Mark 10:43 - Yak'usda Ooghuni

⁴³ ꞋEt hoontsꞌi ꞌaw whuz unꞌa iloh nohni ꞌahtꞌoh. ꞋIlhoghun nohtoh dune uncha-un tileh hukwaꞌ ninzun de, nohba neꞌútꞌen-un cha ooleꞌ whubaꞌ hoontꞌoh.

Mark 10:43 Iomraidhean Croise

Mark 10:42

ꞋInka Jesus tsꞌiyawh, “ꞋAnih,” hubudániꞌ ꞌinkꞌez ubúlhni, “Tꞌeoonáhzun ꞌudun yun kꞌut whutꞌenne butoh, dune tso whudilhdzulh unlíne, ꞌenne dune bukꞌut moodih hinli. ꞋInkꞌez bumoodih unline, cha bumoodih hinli.

Mark 10:44

ꞋInkꞌez nohtoh ꞌilhoghun ꞌudetso tileh hukwaꞌ ninzun de tsꞌiyanne eꞌulhna ooleꞌ hubaꞌ hoontꞌoh.

Mark 9:35

Jesus nátlꞌa didaꞌ whe whunizyane ꞌon ꞌat nane yugha hodulꞌehne, “ꞋAnih,” ubudániꞌ ꞌinkꞌez ubúlhni, “Mbe la ꞌukꞌenus dune uncha-un tileh hukwaꞌ ninzun de, ꞌen ꞌudekꞌoh ooleꞌ hubaꞌ hoontꞌoh, ꞌinkꞌez tsꞌiyanne natnéꞌtitꞌen.”

Luke 14:11

ꞋEt mbe la ncha naꞌdudilꞌi-un, ꞌen yooya tileh. ꞋInkꞌez mbe la teꞌ dudilꞌen-un, ꞌuntꞌoh-un huyoolhtselh.”

Luke 18:14

ꞋEt Jesus ꞌubulhni, “Nohdusni ndun sooniya ꞌilhunaoosꞌaih-un, ꞌen Yakꞌusda nalh tsꞌihꞌun naꞌuja whe duyoh tsꞌe naoosja. ꞋEt ꞌilhoghun ꞌaw ndúlhinel. ꞋInkꞌez mbe la duba naꞌudzooꞌ-un, ꞌen yooya yutilhtselh. ꞋInkꞌez mbe la yo ꞌúdudildzun-un, ꞌen Yakꞌusda yudutalhtiꞌ.”

Luke 22:26

ꞋEt hoontsꞌi nohni nohtoh ꞌe dóhtꞌeꞌ junih! Kꞌus nohtoh mbe ꞌukꞌenus ꞌuntꞌoh-un ooleꞌ-un, ꞌen ꞌudekꞌoh-un kꞌunꞌa ooleꞌ. Mbe la nohtso whudilhdzulh-un, nohba neꞌútꞌen-un ooleꞌ.

Luke 9:48

ꞋInkꞌez ꞌubulhni, “Mbe la sooziꞌ gha ndun tsꞌoodunyaz yukꞌesutsit-un, skꞌeintsiꞌ wheꞌ hintꞌoh. ꞋInkꞌez mbe la skꞌesutsit-un, whuz de sútilhꞌaꞌ-un cha hikꞌesutsit wheꞌ hoontꞌoh. ꞋEt huwa, mbe la nohtoh ꞌukꞌenus dune ba telꞌen-un, ꞌen ꞌukꞌenus ncha tileh.”

John 18:36

ꞋEt Jesus ꞌuyulhni, “Ntsꞌe la lerwe usdli-un ꞌaw ndi yun kꞌut iloh ꞌuhoontꞌoh. ꞋEt ndi yun kꞌut whulerwe usdli de, sunidulhne ꞌaw daꞌ Lizwifne tlꞌa sulhoohoolhtel ooleꞌ daꞌ. ꞋAwundooh, whulerwe usdli-un ꞌaw ndi yun kꞌut iloh ꞌuhoontꞌoh.”

Romans 12:2

ꞋInkꞌez dune ꞌandit dzin dahíntꞌoh bubun dóhtꞌeꞌ hukwa oohtꞌen junih. ꞋEt kꞌus ꞌandit noheni ꞌutsꞌun unꞌa naꞌahleh. ꞋEt nduhtꞌen de, ꞌet la tꞌéwhunóhzin ndet la Yakꞌusda nohtsꞌu húkwaꞌ ninzun-un. Yakꞌusda be ꞌutꞌen kꞌoh tsꞌiyawh hoonzoo, tsꞌiyanne ba hoonzoo, ꞌinkꞌez tsꞌihꞌun unꞌa ꞌuhoontꞌoh.

Galatians 5:13

Sulhutsinke Moses be ꞌudustlꞌus hikꞌúneꞌ ꞌustꞌenne oola naditnine ꞌahli whé ꞌahtꞌoh. ꞋEt hoontsꞌi ꞌaw ꞌilhoghun za nohba whuzꞌai. Ndi whe oola naditni-un ꞌet whahtꞌi, ꞌet hoontsꞌi soo cho khohdleꞌ. Nohyustꞌe nintaꞌtitꞌelh-un, ꞌet whutsꞌu níntꞌi de, ꞌet hólhchoot junih! ꞋEt kꞌus be nékꞌetsꞌinsiꞌ-i, ꞌi be lhba neꞌóohtꞌen.