Mark 12:5 - Yak'usda Ooghuni

⁵ Doo cha ꞌuyoon ꞌulhna whuz whelhꞌaꞌ. ꞋEn hizilhghi. Lhane ꞌuyoonne cha ꞌet ndúbuhinla whulohne ubuhoolhtꞌah ꞌinkꞌez whulohne cha ubuhanghan.

Mark 12:5 Iomraidhean Croise

Matthew 22:6

Whulohne lerwe be ꞌulhnane ubihílhchoot ꞌinkꞌez dzoh neꞌbuhalhꞌen ꞌinkꞌez ubuhanghan.

Matthew 23:37

“Nohni Jerusalem whutꞌenne, dáwhultsiꞌ-un nohtsꞌu hóoltsꞌulh! Nohni nus hooꞌenne ꞌahghan. ꞋInkꞌez nohtsꞌu tílhꞌaꞌne tse be bubahghan. Dantꞌoh la lugok duduzke dudintsꞌun be buboontun, whuz unꞌa nohni cha lhat-un whe ꞌilhunanohootásdlelh hukwaꞌ nuszun, ꞌet hoontsꞌi ꞌaw hukwa lheꞌnahzun.

Matthew 5:12

Kꞌudada whunúlhni ꞌinkꞌez ꞌukꞌenus hoonáhtꞌiꞌ! Yakꞌuz hooncha whe nohba kꞌelha whutaleh. Nohtso nus hooꞌen inleꞌne, whuz unꞌa za bube huzula inleꞌ.

Mark 12:4

Doo cha ꞌuyoon ꞌulhna whuz whelhꞌaꞌ. Tse be nahínilhꞌuz hitsi tsꞌe nalhꞌuz whe ka húyulhtsi, hukwayá hoonli kꞌunꞌa ꞌuhuyínla whe whenáhinanyoot.

Mark 12:6

ꞋEt hoontsꞌi ꞋIlhoghun duyeꞌ yukꞌensíꞌ-un ꞌet usda. ꞋEn cha ꞌudekꞌez whuz butsꞌun whe yálhꞌaꞌ, ‘Syeꞌ, ꞌen la hidólhtiꞌ,’ ni ꞌinka.

Mark 9:13

ꞋEt hoontsꞌi nohdúsni Elijah ꞌudaꞌ whusaínya ꞌinkꞌez dune ntsꞌenꞌa hukwaꞌ huninzun te, néꞌhuyulhꞌen. ꞋEt Yakꞌusda be ꞌudustlꞌus kꞌut whuz unꞌa ꞌukꞌu núwhusguz ínleꞌ.”

Luke 6:36

ꞋInka nohBá ntsꞌenꞌa la teꞌninzun, nohni cha whuz unꞌa za teꞌnoohzin.”