Mark 12:6 - Yak'usda Ooghuni

⁶ ꞋEt hoontsꞌi ꞋIlhoghun duyeꞌ yukꞌensíꞌ-un ꞌet usda. ꞋEn cha ꞌudekꞌez whuz butsꞌun whe yálhꞌaꞌ, ‘Syeꞌ, ꞌen la hidólhtiꞌ,’ ni ꞌinka.

Mark 12:6 Iomraidhean Croise

Genesis 22:12

ꞋInkꞌez ꞌuyulhni, “Nyeꞌ ookꞌedolnih junih kꞌus hoonli ꞌonleꞌ junih! ꞋAndit tꞌeooniszin Yakꞌusda (Elohim) be niljut, nyeꞌ ꞌen hoontsꞌi oochꞌa lhuyoontun ꞌaw ꞌilhoghun nyeꞌ, si schꞌa lhoontun.”

Genesis 22:2

ꞋInkꞌez ꞌutni, “Nyeꞌ ilhchoot, nyeꞌ ꞌaw ꞌilhoghun Isaac ilhchoot ookꞌeintsiꞌ, ꞌinkꞌez yun kꞌut Moriah tsꞌe whuz ilhtelh. ꞋInkꞌez dolhkꞌun nyo dzulh nyudutasnelh-un, ꞌet si stsꞌun dolhkꞌun sih.”

Genesis 37:3

ꞋEt Israel, Joseph ꞌonghunne duzkeh buba nus yukꞌensiꞌ. ꞋUdekꞌoh ooyeꞌ ꞌinkꞌez duneti whe ooyeꞌ yuzdliꞌ ꞌet huwa, ꞌinkꞌez dzoot yuba ꞌinla, lhelhtsꞌun otꞌen-i ꞌi dzoot yubaꞌ yinla.

Genesis 44:20

ꞋEt nemoodih ꞌutsꞌutni, ‘Nebá hoonli, duneti ꞌinkꞌez duneti suliꞌ whe ooyaz whuzdliꞌ, tsꞌoodun unli, ꞌen bulhutsin dazsai, ꞌinkꞌez ndun tsꞌoodun ooloo buzkeh ꞌenne didutchꞌoh gaih unli, ꞌinkꞌez oobá yukꞌensiꞌ.’

Matthew 1:23

“Whunulhꞌen ndun tsꞌeke ꞌaw dune tꞌenuszun-un tsꞌoodun ba ꞌuja, ꞌinkꞌez ooyaz dune tileh, booziꞌ Emmanuel hidutánelh, Yakꞌusda nebulh ꞌúntꞌoh, ni whe ꞌutni.”

Matthew 11:27

ꞋUBá tsꞌiyawh stlꞌa hónla, ꞌinkꞌez ꞌen ooYeꞌ mbe unli tsꞌiyanne tꞌehonúszun. OoBá ꞌaw ꞌen za tꞌeininzun. ꞋInkꞌez mbe ooBá unli, ooYeꞌ ꞌaw ꞌen za tꞌeininzun. ꞋInkꞌez mbe la ooYeꞌ ꞌonghohne tsꞌiyawh whubuntilhtun hukwaꞌ ninzunne, ꞌenne whubuntilhtun.

Matthew 17:5

Peter yalhduk whe khuntsul kwꞌus be tidatꞌen-i bukꞌeinde. Kwꞌus toh tsꞌe khuntsul ꞌuwhutni, “Ndun sYeꞌ soo ookꞌesiꞌ-un ꞌuntꞌoh. ꞋEn bulh hóonustꞌiꞌ. ꞋEn oozúlhtsꞌai!”

Matthew 26:63

Jesus ꞌaw tꞌedusnih. ꞋEt lubret ꞌukꞌenus diztiꞌ-un, yulhni, “Mbe la Yakꞌusda khuna-un, ꞌen be nyudusni yatolhdih hubaꞌ hoontꞌoh. ꞋI be mba nahutideh. Nedini Christ Yakꞌusda ooYeꞌ, ꞌen eh ꞌintꞌoh?”

Matthew 3:17

Khuntsul ndus de ꞌuwhutni, “Ndun ꞌ sYeꞌ ookꞌesiꞌ whé ꞌuntꞌoh, ꞌinkꞌez tube ꞌen bulh hoonústꞌiꞌ,” ni.

Mark 1:11

ꞋEt ꞌuwhútni, “Nyun sYeꞌ inli. Tube nkꞌesiꞌ, ꞌinkꞌez tube nyulh hoonústꞌiꞌ.”

Mark 12:5

Doo cha ꞌuyoon ꞌulhna whuz whelhꞌaꞌ. ꞋEn hizilhghi. Lhane ꞌuyoonne cha ꞌet ndúbuhinla whulohne ubuhoolhtꞌah ꞌinkꞌez whulohne cha ubuhanghan.

