Mark 12:7 - Yak'usda Ooghuni

⁷ Nyoonne mai kꞌet butlꞌa hónlane ꞌet ꞌulhodútni, ‘Ndun njan mai kꞌet oochꞌeꞌ-un, ꞌen ooyeꞌ ꞌúntꞌoh. ꞋAnih, tsꞌuzoolhghelh. ꞋEt ooyeꞌ ootsꞌí tikulh-i tsꞌiyawh nechꞌeꞌ ooleꞌ.’

Mark 12:7 Iomraidhean Croise

Genesis 3:15

ꞋInkꞌez nyun ꞌinkꞌez tsꞌeke bulh lhazdatni nohtiselh, ꞌinkꞌez nyuzkeh ꞌinkꞌez buzkeh. Ntsi yayinduntaꞌus ꞌinkꞌez ookentsul duntalhdah.”

Genesis 37:20

ꞋEt huwa ꞌandit tsꞌuzoolhghelh ꞌinkꞌez tsa kꞌet ꞌatsꞌooneh! ꞋInkꞌez la ꞌuzdooniꞌ, ‘Khuna-i yellhoh,’ ꞌuzdooniꞌ la, huwunute-un dahoneh subah!”

Matthew 2:16

ꞋEt ꞌ Herod tꞌeoonanzin whunihne, Majine huyulhni, nahinanꞌa, ꞌet huwa tube hunilchꞌe. ꞋInka ntsꞌoya hoozulh Majine hidániꞌ lhuganne, Bethlehem tsꞌe whe balhꞌaꞌ. ꞋEt ꞌubulhni, keyoh whutꞌenne ꞌinkꞌez whunat whutꞌenne cha duneyaz nat yus kꞌut be suliꞌne ꞌinkꞌez whutsꞌun whudilhdzulhne cha, tsꞌiyawh hubahghan.

Matthew 21:34

Oonujin-un neooninzut whe yun whumoodih de ꞌulhnane, whuz whe balhꞌaꞌ ꞌinkꞌez ꞌutꞌenne, butsꞌun mai hitalhchulh ha.

Mark 12:12

ꞋEt Jesus huyólhchoot hukwaꞌ hutꞌen tꞌehonínzun didut buchꞌaz yálhduk whe dune hodalhꞌeꞌ, ꞌet hoontsꞌi dune ꞌilhozdílne ehunuljut ꞌinka Jesus dalhúhuyilel whe whenáhidil.

Mark 12:6

ꞋEt hoontsꞌi ꞋIlhoghun duyeꞌ yukꞌensíꞌ-un ꞌet usda. ꞋEn cha ꞌudekꞌez whuz butsꞌun whe yálhꞌaꞌ, ‘Syeꞌ, ꞌen la hidólhtiꞌ,’ ni ꞌinka.

Mark 12:8

ꞋInka huyílhchoot, hizílhghi ꞌinkꞌez hizi ꞌi la ha níyeh kꞌet tenáhinino.”

Acts 2:23

Yakꞌusda nanínízut ꞌinkꞌez ꞌudaꞌ tꞌeooninzun-un, ꞌi be ꞌudaꞌ Jesus nohtlꞌa tíltelh néwhuninꞌai. Nohni nohgha lubeshi ꞌulhꞌenne Jesus tulalhgus ꞌuhídunilhtꞌo ꞌet whe súlhghi.

Acts 5:28

“Soo khuni ulhtus-i be nohba natsꞌúhizya ínleꞌ ndun Jesus ghun dune hubodulhꞌeh íloh nohtsꞌútni inleꞌ. ꞋAndit whunulhꞌen lheꞌahja, Jerusalem ndulcho whe ꞌawet hubodilhꞌeꞌ. ꞋEt ndun dune dazsai ꞌet wheni nekꞌéwhuhꞌai!” hutni.

Acts 7:52

Tsꞌiyanne Yakꞌusda be nus hóoꞌenne nohtsodaꞌne bube húzula inleꞌ. ꞋInkꞌez nyoonne Yakꞌusda be nus hóoꞌenne, ndun Yakꞌusda ba tsꞌihꞌun unꞌa-un ꞌuntꞌoh whusatíyalh-un huwun bunalh hútni whe, nohtsodáꞌne hizilhghi inleꞌ. Ndun ꞌen ꞌuntꞌoh be ꞌóhket ꞌinkꞌez súlhghi inleꞌ.

Hebrews 1:2

ꞋEt njan ꞌandit ꞌudekꞌez dzin whe Yakꞌusda duYeꞌ ꞌen be nebulh yaílhduk. ꞋEn ooBá yutꞌi-i, ꞌi tsꞌiyawh oochꞌeꞌ yutileh, ꞌet whuz unꞌa ooBá yutlꞌa hónꞌai. OoYeꞌ ꞌen be ꞌuja tsꞌiyaitsuk ꞌuhóonla.