Mark 12:12 - Yak'usda Ooghuni

¹² ꞋEt Jesus huyólhchoot hukwaꞌ hutꞌen tꞌehonínzun didut buchꞌaz yálhduk whe dune hodalhꞌeꞌ, ꞌet hoontsꞌi dune ꞌilhozdílne ehunuljut ꞌinka Jesus dalhúhuyilel whe whenáhidil.

Mark 12:12 Iomraidhean Croise

Matthew 21:26

ꞋEt hoontsꞌi, ‘Dune tsꞌu ha hóoltsꞌut’ tsꞌutni de, ꞌaw ꞌuzdooniꞌ ꞌaitꞌoh, dune bubeznuljut, tsꞌiyanne John nus hooꞌen-un ꞌuntꞌoh huninzun ꞌet huwa.”

Matthew 22:22

ꞋEt hidantsꞌo whe tsꞌiyawh buba hooncha ꞌinkꞌez hichꞌa nasdil.

Mark 11:18

ꞋEt lubret moodihne ꞌinkꞌez Moses be ꞌudustlꞌus ꞌukꞌu nunáguzne hodántsꞌo whe hizoolhghelh-un hukó nuta tube huyé nilhjoot tsꞌiyanne ꞌilhozdílne hubodulhꞌeh buba hooncha ꞌet huwa.

Mark 11:32

Kꞌus ‘Dune yugha óoninꞌai tsꞌutni de,’” duduneꞌne be bé hunuljut huwa, tsꞌiyawh dune tꞌehonínzun John dune too be ꞌulhꞌen-un, ꞌen Yakꞌusda be nus hooꞌen-un unli inleꞌ.

Luke 20:19

Lizwif lubret bumoodihne, ꞌinkꞌez ndunne Moses be ꞌudustlꞌus ꞌukꞌu nunáguzne cha, ꞌet soo ꞌet sadzi hunitꞌo-un, ꞌenne Jesus hiyólhchoot hukwaꞌ hutꞌen. ꞋEt hoontsꞌi dune bubé hunuljut ꞌet huwun ꞌaw ꞌuhooneh ꞌaitꞌoh. Tꞌehoninzun ndi khuni bé whutsꞌodulꞌeh-i, didut buchꞌaz yalhduk whe ꞌutni ꞌet huwa.

Luke 20:6

ꞋEt hoontsꞌi dune tsꞌu ha hóoltsꞌut, tsꞌutni de, ꞌet dune tsꞌiyawh la tse be nehooghan. John ꞌen nus hooꞌen-un ꞌuntꞌoh ꞌet buba ꞌalha ꞌuhoontꞌoh ꞌet huwa.”

John 7:25

Whulohne Jerusalem whutꞌenne ꞌuhutni, “Ndun ꞌen lakw ꞌuntꞌoh hituzilhghelh wheni hikunuta?

John 7:30

ꞋEt hukwaꞌ huyólhchoot hukwaꞌ hitꞌen ꞌet hoontsꞌi ootsꞌun whudiltsꞌulh-un ꞌawhuz whusalhúwhulhtsꞌit, ꞌet huwa ꞌaw dalhúhuyilel.

John 7:44

Whulohne, ꞌenne huyitálhchulh hukwaꞌ huninzun, ꞌet hoontsꞌi dalhúhuyilel.