Mark 12:7

Nyoonne mai kꞌet butlꞌa hónlane ꞌet ꞌulhodútni, ‘Ndun njan mai kꞌet oochꞌeꞌ-un, ꞌen ooyeꞌ ꞌúntꞌoh. ꞋAnih, tsꞌuzoolhghelh. ꞋEt ooyeꞌ ootsꞌí tikulh-i tsꞌiyawh nechꞌeꞌ ooleꞌ.’

Mark 9:7

ꞋInkꞌez khuntsul kwꞌus bukꞌínde ꞌinkꞌez ndo kwꞌus toh tsꞌe yaztílhduk, “Ndun sichꞌoh sYeꞌ ꞌuntꞌoh, tube ookꞌesiꞌ, oozúlhtsꞌai,” whutni.

Luke 3:22

ꞌinkꞌez Ndoni dutꞌai, dove huyulhni, ꞌi kꞌunꞌa ndus de hátꞌoh ꞌinkꞌez yukꞌítoh. ꞋEt yakꞌuz khuni huduztsꞌai, ꞌi njan ndutni, “Nyun sYeꞌ ookꞌesiꞌ-un ꞌintꞌoh. Tube nyulh hoonústꞌiꞌ.”

Luke 9:35

Kwꞌus toh tsꞌe khuni huduztsꞌai, “Ndun sYeꞌ ookwꞌesiꞌ-un ꞌuntꞌoh. ꞋEn oozóolhtsꞌai,” ni.

John 1:14

ꞋEt ndi khuni Yakꞌusda unli, ꞌi dune suliꞌ ꞌinkꞌez netoh dune inleꞌ ꞌet whe dádiltiꞌ la tsꞌonalhꞌen. Ndi yé díztiꞌ, ꞌi Yakꞌusda ꞌilhoghun za ooYeꞌ yé diztiꞌ-i ꞌuntꞌoh. Ye unzoo-i ꞌaw oola tanalhuhóoꞌoh ꞌinkꞌez khuni ꞌalhaꞌ ꞌuntꞌoh-i za be yálhduk.

John 1:18

ꞋAw Yakꞌusda yanꞌen-un hooloh ꞌet ꞌaw ꞌilhoghun ooYeꞌ, ooBá ꞌukꞌenus yukꞌentsiꞌ-un Yakꞌusda ghun ꞌet whunénulhtan.

John 1:34

ꞋEt whunisꞌen. Soo tsꞌihꞌun khuni be nohdúsni, ꞌalhaꞌ ndun ꞌen Yakꞌusda ooYeꞌ ꞌuntꞌoh,” ubúlhni.

John 1:49

ꞋEt Nathanael uyúlhni, “Rabbi, ꞌalhaꞌ Yakꞌusda ooYeꞌ inli ꞌinkꞌez Israel ootsꞌu haindene bulerwe cha inli,” yúlhni.

John 3:35

Yakꞌusda ꞌen duYeꞌ yukꞌensiꞌ ꞌet huwa tsꞌiyaitsuk kꞌúneꞌ hoolꞌen-un, ꞌet yugha óoninꞌai.

John 5:23

ꞋEt huwa la ooYeꞌ dune tsꞌiyanne ꞌen hidólhtiꞌ ntsꞌenꞌa la ooBá hidílhtiꞌ hukwꞌunꞌa. Mbe la ooYeꞌ lhidílhtiꞌne ꞌaw ooBá ꞌen cha lhuhidílhtiꞌ, ꞌinkꞌez ꞌen ꞌuyinla duYeꞌ whusayálhꞌaꞌ inleꞌ.”

Hebrews 1:6

ꞋInkꞌez ꞌudechoo whuzdlí-un, Yakꞌusda doo cha ndi yun kꞌut neítalhtelh whe ꞌet ndutni, “Yakꞌusda oolizas, ꞌenne tsꞌiyawh hitsꞌu teniꞌ noolhdzin.”

1 John 4:9

ꞋAw ꞌílhoghun duYeꞌ ꞌen ndi yun kꞌuz yútilhꞌaꞌ. ꞋEn be ꞌilhiz wheni tsꞌukhoonaꞌ ha. ꞋEt whuz unꞌa Yakꞌusda ye nékꞌensiꞌ-i yunénilhtan.

3 John 1:1

Si John ꞌutso whudilhdzulh-un Gaius tsꞌiyanne yukꞌensiꞌ-un, ꞌen soo ꞌalhaꞌ ookꞌesiꞌ-un, ꞌen ootsꞌó kꞌeꞌusges.