Mark 13:13 - Yak'usda Ooghuni

¹³ Si sunihdulh huwa tsꞌiyanne nohtsꞌo dutitni. ꞋEt hoontsꞌi ꞌudekꞌez whutsꞌun whulh nudalyaꞌne za hudutijih.”

Mark 13:13 Iomraidhean Croise

Matthew 10:22

ꞋInkꞌez si sooziꞌ gha tsꞌiyanne nohtsꞌo dutitni. ꞋEt hoontsꞌi mbene la ꞌudekꞌez whutsꞌun ꞌet whulh núdalyaꞌne, ꞌenne hudutijih.

Matthew 24:13

ꞋEt hoontsꞌi mbene la whula toh whutsꞌun whulh úsyinne, ꞌenne za hudutijih.

Matthew 24:9

ꞋOh de neooninzut de, dzoh nunohotilhdeh ha whutlꞌa nohotilelh. Whulohne nohotighan. ꞋInkꞌez si sooziꞌ gha yinka whutꞌenne nohtsꞌo dutitni.

Mark 13:12

Dune dulhutsinke dahútitsah-un huwá botalelh. Bubáke cha, duduzke ꞌet ndúbotilhꞌelh, ꞌinkꞌez tsꞌoodunne cha, dudusne buchꞌaz náhulhya ꞌinkꞌez dahátitsah-un huwá botalelh.

Luke 21:17

ꞋInkꞌez si sooziꞌ gha tsꞌiyanne nohtsꞌu dutitni.

Luke 6:22

Dune nohtsꞌo dutitni ꞌinkꞌez ꞌaw bubulh óohtꞌeꞌ ꞌaitꞌoh nohohulhtsi. ꞋInkꞌez nohchꞌaz yahutilhduk whe Yinka Dune Yeꞌ, ꞌen gha nohooziꞌ dutsun hitilhtselh ꞌinkꞌez ꞌun hitilhdulh. ꞋEt whuz unꞌa ndunóhuhulhꞌen de, ꞌukꞌenus hoonzoo-un nohgha whultsꞌut.

John 15:21

ꞋEt nohni schꞌeꞌ ꞌahli, ꞌet huwa la ꞌoh te neꞌnohuhoolhꞌen, mbe la ndun whuz de sútilhꞌaꞌ-un, ꞌaw tꞌéhinúszun ꞌet huwa.

John 17:14

Nghuni bugha ídisꞌai ꞌinkꞌez ndi yun kꞌut whuduneꞌne butsꞌu hudutni. Ntsꞌenꞌa la si ꞌaw ndi yun kꞌut whuduneꞌne bubundulh lhuztꞌoh ꞌet whuz unꞌa ꞌenne cha ꞌaw ndi yun kꞌut whuduneꞌne bubundulh lhúhiltꞌoh.

Romans 2:7

Whulohne ꞌaw whutsꞌu lhodítni whe tsꞌihꞌun unꞌa ꞌuhutꞌen. ꞋEt nduhútꞌen-un huwun Yakꞌusda budólhtiꞌ, hincha uboolhtselh, ꞌinkꞌez ꞌahoolhyiz dalhótisa ꞌet hitsꞌu húkwaꞌ ninzun. ꞋEt nduntꞌóhne dune Yakꞌusda ꞌilhiz wheni huhutinalh-un bugha whútaꞌalh.

Galatians 6:9

ꞋEt hoonzoo-un ꞌutsꞌuwhulhꞌen ꞌet huwa néznotsilh junih. ꞋEt ꞌaw whula lhtsꞌudustni de, whusahóoltsꞌut de, ꞌet de ha ꞌúznoolelh.

Hebrews 10:39

Ndunne mbene la Yakꞌusda ooba ꞌalhaꞌ yintꞌohne ꞌinkꞌez kꞌoh naꞌhuja de, ꞌenne ndai la Yakꞌusda bugha whútaꞌalh-un, ꞌaw huyólhchoot ꞌaitꞌoh. Wheni ꞌaw ꞌenne bukꞌunꞌa lheꞌtsꞌítꞌoh. ꞋEt kꞌus wheni Yakꞌusda ooba ꞌalhaꞌ yintꞌohne tsinli, ꞌet whe dijizne ꞌutsꞌintꞌoh.

Hebrews 3:14

ꞋEt ꞌudechoo whutsꞌun Christ ookꞌúneꞌ tsꞌutꞌen-un, ꞌet whula toh whutsꞌun whulh tsꞌuzyin de, ꞌet de za Christ ootsꞌu ditnine ꞌuztileh.

James 1:12

Mbe la óolhdzai-un, ꞌawhuz whulh usyin, ꞌen ꞌukꞌenus hoonzoo-un oogha whutaltsꞌulh. ꞋEn ꞌuntꞌoh ꞌilhiz ye khútinalh-un ooghá whuntꞌai. Whuchꞌaꞌ whunílhde-un, ꞌet cha oogha whútaltsꞌulh. Mbene la neMoodihti yukꞌensiꞌne, whuz unꞌa butsꞌún hoozi.

1 John 3:13

Sulhutsinke ndi yun kꞌut whutꞌenne nohtsꞌo dutni de, khun te nohba hócha junih.

Revelation 2:10

Ndet la whe dzoh nutihzut-un, ꞌawet nilhdukw nohghu whutáltsꞌulh. Whénoolhjut junih! Soo zúlhtsꞌai! ꞋAwet nilhdukw whulohne netsudule ꞌanohtilelh. ꞋEt whe ootálhdzih. ꞋEt whunizyat dzin ꞌet dzoh nutihdeh. ꞋEt yaitahdlah whutsꞌun ꞌet nohba ꞌalha ꞌuhoontꞌoh zaꞌ hótꞌeꞌ. ꞋEt hukwꞌelha ꞌilhiz khutihnalh-un nohghá whuntasꞌalh. ꞋOn ꞌun whuchꞌa oonúlhde, ꞌet cha nohgha whútasꞌalh.

Revelation 3:10

Nohdásniꞌ dzoh nusahde-un soo whulh nudalhyaꞌ. Whuz unꞌa skꞌuneꞌ zahtꞌen. ꞋEt huwa ndi yun kꞌut ndulcho whe dune dzoh nutidoh-un whusaóotiltsꞌulh ubootálhdzih ha. ꞋEt whutso whuchꞌa nanohtásdlelh.