Mark 13:14 - Yak'usda Ooghuni

¹⁴ “ꞋInka ꞌukꞌenus bé whunujut-un, ꞌaw ooba lheꞌhóotꞌoh-un, naꞌwhuditꞌen de, (Ndi yukꞌú yalhdúkne soo cho noheni taóodoltsꞌit. Daniel, Yakꞌusda be nus hóoꞌen-un, ꞌudaꞌ húwu yailhduk ínleꞌ). Judea dilhtsꞌine shus kꞌuz tsꞌe tse hutoolhdilh.

Mark 13:14 Iomraidhean Croise

Matthew 13:51

ꞋEt Jesus ubúlhni, “Njan ndunóhdusni-un, tsꞌiyawh eh tꞌeoonihzin?” ꞋEt ꞌuhuyulhni, “A, neMoodihti.”

1 Corinthians 14:20

Sulhutsinke noheni be tsꞌoodunne kꞌunꞌa oohtꞌeꞌ junih noheni be. ꞋEt chalhtsꞌul dahíntꞌoh la ꞌaw hoontsiꞌ-un tꞌehonuszun, ꞌet whuz unꞌa oohtꞌeꞌ. ꞋEt hoontsꞌi dune suliꞌ kꞌunꞌa nuní noohzut.

Revelation 1:3

Mbe ndi ꞌudustlꞌus yukꞌuyalhduk-un ꞌinkꞌez ndi nus be hootꞌen-i khuni hidántsꞌone huyoontun de, tube ꞌukꞌenus hoonzoo-un bughá whutaltsꞌulh, ꞌawet nilhdukw suliꞌ ꞌet huwa.

Revelation 13:18

Ndi ꞌi be tsꞌúwhunih-i, mbe la beni hooni-un, ꞌen ndi khuna-iti ntsiꞌ-i booziꞌ yolhto hubaꞌ hoontꞌoh. Dune ooziꞌ ꞌuntꞌoh. Ndi ꞌi lhkꞌuta lhkꞌuta lhkꞌuta (666) ꞌuyulhni.