Mark 10:47 - Yak'usda Ooghuni

⁴⁷ Jesus Nazareth whutꞌen-un ꞌóh whuya uyalh ꞌet whundantsꞌo, ꞌahoh hazulh whe ꞌutni, “Jesus David ootsꞌuhainzut-un sgha téꞌninzeh!”

Mark 10:47 Iomraidhean Croise

Matthew 1:1

Ndi ꞌudustlꞌus ꞌukꞌeguz-i ꞌet ndutni, ꞌi be Jesus Christ ꞌen ꞌubé dinzutne ꞌuhíntꞌoh, ꞌi Jesus David tsꞌu hainzut. David ꞌen Abraham tsꞌu hainzut-un ꞌuntꞌoh.

Matthew 12:23

ꞋEt ꞌilhunaoosdilne tsꞌiyawh buba hooncha ꞌinkꞌez dichꞌoh lhulh yáhalduk, “ꞋEn toleh David ootsꞌuhainzut-un ꞌuntꞌoh.”

Matthew 15:22

ꞋIlhoghun tsꞌeke, Canaan whutꞌen-un ꞌuntꞌoh, yughu ninya. Tso bulh yalhduk wheꞌ yulhni, “SMoodihti sgha teꞌninzeh, David ootsꞌuhainzut-un ꞌintꞌoh! Syaz tsꞌekeyaz tube hoontsiꞌ hukwꞌunꞌa ntsiꞌ-i nududeh-i ooyudinda!”

Matthew 2:23

Whuz hoozdil whe keyoh Nazareth ꞌet hudutáltsꞌilh. Nus hooꞌenne daja hutni la, ꞌoh túneꞌ whustꞌen whe njan duhútni, “ꞋEn Nazareth whutꞌen-un hidutánelh.”

Matthew 20:30

Nane hoos̱ꞌenne ti whuzih huzkeh. ꞋEt Jesus ꞌoh whuya uyalh whe hiduztsꞌai. ꞋUltus-un hika huyih, “Moodihti, David ootsꞌu haínzut-un, negha teꞌninzeh!”

Matthew 21:11

ꞋEt ꞌilhunaoosdilne hubuhútni, “Ndun ꞌen Jesus nus hooꞌen-un, ꞌen ꞌuntꞌoh. Keyoh Nazareth yun kꞌut Galilee whuzꞌai-un, whuz de hainya-un ꞌuntꞌoh.”

Matthew 21:9

ꞋEt ꞌawet ꞌilhunaoodilhne whulohne ootso ꞌinkꞌez whulohne ookꞌoh tsꞌe hidulh ꞌinkꞌez tube cho huhuyih whe nduhutni, “David ootsꞌu haínzut-un ba tsꞌodilhtiꞌ! NeMoodihti booziꞌ be whuz de úyalh. ꞋEn ꞌukꞌenus hoonzoo-un oogha whultsꞌut. ꞋEt soo yoodughi hidílhtiꞌ!” hutni.

Matthew 26:71

ꞋInka ꞌaz tenánja. ꞋUyoon tsꞌeke cha yunilhꞌen, ꞌinkꞌez ꞌoh nudilhyanne, ꞌúbulhni, “Ndun ꞌen cha Jesus Nazareth whutꞌen-un bulh ꞌutꞌen inleꞌ.”

Matthew 9:27

Jesus natisja whe nane dune hoos̱ꞌenne hiyuntizꞌaz ꞌinkꞌez hikazulh, “NeMoodihti David ootsꞌuhainzut-un negha teꞌninzeh!”

Mark 1:24

“Jesus Nazareth whutꞌen-un ndet netsꞌú hukwaꞌ ninzun? Gak netalhtselh ha whusaínya? Mbe inli tꞌenyunúszun, nyun Yakꞌusda ba lubeshi ooghu hooloh-un ꞌintꞌoh.”

Luke 4:16

ꞋEt keyoh nizyai-un, Nazareth, whuz whinya. ꞋEt dzin dune nalyis-un dzin ꞌuhoontꞌoh, Lizwifne bulugliz whe nidudinya. ꞋEt whuz unꞌa dichꞌoh be ꞌutꞌen kꞌoh ꞌuhoontꞌoh. ꞋInkꞌez buba ꞌukꞌu yatilhduk ha dudinya.

John 1:46

ꞋEt Nathanael ꞌutni, “Ntsꞌenꞌa suba hoonli ꞌuzooꞌ-i Nazareth tsꞌu ha óoltsꞌit?” ꞋEt Philip ꞌutni, “ꞋAnih, sulh ínꞌus ꞌinkꞌez whunolhꞌen si!” yúlhni.

John 19:19

ꞋEt Pilate yukꞌúneꞌ uzguz-i, ꞌi butlꞌa yánꞌai tulalhgus huyundunólhtꞌa ha. ꞋI kꞌut ꞌutni: JESUS NAZARETH WHUTꞋEN, LIZWIFNE BULERWE ꞋUNTꞋOH

John 7:41

ꞋEt whulohne cha ꞌuhutni, “Ndun ꞌen Christ ꞌen ꞌuntꞌoh.” ꞋEt ꞌuyoonne cha ꞌuhutni, “ꞋAwundooh! ꞋAw Christ Galilee yun kꞌut tsꞌe toleh ha tíyalh!

John 7:52

ꞋEt ꞌuhuyúlhni, “Nyun cha eh Galilee tsꞌe haínya-un inli? Yakꞌusda ooghuni ꞌukꞌu nusguz-i soo cho nilhꞌen, ꞌet de la nyeni be tꞌéoonónzin, ꞌaw ꞌilhoghun hoontsꞌi nus hóoꞌen-un, ꞌen Galilee yun kꞌut tsꞌe haínya-un hooloh!”

Acts 6:14

Njan ndutni whe uzditsꞌo. ‘Ndun Jesus Nazareth whutꞌen-un nelugliz whucho nawhúduntiyus ꞌinkꞌez Moses khuni netlꞌa ídanꞌai-i cha tsꞌiyawh ꞌutsꞌun unꞌa za naꞌwhutilelh,’ ꞌet ndutni whe uzditsꞌo.”

Revelation 22:16

“Si Jesus slizas nohni Yakꞌusda ba ꞌilhunaoodulhne, ꞌen nohtsꞌún whesꞌaꞌ. Ndi khuni Yakꞌusda ba ꞌilhunaoodulhne, ꞌenne ꞌubudóhniꞌ ha David ootsꞌu ha yándene, ꞌenne bube diszut whe ꞌustꞌoh. Bundadaꞌ sum tube be hóodatꞌen, ꞌi le ꞌustꞌoh!” ni Jesus.