌusda ꞌutáhabanlane, ꞌenne hoontsꞌi nahunooꞌa hukwaꞌ hutitꞌelh.

Mark 13:22 Iomraidhean Croise

Matthew 24:24

ꞋAlhaꞌ whutsꞌit be christne ꞌinkꞌez whutsꞌit be nus hooꞌenne, lhane nohtoh whutaleh. ꞋInkꞌez nohtoh tube hooncha te neꞌhutitꞌen. ꞋInkꞌez huwa ꞌitꞌen-un cha nohtoh neꞌhutitꞌen. Njan ndó titꞌelh-un, khun tilah ꞌutꞌahályane nabonooꞌah huninzun, ꞌet hukwaꞌ hutitꞌelh.

Matthew 7:15

“Mbene la whutsꞌit be nus hooꞌenne naꞌdudilꞌi, ꞌenne buka huwahli! ꞋUsbai zuz be soo dintꞌohne, ꞌenne buyo tsꞌe yus ꞌukꞌenus ntsiꞌ-i, ꞌenne léꞌhintꞌoh.

Mark 13:21

ꞋOh de dune ndunóhohutni de, ‘Nulhꞌen Christ njan usda!’ Kꞌus, ‘Ngut usda!’ nohoútni de, nohba ꞌalhaꞌ ꞌuhudooniꞌ junih.

Mark 13:23

ꞋAhoolhyiz hóohli! Tsꞌiyantsuk whutsodaꞌ nohdásniꞌ.”

Mark 13:6

Lhane dune whusahúdulh ꞌinkꞌez sooziꞌ gha ꞌuhudutinelh, ‘Christ ꞌustꞌoh!’ ꞋEt nduhutni whe dune lhane nahuntiꞌah.

John 4:48

ꞋEt Jesus uyúlhni, “Nyunalh huwa ꞌítꞌen tuneꞌ ꞌústꞌen ꞌinkꞌez hooncha te neꞌústꞌen de, ꞌet de za la nohba ꞌalhaꞌ oostꞌeꞌ.”

2 Timothy 2:19

ꞋEt hoontsꞌi Yakꞌusda ooyoh ookꞌu whuzꞌai-i whudutsꞌo. ꞋAw gak hóleꞌ ꞌaitꞌoh. ꞋI kꞌut khuni ꞌukꞌeyánguz-i ndutni, “Mbene la neMoodihti oochꞌeꞌ unline, ꞌenne tsꞌiyawh tꞌebunínzun.” ꞋInkꞌez cha, “Mbene la ꞌuhutni, Christ ooduneꞌne tsinli de, ꞌenne ꞌutꞌen ꞌutsiꞌ-i tsꞌu níntꞌine, ꞌet ndoohoontꞌoh-un, ꞌet tsꞌiyawh whuchꞌaz náhoolyeh.”

1 John 2:18

Suzkehne ꞌawet ꞌet néꞌhunintꞌo wheꞌ hoontꞌoh. Christ chꞌaz ditni-un whuz de úyalh whulh ꞌúdahtsꞌo wheꞌ hoontꞌoh. ꞋAndit hoontsꞌi Christ chꞌaz ditnine huldlai wheꞌ hoontꞌoh. ꞋEt whe tꞌetsꞌonínzun ꞌawet ꞌet néꞌhunintꞌo wheꞌ hoontꞌóh.

1 John 2:19

Netsꞌu ha hándil wheꞌ hintꞌoh ꞌet hoontsꞌi ꞌaw nebulh didowhne iloh ꞌuhintꞌoh. Nebulh didowhne ꞌuhintꞌoh de, nebulh za da ꞌuhootꞌeꞌ ooleꞌ. ꞋEt hoontsꞌi whehandil ꞌet huwa la tsꞌiyanne tꞌebunózin ꞌaw nebulh didowhne lhuhíloh.

1 John 2:26

Mbene la nanohuntiꞌah hukwaꞌ ꞌutꞌenne, ꞌenne bughun ndi nohtsꞌó kꞌeꞌisguz.

Revelation 13:8

ꞋInkꞌez ndi yun kꞌut dilhtsꞌine, ꞌenne tsꞌiyawh ndi khuna-iti ntsiꞌ-i hitsꞌun teniꞌ huntilhdzilh. Ndun ꞌusbaiyaz ꞌudechoo ndi yun ꞌuhóolya whutsꞌun ꞌudaꞌ lháoodintꞌoh hizilhghi, ꞌenne ndi ꞌilhiz ꞌinkꞌez ꞌilhiz wheni tsꞌukhuna-un be ꞌudustlꞌus kꞌut bubooziꞌ ꞌukꞌu lhíguzne, ꞌenne ꞌuhintꞌoh.

Revelation 17:8

Ndi khuna-iti ntsiꞌ-i nalhꞌen-i, ꞌi ꞌantꞌeꞌ inleꞌ ꞌinkꞌez ꞌandit hooloh, ꞌinkꞌez tsa kꞌet whucho whutlꞌah hooloh-un whuz de ha tílgwulh ꞌinkꞌez ntsꞌe la musai tileh tsꞌun tilgwulh. ꞋInkꞌez ndi yun ꞌudechoo ꞌulya whutsꞌun, ndunne ndi yun kꞌut whutꞌenne, ndi ꞌilhiz tsꞌukhuna-i be ꞌudustlꞌus kꞌut, ꞌi kꞌut ꞌaw bubooziꞌ ꞌukꞌu lhíguzne, ndi khuna-iti ntsiꞌ-i ꞌantꞌeꞌ inleꞌ, ꞌinkꞌez ꞌandit hooloh, ꞌet hoontsꞌi hoonli ꞌuntꞌoh, ꞌenne huyanꞌen de buba hootácha.