Mark 11:18 - Yak'usda Ooghuni

¹⁸ ꞋEt lubret moodihne ꞌinkꞌez Moses be ꞌudustlꞌus ꞌukꞌu nunáguzne hodántsꞌo whe hizoolhghelh-un hukó nuta tube huyé nilhjoot tsꞌiyanne ꞌilhozdílne hubodulhꞌeh buba hooncha ꞌet huwa.

Mark 11:18 Iomraidhean Croise

Matthew 21:15

ꞋEt lubret bumoodihne ꞌinkꞌez Moses be ꞌudustlꞌus ꞌukꞌu nunáguzne, huwa ꞌítꞌen tuneꞌ ꞌustꞌen whe hinalhꞌen. ꞋInkꞌez tsꞌoodunne, cha lugliz whucho sulyahalhduk whe njan nduhutni, “David ootsꞌu haínzut-un ooba tsꞌodilhtiꞌ!” ꞋEt lubret ꞌinkꞌez ꞌonghunne cha honalhꞌen whe hukwa ha hunilchꞌe.

Matthew 7:28

Jesus ndi khuni ye bubulh yailhduk, ꞌetsul ꞌudíja whe ꞌilhunaoosdilne buba hooncha.

Mark 1:22

Dune yudántsꞌone tube buba hooncha, soo oobaꞌ hoontꞌóh-un kꞌunꞌa whe dune whubodulhꞌeh, ꞌaw Moses be ꞌudustlꞌus ꞌukꞌu nunáguzne bukꞌunꞌa iloh ꞌutni.

Mark 11:32

Kꞌus ‘Dune yugha óoninꞌai tsꞌutni de,’” duduneꞌne be bé hunuljut huwa, tsꞌiyawh dune tꞌehonínzun John dune too be ꞌulhꞌen-un, ꞌen Yakꞌusda be nus hooꞌen-un unli inleꞌ.

Mark 12:12

ꞋEt Jesus huyólhchoot hukwaꞌ hutꞌen tꞌehonínzun didut buchꞌaz yálhduk whe dune hodalhꞌeꞌ, ꞌet hoontsꞌi dune ꞌilhozdílne ehunuljut ꞌinka Jesus dalhúhuyilel whe whenáhidil.

Mark 3:6

ꞋEt ꞌahoh Phariseene lugliz tenáhundil ꞌinkꞌez Herod didowhne bulh highu yalhduk ntsꞌenꞌa Jesus hituzilhghelh ꞌet wheni lhahóduleh.

Mark 6:20

Herod John dune too be ꞌulhꞌen-un yé nuljut, tꞌeoonínzun John dune tsꞌihꞌun dune unli, ꞌinkꞌez Yakꞌusda ooduneꞌ ꞌuntꞌoh. ꞋEt huwa yugha ꞌóoli yoozílhtsꞌai hóontꞌiꞌ, ꞌet hóontsꞌi yoozílhtsꞌai totsuk oodzi dútultsꞌuk.

Luke 19:47

ꞋInkꞌez ꞌet lugliz whucho dzin totsuk dune hodulhꞌeh. ꞋEt hoontsꞌi soo ꞌudedo lubretne, ꞌinkꞌez Moses be ꞌudustlꞌus ꞌukꞌu nunáguzne, ꞌinkꞌez dune tso whudilhdzulhne cha, tsꞌiyawh hituzilhghelh-un hukwa hitísꞌen.

Luke 2:47

Yuditsꞌone tube buba hooncha. Tsꞌiyantsuk tꞌewhunínzun ꞌinkꞌez tsꞌiyawh tsꞌihꞌun unꞌa ubúlhni.

Luke 20:19

Lizwif lubret bumoodihne, ꞌinkꞌez ndunne Moses be ꞌudustlꞌus ꞌukꞌu nunáguzne cha, ꞌet soo ꞌet sadzi hunitꞌo-un, ꞌenne Jesus hiyólhchoot hukwaꞌ hutꞌen. ꞋEt hoontsꞌi dune bubé hunuljut ꞌet huwun ꞌaw ꞌuhooneh ꞌaitꞌoh. Tꞌehoninzun ndi khuni bé whutsꞌodulꞌeh-i, didut buchꞌaz yalhduk whe ꞌutni ꞌet huwa.

Luke 4:22

Tsꞌiyanne soo highu yalhduk. Khuni unzoo-i ye yailhduk-i buba hooncha. Dichꞌoh ꞌulhodutni, “Ndun Joseph ooyeꞌ ꞌen iloh eh ꞌuntꞌoh?”

John 7:1

Njan hukwꞌelhꞌaz Jesus Galilee yun kꞌut za nusúya. Lizwifne hituzilhghelh hukwaꞌ huninzun ꞌet whuchꞌa ꞌaw Judea yun kꞌut nóyaꞌ hukwa lheꞌnízun.

John 7:19

Moses ꞌen ndi khuni ootulhúhisdeꞌ-i, ꞌi nohtlꞌa idanꞌai, ꞌet hoontsꞌi ꞌaw ookꞌú nulheꞌzuhtꞌen, ꞌinkꞌez di ha sutuzilhghelh hukwaꞌ tahꞌen?” ubúlhni.

John 7:46

Neilhchúkne ꞌuhutni, “ꞋAw whutsodaꞌ ꞌuyoon dune ꞌen ndun dune kꞌunꞌa yalhulhduk.”

Acts 24:25

ꞋEt Paul, be tsꞌihꞌun unꞌa ꞌuhoontꞌoh-un, ꞌinkꞌez whenichꞌoh khutsꞌudli-un cha, ꞌinkꞌez neba nahutideh dzin whusáwhutiltsꞌulh de huwun whúbunoolhtun hukwa ꞌutni. ꞋEt Felix nílhjoot ꞌinkꞌez ꞌutni, “ꞋAwet ꞌandit naindalh, doo cha nkanaꞌdoosniꞌ la sghá whultsꞌut de.”