Mark 11:14 - Yak'usda Ooghuni

¹⁴ ꞋEt Jesus mai chun uyúlhni, “ꞋAw ꞌon ꞌat dune nyumaiꞌ hooꞌalh ꞌaítꞌoh!” ꞋEt ndutni whe yugha hodulꞌehne hidántsꞌo.

Mark 11:14 Iomraidhean Croise

Matthew 21:19

ꞋEt ti whuzih mai chun, fig huyulhni, yutilhꞌen. ꞋEt yutsꞌoozya ꞌaw oomaiꞌ ooghu hooloh. ꞋUtꞌan za ooghu hoonli whe ꞌuyulhni, “ꞋAw ꞌilhiz nyumaiꞌ hootáloh.” Ni ibulh duchun ꞌuyulhni-i dizgi.

Matthew 21:33

“ꞋUyoo be nawhutnuk-i be nohdutásnelh. Soo zólhtsꞌaiꞌ! ꞋIlhoghun yun moodih, ha niyeh kꞌet ꞌuhoonla, ꞌinkꞌez mai tsꞌekoo tooꞌ chun ꞌananla. ꞋInkꞌez whunaꞌniztlꞌoo. ꞋEt tsa kꞌet ha hónkai mai tooꞌ ꞌutahahúlhtsus-un, ꞌet cha neóoninꞌai. ꞋInkꞌez ookꞌut yutistꞌen-i cha wheni ꞌuhinla. Ha niyeh kꞌet ꞌudunne haꞌ nulhyehne butlꞌa hónꞌai, ꞌinkꞌez nilhdzaꞌ keyoh tsꞌe whinya.

Matthew 21:44

ꞋInkꞌez mbe la ndi tse hikꞌiltsꞌutne, tsꞌiyawh yahidutátih. ꞋInkꞌez mbe la bukꞌé diltsꞌutne, tsꞌiyawh musai hutileh.”

Matthew 3:10

Nohni duchun léꞌahtꞌoh. ꞋAwet tsetselh lhadíntꞌoh. Duchun oomaiꞌ hooloh-i, ooghih tubulh tsuhídantsel ꞌinkꞌez hidutálhkꞌun.

Matthew 7:19

Duchun ꞌaw mai unzoo-i ooghu ha nooyeh ꞌaitꞌoh, nánuhidutselh ꞌinkꞌez hidilhkꞌun.

Mark 11:13

Nilhdzaꞌ ꞌet mai cho chun nílhꞌen ootꞌan hoonli. ꞋEt yughu nínya whe mai ntálhchulh ha. Yughu ninya whe ꞌutꞌan za ꞌuntꞌoh ꞌawhuz oomaiꞌ hooloh.

Mark 11:15

ꞋEt Jerusalem tsꞌe hoozdil, Jesus Lizwif bulugliz whucho daninya. ꞋEꞌóoketne ꞌinkꞌez ooketne tsꞌiyawh tenábuninyoot. Sooneya lhkꞌenádudzaihne buludab cha nánenizꞌai, ꞌinkꞌez dutꞌai be óoketne cha,

John 15:6

Mbene la si syudínda ilohne, ꞌenne ꞌuzooschum kꞌunꞌa kꞌuhídutꞌus ꞌinkꞌez nꞌun hidutulhtꞌoh, ꞌet dugi, ꞌet nduhíntꞌoh. ꞋOhwhi ꞌuzooschum nahidulhdzooh ꞌinkꞌez tsuh hidulhkuk ꞌinkꞌez hidílhkꞌun.

2 Peter 2:20

ꞋEt neMoodihti ꞌinkꞌez neulhyis-un Jesus Christ, ꞌen soo tsꞌihꞌun highu tꞌewhunínzun, ꞌi be ndi yun kꞌut hoontsiꞌ-un, ꞌet tsꞌiyawh whuchꞌa hudujih de, ꞌinkꞌez doo cha za buchꞌaꞌ ninde, ꞌinkꞌez ntsiꞌne butanahandil de, ꞌet de whutsodaꞌ Yakꞌusda tꞌehunuszun daꞌ, dahítꞌen la, ꞌet whanus buba hotátsiꞌ tileh.

Revelation 22:11

Mbe tsꞌihꞌun lheꞌitꞌoh-un, whute ꞌet za ndótꞌeꞌ. Mbe dutsun-un, whute ꞌet za ndótꞌeꞌ. ꞋInkꞌez mbe tsꞌihꞌun ꞌuntꞌoh-un, ꞌet za ndótꞌeꞌ. Mbe Yakꞌusda ba ꞌudun nelya-un, ꞌet za ndótꞌeꞌ,” ni lizas.